[ ᭑᭙ 19B]
ᬜᬸᬓᬵᬗ᭄ᬭᬸᬫ᭄ᬭᬸᬫ᭄ᬫᬸᬜᬶᬦ᭄ᬜᬦᬾᬗᬸᬮᬧ᭄ᬚᬶᬯ᭄ᬯᬵ᭞ᬗᬺᬂᬗᬺᬂᬢᬹᬃᬫᬗᬺᬋᬫᬶᬄ᭞ᬫᬦᬶᬲ᭄ᬫᬳᭀᬫ᭄ᬩᬓᬦ᭄᭞ᬩᬰᬶᬳᬰᬶᬄᬫᬲᬯᬄ᭞ᬗᬺᬋᬫᬶᬄᬦᬕᬶᬄᬳᭀᬮᬲᬶᬦ᭄᭞ᬓᬾᬢᭀᬬᬾᬦ᭄ᬧᬃᬡ᭄ᬦᬵ᭞ᬍᬤ᭄ᬧᬫᬸᬜᬶᬦᬾᬫᬦᬶᬲ᭄᭟ᬓᬘᬭᬶ
ᬢᬫᬸᬜᬶᬦ᭄ᬳᬦᬓᬾᬤᬶᬚ᭄ᬭᭀᬯᬦ᭄᭞ᬧ᭄ᬢᭂᬂᬲᬸᬭᬸᬧ᭄ᬦᬾᬚᬦᬶ᭞ᬲᬗ᭄ᬳ᭄ᬬᬂᬤᬶᬯᬗ᭄ᬓᬭᬵ᭞ᬳᬶᬩᬶᬦ᭄ᬤᬃᬓᬳᬸᬘᬧᬂ᭞ᬗᬸᬧᬬᬵᬫᬰᬶᬄᬳᬓᬶᬓᬶᬢ᭄᭞ᬗᬮᬶᬄᬤᬮᬶᬳᬦ᭄᭞ᬜᬭᬸᬦᬸᬦ᭄ᬤᬾᬦᬂᬫᬮᬶᬄ᭟ᬫᬦᭂᬲ᭄ᬓᬂᬫᬫᬸᬜᬶᬢ᭄ᬓᬾᬦ᭄ᬳᬶᬚᬾᬗ᭄ᬕᭂᬮᬃ
᭞ᬳᬕᬸᬲ᭄ᬳ᭄ᬬᬂᬦᬸᬦ᭄ᬤᬾᬦ᭄ᬗᬮᬶᬄ᭞ᬬᬳᬶᬦᬵᬕᬲᬭ᭄ᬬ᭞ᬳ᭄ᬬᬂᬜᬭᬸᬗᬚᬩᬬᬂ᭞ᬳᬕᬸᬲ᭄ᬲᬸᬩᬫᬮᬸᬤᬶᬦᬶ᭞ᬳ᭄ᬬᬂᬗᬓᬹᬲᬶᬗ᭄ᬕᬶᬄ᭞ᬢ᭄ᬓᬾᬦ᭄ᬕᭂᬥᬾᬓᬫᭀᬦᬶᬂ᭟ᬳᬶᬤᬵᬦᬾᬗ᭄ᬓᬾᬦ᭄ᬬᬾᬦ᭄ᬫᬳᬦ᭄ᬳ᭄ᬬᬂᬭᬭᬧᬦ᭄᭞ᬳ᭄ᬬᬂᬳᭂᬦ᭄ᬢᭀᬦᬾ
ᬕᬤᬶ᭞ᬳᬕᬸᬲ᭄ᬦᬾᬦᬼᬫᬦ᭄᭞ᬓ᭄ᬜᭂᬫ᭄ᬤᬤᬶᬳᬶᬩᬶᬦ᭄ᬤᬃ᭞ᬫᬲᬤᬸᬓᬚᬩᬚᬦᬶ᭞ᬭᬢᬸᬢ᭄ᬬᬂᬲᬶᬗ᭄ᬕᬶᬄ᭞ᬜᬦᬦ᭄ᬢ᭄ᬬᬂᬩᬶᬦ᭄ᬫᬳᬶ᭟ᬓᬘᬭᬶᬢᬫᬸᬜᬶᬦ᭄ᬳᬦᬓᬾᬗᬸᬘᬧᬂ᭞ᬧᬗᬍᬫ᭄ᬳᬍᬫ᭄ᬲᬫᬶ᭞ᬳᬤᬫᬗᬢᬸᬭᬂ᭞ᬢ᭄ᬓᬾ
[ ᭒᭐ 20A]
ᬦ᭄ᬳᬶᬯᬶᬤᬦᬶᬂᬭᬵᬢ᭄᭞ᬓᬮᬯᬦ᭄ᬳᬶᬯᬶᬤᬦᬶᬂᬰᬶᬄ᭞ᬭᬢᬸᬧᬶᬋᬗᬂ᭞ᬢᬢᬩᬸᬳᬦᬾᬩ᭄ᬘᬶᬓ᭄᭟ᬮᬗᬵᬧᬶᬲᬦ᭄ᬫᬦᬶᬲᬼᬍᬄᬗ᭄ᬕᬯᬾᬲ᭄ᬫᬂ᭞ᬗᬺᬋᬗᬶᬄᬫᬰᬶᬳᬰᬶᬄ᭞ᬍᬜᭂᬄᬗᬮᬶᬧ᭄ᬢᬶᬯ᭄ᬯ᭞ᬗ᭄ᬕᬯᬾᬳᬸᬮᬗᬸᬦ᭄ᬫᬦᬄ᭞ᬢ᭄ᬯᬶᬯᬦ᭄ᬢᬄᬳᬦᬓ᭄ᬭᬶᬭᬶᬄ
᭞ᬫᬢᬢᬩᬸᬳᬦ᭄᭞ᬰ᭄ᬯᬭᬦ᭄ᬳᬶᬧᬸᬦᬾᬩ᭄ᬘᬶᬓ᭄᭟ᬤᬤᬶᬜᭂᬜᭂᬂᬳᬢᬸᬳᬬᬸᬫᬓᬤᬤ᭄ᬯ᭞ᬓᬾᬢᭀᬦᬾᬳᬦᬓ᭄ᬭᬶᬭᬶᬄ᭞ᬩ᭄ᬯᬶᬦ᭄ᬳᬸᬮᬶᬦᬵᬕᬭ᭞ᬢᬦ᭄ᬤᬶᬗᬂᬓᬾᬦ᭄ᬢᬶᬮᬸᬓᬵᬃ᭞ᬳᬦᬓ᭄ᬩᭂᬮᭀᬕ᭄ᬩ᭄ᬯᬶᬦ᭄ᬘᭂᬦᬶᬓ᭄᭞ᬜᭂᬦ᭄ᬫᬗᬸᬭᬸᬓᬂ
᭞ᬳᬯᬓ᭄ᬢᬸᬫ᭄ᬩᬸᬄᬤᬶᬢᬦᬶ᭟ᬤᬤᬶᬓᬗᭂᬦ᭄ᬓᭂᬦᭂᬳᬵᬲᬬᬦ᭄ᬓᬧ᭄ᬭᬡᬦ᭄᭞ᬳᬶᬗᭂᬢ᭄ᬢᭂᬓᬾᬳᬶᬢᬸᬦᬶ᭞ᬤᬸᬓᬾᬤᬶᬩᬜ᭄ᬘᬶᬗᬄ᭞ᬓᬾᬦ᭄ᬩᬶᬓᬲᬫᬮ᭄ᬬᬢ᭄᭞ᬜᬭᬾᬭᬾᬜᭂᬜᭂᬃᬗᭂᬜᭂᬫᬶᬦ᭄᭞ᬕᬶᬕᬶᬲ᭄ᬩᬶᬲᬜ᭞ᬫᬫᬸᬜᬶᬧ
ᬦ᭄ᬢᭂᬲ᭄ᬫᬦᬶᬲ᭄᭟ᬳᭂᬦ᭄ᬢᭀᬧᬵᬃᬡ᭄ᬦᬓ᭄ᬦᭂᬳᬂᬫᬯᬸᬯᬸᬄᬧᬸᬲᬂ᭞ᬓᭀᬘᬧ᭄ᬳᬶᬦᬵᬕᬲᬭᬶ᭞ᬜᬭᬸᬗᬚᬩᬬᬂ᭞ᬗᬮᬶᬄᬢᭀᬗᭀᬲ᭄ᬫᬦᭂᬫᬦ᭄᭞ᬳᬶᬩᬶᬦ᭄ᬤᬃᬳᬸᬘᬧᬂᬚᬦᬶ᭞ᬬᬤᬶᬩᬜ᭄ᬘᬶᬗᬄᬦᬸᬦ᭄ᬤᬾᬦ᭄ᬧᬋᬓᬦ᭄ᬘᭂᬭᬶᬓ᭄᭟
Kaca:Bali-lontar-gaguritan-smara-ratih-300ppi.pdf/20
Kaca puniki sampun kauji-wacén
