[ ᭑᭓᭗ 137B]
᭑᭓᭗᭞
ᬓᬩ᭄ᬬᬸᬄᬫᬫ᭄ᬩᬸᬲᬸᬫ᭄ᬭᬓ᭄᭞ᬓᬤᬶᬳᬶᬫ᭄ᬩᬸᬦ᭄ᬤ᭄ᬬᬄᬓᬭᬸᬡᬷ᭞ᬫᬦᬫ᭄ᬧᭂᬍᬓ᭄ᬜᬸᬓᬦᬶᬦᬸᬗᬲ᭄᭞ᬫᬫᬾᬢᬾᬮ᭄ᬜᬸᬲᬸᬧ᭄ᬤᬶᬳᬢᬶ᭞ᬗᭂᬥᬲ᭄ᬓᬦ᭄ᬢᬸᬫᬶᬗ᭄ᬓᬮᬶᬳᬶᬦ᭄᭞ᬬᬦ᭄ᬢᬦ᭄ᬲᬾᬩᭂᬢ᭄ᬫᭂᬓᭂᬓ᭄ᬓ
ᬬᬸᬦ᭄᭞ᬗᬯᬶᬢ᭄ᬦᬾᬫᬗ᭄ᬓᬶᬦ᭄ᬓᬧᬘ᭞ᬍᬗ᭄ᬓᬭᬦ᭄ᬩᬯᭀᬲᬾᬩᭂᬘᬶᬓ᭄᭞ᬗᬗ᭄ᬕᬾᬧᬸᬧᬸᬄ᭞ᬓᬸᬫᬫ᭄ᬩᬂᬜᬫ᭄ᬩᬗᬶᬦ᭄ᬫᬦᬄ᭟᭐᭟ᬧᬸᬧᬸᬄᬫᬵᬲ᭄ᬓᬸᬫᬫ᭄ᬩᬂ᭟᭐᭟᭑᭟ᬧᬸᬥᬓ᭄ᬧᭂᬢᬓ᭄ᬓᬸᬫᬫ᭄ᬩᬂ
ᬫᬓᭂᬩᬸᬃᬢᬗ᭄ᬓᬶᬮ᭄᭞ᬲᬓᬶᬢ᭄ᬥᬾᬯᬾᬓ᭄ᬢᬶᬢ᭄ᬬᬂ᭞ᬫᬳᬢᬸᬃᬭᬯᬸᬄᬫᬭᬶᬓᬶ᭞ᬢᬫ᭄ᬧᬾᬦ᭄ᬲᬧᬮᬯᬸᬢ᭄ᬳᬭᬲ᭄᭟᭐᭟᭒᭟ᬕᬸᬂᬅᬓ᭄ᬱᬫᬯ᭄ᬯᬂᬚ᭄ᬭᭀᬦᬾᬫᬢᬹᬃᬪᬓ᭄ᬢᬶ᭞ᬯᬶᬢ᭄ᬢᭂᬍᬩ᭄ᬜᬾ
ᬓ᭞ᬲᬯᬸᬯᬸᬄᬫᬗᬶᬭᬶᬂᬩᭂᬮᬶ᭞ᬲᬗ᭄ᬓᬦ᭄ᬧᬸᬭᬸᬦ᭄ᬫᬵᬢᬸᬃᬘᭀᬗᬄ᭟᭐᭟᭓᭟ᬲᬓᬶᬂᬯᬭᬄ᭞ᬬᭀᬕᬢᬸᬭᬸᬤᬶᬢᬸᬦᬶᬯᭂᬗᬶ᭞ᬓᭀᬘᬧ᭄ᬩᭂᬮᬶᬮᬸᬗ᭄ᬳ᭞ᬦᬶᬗ᭄ᬕᬮ᭄ᬢᬶᬢ᭄ᬬᬂᬲᬋᬂᬲᬸᬶ
[ ᭑᭓᭘ 138A]
ᬫᬶᬸᬓᬮᬶᬄ᭞ᬲᬸᬫᬥ᭄ᬬᬫᬢᬶᬃᬣᬬᬢ᭄ᬭ᭟᭐᭟᭔᭟ᬓᭂᬦᬶᬧᭀᬮᬶᬄᬢᬶᬢ᭄ᬬᬂᬫᬳᬢᬸᬃᬧᬓᬾᬮᬶᬂ᭞ᬗᬸᬦᬶᬗᬬᬂᬫᬦᬄ᭞ᬓᬾᬦᭂᬓ᭄ᬩᭂᬮᬶᬫᬓᬬᬸᬦᬶᬦ᭄᭞ᬳᬢᬹᬃᬢᬶᬢ᭄ᬬᬂᬳᬶᬕᭃᬂᬕᭀ
ᬤ᭟᭐᭟᭕᭟ᬦᬧᬶᬮᬸᬯᬶᬃᬦᬾᬯᬢᭂᬓ᭄ᬲᬵᬫ᭄ᬧᬸᬦ᭄ᬫᬦᬸᬗ᭄ᬕᬶᬮ᭄᭞ᬭᬸᬲᬓ᭄ᬬᬦ᭄ᬧᬮᬲᬂ᭞ᬩᬶᬮᬶᬄᬫᬗᬯᬶᬦᬂᬫᬢᬶ᭞ᬓᬤᬶᬥᬫᬃᬉᬧᬫ᭄ᬬᬂ᭟᭐᭟᭖᭟ᬬᬦ᭄ᬳᬶᬫᬶᬜᬓ᭄ᬮᬓ᭄ᬱᬡ
ᬦᬶᬗ᭄ᬕᬮ᭄ᬳᬶᬕ᭄ᬦᬶ᭞ᬲᬦᬄᬧᬘᬂᬭᬸᬲᬓ᭄᭞ᬫᬓᭂᬧᬼᬓ᭄ᬲᬸᬯᬸᬤ᭄ᬫᬗᭂᬦ᭄ᬤᬶᬄ᭞ᬩᬸᬯᬸᬂᬳᬶᬤᬸᬧ᭄ᬧᬬᬸᬧᭂᬚᬄ᭟᭐᭟᭙᭟ᬲᬧᬸᬦᬶᬓᬬᬦ᭄ᬢᬶᬢ᭄ᬬᬂᬢᬶᬗ᭄ᬕᬮᬶᬦ᭄ᬩᭂᬮᬶ᭞ᬳᬧᬦ᭄ᬯᬸᬲ᭄ᬫᬦᬸᬗ᭄ᬕᬮ᭄᭞ᬫ
ᬘᬫ᭄ᬧᬸᬄᬭᬓᭂᬢ᭄ᬫᬓᬶᬮᬶᬢ᭄᭞ᬓᬾᬯᭂᬄᬧᬘᬂᬫᬫᬲᬳᬂ᭟᭐᭟᭘᭟ᬰᬶᬯᬮᬯᬦ᭄ᬪᬝᬵᬭᬷᬳ᭄ᬬᬂᬕᬶᬭᬷᬧᬸᬢ᭄ᬭᬶ᭞ᬲᬘᬶᬮᬯᬦᬶᬦ᭄ᬤ᭄ᬭ᭞ᬯᬶᬱ᭄ᬡᬸᬮᬯᬦ᭄ᬰᬷᬤᬾᬯᬷ᭞ᬬᬦ᭄ᬧᬲᬄ
Kaca:Bali-lontar-gaguritan-sucita-300ppi.pdf/138
Kaca puniki sampun kauji-wacén
