[ ᭒᭐20B]
᭒᭐
᭟᭔᭟ᬭᬳᬶᬦᬾᬫᬸᬮᬦ᭄ᬧᬹᬃᬡ᭄ᬦᬫ᭞ᬲᬤᬮᭀᬫ᭄ᬫᬢ᭄ᬭᬗ᭄ᬢᬂᬓᬸᬦᬶᬂ᭞ᬤᬾᬦᬶᬂᬢ᭄ᬯᬭᬢᬳᬾᬦ᭄ᬦᬶᬤ᭄ᬭ᭞ᬲ᭄ᬬᬂᬭᬢ᭄ᬭᬶᬤᬦᬾᬫᬫᬃᬕ᭄ᬕᬶ᭞ᬯᬃᬡ᭄ᬦᬦᭂᬦ᭄ᬲᭀᬮᬳᬾᬫᬗ᭄ᬓᬶᬦ᭄᭞ᬭᬶᬓᬮᬦ᭄ᬜᬦᬾᬮᬸᬫᬓᬸ᭞ᬮ᭄ᬯᬶᬃᬧᬗᭂᬮᭀᬂᬬᬧᬶᬂᬲᬧ᭄ᬢ᭞ᬓᬳᬾᬫ᭄ᬩᭀᬦᬦ᭄ᬢᬭᬸᬲ
ᬭᬶ᭞ᬕᬥᬶᬂᬮᬸᬫ᭄ᬮᬸᬫ᭄᭞ᬮ᭄ᬯᬶᬃᬩᬸᬮᬦ᭄ᬓ᭄ᬮᬫᬤᬦ᭄ᬫᬾᬕ᭟᭕᭟ᬢᬦ᭄ᬝᬭᬶᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬲᬲᬫ᭄ᬩᬢᬾᬗᬲᬶᬄᬳᬲᬶᬄ᭞ᬫᬶᬥᭂᬭᬦ᭄ᬫᬭᬶᬂᬓᬦᬦᬵ᭞ᬭᬭᬶᬲ᭄ᬯᬾᬦ᭄ᬢᭂᬦ᭄ᬬᬓᬧᬗ᭄ᬕᬶᬄ᭞ᬓᬪᬶᬦᬯᬵᬳᬦ᭄ᬢᬸᬓ᭄ᬩᭂᬘᬶᬓ᭄᭞ᬭᬶᬂᬳᬮᬨᬰᬭᬓᬯᬸᬯᬸᬲ᭄᭞ᬢᬶᬃᬣ
ᬦ᭄ᬜᬦᬾᬬᬦᬶᬃᬫ᭄ᬫᬮ᭞ᬯᬗᬸᬦᬦ᭄ᬤᬸᬓᬸᬄᬲᬸᬥᬃᬫᬶ᭞ᬲᬃᬯ᭄ᬯᬳᬭᬸᬫ᭄᭞ᬦᬭᬶᬂᬤᬤ᭄ᬭᬶᬳᬮᬨᬰᬭᬵ᭟᭖᭟ᬧᬸᬧᬸᬄᬳᬤ᭄ᬭᬶ᭟ᬚ᭄ᬭᭀᬤᬸᬓᬸᬄᬲᬕᬾᬢ᭄ᬚᬦᬶᬓᬘᬸᬡ᭄ᬥᬸᬓ᭄᭞ᬭᬶᬂᬢᭂᬗᬄᬢᬫᬦᬾ᭞ᬦᬭᬶᬂᬩᬮᬾᬲᬶᬗ᭄ᬳᬲᬭᬶ᭞ᬓᬕ᭄ᬬᬢ᭄ᬦᬸᬮ᭄ᬬᬤᬦᬾᬫ
ᬫᬸᬯᬸᬲ᭄᭞ᬯᬘᬡᬦᬾᬲᬃᬯ᭄ᬯᬶᬳᬭᬹᬫ᭄᭞ᬳᬸᬮᬶᬤᬶᬚᬤᬾᬯᬧ᭄ᬭᬧ᭄ᬢ᭞ᬫᬢ᭄ᬮᬲᬦ᭄ᬫᬜᬸᬲᬸᬧ᭄ᬕᬸᬦᬸᬂ᭞ᬢ᭄ᬯᬭᬳᬤᬫᬗᬶᬭᬶᬗᬂ᭞ᬮᬸᬄᬮᬸᬢᬸᬂᬭᬭᬶᬲ᭄ᬫᬜᭂᬫ᭄ᬩᬄ᭟᭑᭟ᬢᬶᬢ᭄ᬬᬂᬦᬶᬱ᭄ᬞᬓᬢᬶᬦ᭄ᬤᬶᬳᬦ᭄ᬮᬘᬸᬃ᭞ᬭᬶᬂᬚᬕᬢ᭄ᬫᬬᬸᬭᬦᬾ᭞ᬓᬤᬂᬩ᭄ᬭ
[ ᭒᭑ 21A]
ᬬᬦᭀᬭᬲᬸᬤ᭄ᬥᬶ᭞ᬫᬾᬫᬾᬩᬧᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬢᬶᬢ᭄ᬬᬂᬦ᭄ᬤᬾᬯᬾᬓ᭄ᬯᬦ᭄ᬢᬄᬓᬦ᭄ᬢᬸᬦ᭄᭞ᬯᬾᬦ᭄ᬢᭂᬦ᭄ᬧᬺᬦᬄᬳᬭᬶᬦ᭄ᬢᬶᬢ᭄ᬬᬂ᭞ᬳᬶᬲ᭄ᬮᬶᬓ᭄ᬱᬶᬓ᭄ᬦᬾᬓᬯᬸᬯᬸᬲ᭄᭞ᬲᬫ᭄ᬧᬸᬦ᭄ᬫᬶᬗ᭄ᬕᬢ᭄ᬤᬸᬓ᭄ᬚᬚᬓᬵ᭞ᬲᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬲᭀᬮᬲ᭄ᬢᭂᬫ᭄ᬯᬂ᭟᭒᭟
ᬲᬲᬵᬦᬓ᭄ᬢᬶᬢ᭄ᬬᬂᬲᬦᬸᬗ᭄ᬕᬶᬮ᭄ᬓᬦ᭄ᬢᬸᬦ᭄᭞ᬓᬧᭀᬤᬶᬚᬵᬳᭂᬗ᭄ᬕᭀᬦᬾ᭞ᬦᬶᬓᬋᬋᬄᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬾᬲᭂᬫ᭄ᬳᬶᬤᬸᬓᬸᬄᬫᬲᬳᬸᬃ᭞ᬳᬄᬳᬄᬤᬾᬯᬓᬾᬲᬂᬳᬬᬸ᭞ᬤᬸᬤᬸᬦ᭄ᬢᭀᬤᬾᬯᬲᬲᬵᬦᬓ᭄᭞ᬮᬯᬦ᭄ᬳᭂᬦ᭄ᬢᭀᬦᬾᬦᬸᬳᬶᬤᬸᬧ᭄᭞ᬧᬂ
ᬳᬤᬳᬚᬓ᭄ᬫᬋᬩᬢ᭄᭞ᬫᬋᬩᬸᬢ᭄ᬫᬗᬮᬶᬄᬤᬳᬃ᭟᭓᭟ᬦᬭᬦᬾᬲᬫᬶᬓᬧᬲ᭄ᬢᬸᬤᬸᬫᬸᬦ᭄᭞ᬤᬶᬯᬯᬸᬫᬶᬚᬶᬮᬾ᭞ᬭᬶᬂᬩᬧᬳᬶᬩᬸᬦᬾᬗᬸᬦᬶ᭞ᬗᬋᬩᬸᬢᬶᬦ᭄ᬲᬃᬯ᭄ᬯᬩᬸᬲᬸᬓ᭄᭞ᬲ᭄ᬯᬃᬡ᭄ᬦᬦ᭄ᬰᬯᬦᬾᬓᬚᬸᬚᬸᬃ᭞ᬳᭂᬦ᭄ᬢᭀᬫᬤᬦ᭄ᬲᬃᬯ᭄ᬯ
ᬪᬓ᭄ᬱ᭞ᬓ᭄ᬭᬡᬳᬭᬂᬳᬤᬧᬢᬸᬄ᭞ᬜᬫᬯᬬᬦ᭄ᬢᭀᬳᬤᬦ᭄ᬜ᭞ᬳᬧᬂᬳᬤᬳᬚᬓ᭄ᬫᬋᬩᬢ᭄᭟᭔᭟ᬓᭂᬫᬫᬳᬶᬢᬸᬲᬶᬂᬢᬳᬾᬦ᭄ᬢᬶᬦᬸᬢ᭄᭞ᬬᬤᬶᬦ᭄ᬤᬶᬧᬸᬍᬲᬾ᭞ᬢᬸᬲᬶᬂᬢᬳᬾᬦ᭄ᬬᬜᬋᬗᬶᬦ᭄᭞ᬓ᭄ᬭᬡᬮ
