[ ᭑᭐ 10B]
ᬳᬵᬓᬦᬾᬕᬸᬲ᭄ᬢᬶᬢᭀᬢᭀᬦᬦ᭄᭞ᬦᬾᬓ᭄ᬭᬡᬢᬸᬤᬾᬅ᭄ᬧᬮᬶᬂ᭞ᬳᬫ᭄ᬩᬸᬮ᭄ᬓ᭄ᬦᬯᬶᬱ᭄ᬬ᭞ᬳᬭᬄᬤᬵᬧᬤᬶᬤ᭄ᬬᬦ᭄᭞ᬳᬚᬓ᭄ᬳ᭄ᬬᬂᬩᬋᬂᬫᬢᬶ᭞ᬢᭀᬢᬾᬳᬓᬸᬤᬵ᭞ᬤᬳᬦᬾᬦᬾᬗᬾᬤᬦᬦᬶᬦ᭄᭟ᬤᬤᬶᬓ᭄ᬜᬶᬂᬳᬶᬮᬾᬗ᭄ᬕᭂᬮᬃᬫ
ᬢᬹᬃᬗ᭄ᬮᬦ᭄ᬢᬭᬂ᭞ᬩ᭄ᬘᬶᬓ᭄ᬯᬦ᭄ᬢᬄᬓᬓᬮᬶᬄ᭞ᬦᬾᬦᬾᬭᬚᬧᬶᬲᬦ᭄᭞ᬯᬦ᭄ᬢᬄᬓᬾᬄᬩᬚᬂᬩᬚᬂ᭞ᬗ᭄ᬳᬶᬂᬦᬾᬦ᭄ᬢᭂᬦ᭄ᬜᬦ᭄ᬤᬂᬲᭂᬦᭂᬗᬶᬦ᭄᭞ᬧᬢᬸᬢ᭄ᬫᬦᬸᬱᬵ᭞ᬧᬸᬦᬶᬓᬵᬦᬾᬓᬓᬮᬶᬄ᭟ᬭᬢᬶᬄᬓᭂᬫ᭄ᬩᬃᬦᬸᬫᬤ᭄ᬥᬶᬫᬜᬮᬦ᭄ᬢᬭᬵ᭞ᬫᬺᬓᬂᬳᬸᬮᬸᬦ
ᬢᬶ᭞ᬫᬗᭂᬜᬳᬂᬚᬚᬄ᭞ᬳᬶᬩᬶᬦ᭄ᬤᬃᬓ᭄ᬜᬶᬂᬦᬶᬫ᭄ᬩᬮ᭄᭞ᬚᬮᬄᬓᬾᬧ᭄ᬲᬸᬳᬗ᭄ᬕᬸᬭᬶᬦ᭄᭞ᬮᬯᬸᬢ᭄ᬳᭂᬲᭂᬳᬂ᭞ᬜᬳᬦ᭄ᬚᬮᬄᬧᬭᬦᬶᬦ᭄᭟ᬭᬢᬸᬳᬾᬯᭂᬄᬳᭀᬓᬦ᭄ᬕᬸᬲ᭄ᬢᬶᬢ᭄ᬭᬂᬚᬕᬢ᭄᭞ᬳᬶᬩᬶᬦ᭄ᬤᬃᬫᬜᬳᬸᬢᬶᬦ᭄᭞ᬓᬓᬾᬬ
ᬦ᭄ᬲᭂᬩᭂᬢᬂ᭞ᬬᬤᬶᬦ᭄ᬋᬩᬸᬢᬦᬶᬂᬧ᭄ᬭᬂ᭞ᬲᭀᬓ᭄ᬱᬸᬩᬩᬓᬢ᭄ᬓᬓᭂᬩᬶᬦ᭄᭞ᬫᬦ᭄ᬬᬦ᭄ᬓᬶᬚᬳᬵ᭞ᬫᬲᬶᬄᬢ᭄ᬯᬄᬮᬓᬃᬫᬢᬶ᭟ᬭᬾᬳᬶᬂᬫᬸᬮᬵᬢᬶᬗ᭄ᬓᬄᬲᬂᬫᬳᬵᬧᬸᬭᬸᬱᬵ᭞ᬳᬶᬭᬶᬗᭂᬦ᭄ᬲᬓᬶᬗᬭᬶᬲ᭄᭞ᬬᬤᬶᬦ᭄ᬋᬩᬸᬢ
[ ᭑᭑ 11A]
ᬦᬶᬂᬧ᭄ᬭᬂ᭞ᬲᭀᬓ᭄ᬲᬸᬩᬩᬓᬢ᭄ᬓᬓᭂᬩᬶᬦ᭄᭞ᬫᬦ᭄ᬬᬵᬦ᭄ᬓᬶᬚᬳᬵ᭞ᬫᬲᬶᬄᬮᬓᬵᬃᬢ᭄ᬯᬄᬫᬢᬶ᭟ᬚᬮᬄᬮ᭄ᬯᬲ᭄ᬓᭂᬫᬵᬜᬭᬸᬫᬳᬸᬜᬳᬦ᭄᭞ᬲᬶᬂᬲᬶᬂᬚᬳᬗ᭄ᬕᭀᬦ᭄ᬢᬗ᭄ᬓᬶᬲ᭄᭞ᬫᬗ᭄ᬤᬾᬲᬶᬤ᭄ᬥᬦᬯᬂ᭞ᬧᬬᬭᬾᬦᬾᬚᬸᬫᬳᬦ᭄᭞ᬬᬾᬦ᭄ᬮᬶᬓ
ᬤ᭄ᬓᬮᬯᬦ᭄ᬢᬸᬲᬶᬂ᭞ᬤᬸᬫᬤᬓ᭄ᬳᬤᬵ᭞ᬲ᭄ᬯᬾᬘᬦ᭄ᬳᬶᬤᬵᬳ᭄ᬬᬂᬯᬶᬤ᭄ᬥᬶ᭟ᬦᬶᬸᬄᬳᬶᬫ᭄ᬩᬳᬶᬸᬫ᭄ᬩᬶᬸ᭟ᬢ᭄ᬓᭂᬤᬶᬢᬸᬮᬯᬸᬢ᭄ᬬᬲᬶᬤᬫᬦᬯᬂ᭞ᬫᬩᬳᬦ᭄ᬗᬢᭂᬧᬸᬓᬶᬦ᭄᭞ᬭᬢᬶᬳᬾᬦᬾᬓᭂᬫ᭄ᬩᬃ᭞ᬕᬶᬕᬶᬲ᭄ᬓᬾᬍᬕᬦ᭄ᬢ᭄ᬬᬂ᭞ᬭᬲᬵᬳᬫ᭄ᬩᬸᬮ᭄ᬲᬲᬬᬸᬢᬶᬦ᭄᭞ᬫᬗ
ᬮᬄᬤᬾᬱᬵ᭞ᬓᬢᬸᬭᬸᬦᬦ᭄ᬩᬦ᭄ᬯᬶᬤ᭄ᬥᬶ᭟ᬦᬄᬳᬫ᭄ᬩᬸᬮ᭄ᬢᭀᬳᬶᬤᭂᬧ᭄ᬢ᭄ᬬᬂᬬᬦ᭄ᬓᬲᬶᬤᬦ᭄᭞ᬚᬮᬄᬳᬕᬸᬲ᭄ᬮᬸᬯᬲᬶᬦ᭄᭞ᬫᬗ᭄ᬤᬾᬲᬶᬤ᭄ᬤᬦᬯᬂ᭞ᬳᬯᬲ᭄ᬤᬶᬢᬸᬧ᭄ᬤᬲᬂ᭞ᬲᬺᬧᬂᬫᬗ᭄ᬤᬾᬬᬚᬢᬶ᭞ᬮᬯᬸᬢ᭄ᬕᬸᬮᬶᬭᬂ᭞ᬳᬶᬯᭀᬂᬤᬾᬱᬵᬫ
ᬦᬶᬲᬶᬦ᭄᭟ᬫᬲᬵᬓ᭄ᬯᬂᬤᬬᬳᬸᬧᬬᬤᬥᬓᬦ᭄᭞ᬳᬶᬚᬾᬗ᭄ᬕᭂᬮᬃᬫᬜᬯᬸᬢᬶᬦ᭄᭞ᬧᬢᬸᬢ᭄ᬧᬶᬲᬦ᭄ᬧᬶᬲᬦ᭄᭞ᬧᬓᬬᬸᬦᬦᬾᬧᬸᬦᬶᬓᬵ᭞ᬦᬸᬦᬲ᭄ᬓᬾᬭᬢᬸᬫᬫᬵᬃᬕ᭄ᬕᬶ᭞ᬢᬶᬢ᭄ᬬᬂᬗᬶᬭᬶᬗᬵᬂ᭞ᬲᬗ᭄ᬓᬮᬶᬄᬕ᭄ᬮᬶᬲ᭄ᬫᬫᬵᬃ
Kaca:Bali-lontar-gaguritan-smara-ratih-300ppi.pdf/11
Kaca puniki sampun kauji-wacén
