Kaca:Bali-lontar-gaguritan-sucita-300ppi.pdf/24

Kaca puniki sampun kauji-wacén

[ ᭒᭓ 23B]
ᬓᬮᬄ᭞ᬫᬭᬸᬗᬶᬦ᭄ᬳᬬᭀᬦ᭄ᬳᬶᬭᬢᬸ᭞ᬋᬱ᭄ᬮᬸᬯᬶᬃᬓᬤᬰᬕᬸᬡ᭞ᬳᬥᬸᬄᬳᬭᬸᬄᬓᬸᬤ᭄ᬬᬂᬚᬦᬶ᭟᭐᭟᭗᭟ᬲᬂᬓᬯᬶᬦᬾᬓᬲᬸᬩ᭄ᬧ᭄ᬭᬚ᭄ᬜᬵᬦ᭄᭞ᬲᬶᬦᬄᬳᬚ᭄ᬭᬶᬄᬜ
ᬗ᭄ᬕᬸᬧᬂᬗᬯᬶᬳᬶᬫᬡᬶᬓ᭄᭞ᬧᬲ᭄ᬢᬶᬓᭂᬚᭀᬓᬦ᭄ᬓᬯ᭄ᬭᬸᬄ᭞ᬓᬮᬸᬤ᭄ᬧᬗᬸᬧᬫᬓᬶᬭᬂ᭞ᬬᬤ᭄ᬬᬦ᭄ᬧᭂᬲᭂᬂᬢ᭄ᬭᬶᬪᬸᬯᬦᬦᬾᬕᭂᬩᬸᬃ᭞ᬓᬲᭀᬃᬬᬦᬸᬩᭂᬢᬾᬦ᭄ᬢᬦᬄ᭞ᬳᬶᬭ
ᬢᬸᬢᭂᬕᭂᬄᬗᬮᬗᬶᬢ᭄᭟᭐᭟᭘᭟ᬩᬶᬮᬶᬄᬲᬂᬳ᭄ᬬᬂᬦᬶᬭᬚ᭄ᬜᬦ᭞ᬫᬗᬸᬧᬢᬶᬜᬤ᭄ᬬᬢᭂᬤᬸᬦ᭄ᬫᬗ᭄ᬮᬸᬕ᭄ᬭᬳᬶᬦ᭄᭞ᬢᬶᬢ᭄ᬬᬂᬦᬾᬳᬦ᭄ᬢᭂᬂᬫᬜᬸᬫ᭄ᬩᬸᬂ᭞ᬓᭀᬢ᭄ᬢᬫᬦ᭄ᬲᬂᬳ᭄ᬬᬂᬲᬸ
ᬓ᭄ᬱ᭄ᬫ᭞ᬲᬗ᭄ᬓᬦ᭄ᬧ᭄ᬭᬕᬢ᭄᭞ᬚᭂᬕᬾᬕᬾᬗᬭᬸᬩᬸᬄᬓᬬᬸᬦ᭄᭞ᬓᬸᬤ᭄ᬬᬂᬤᬃᬕᬕ᭄ᬜᬶᬢᬾᬦ᭄ᬤ᭄ᬭᬶᬬ᭞ᬩᭂᬘᬶᬓ᭄ᬗᬬᬸᬄᬭᬶᬂᬳᬶᬫᬡᬶᬓ᭄᭟᭐᭟᭙᭟ᬓᬾᬯᬦ᭄ᬢᭂᬦ᭄ᬭᬢᬸᬫᬵᬲ᭄ᬫᬶ
[ ᭒᭔ 24A]
ᬭᬄ᭞ᬗ᭄ᬕᬶᬄᬤᬮᬮᬶᬲ᭄᭞ᬭᬶᬂᬢᬶᬢ᭄ᬬᬂᬦᬾᬢᭂᬳᭂᬃᬪᬢᬶ᭞ᬬᬤ᭄ᬬᬦ᭄ᬲᬓᬶᬂᬤᭀᬄᬫᬢᬹᬃ᭞ᬳᬾᬮᬶᬗᬦ᭄ᬳᬗ᭄ᬕᬾᬦ᭄ᬫᬶᬭᬾᬗᬂ᭞ᬤᬳᬢ᭄ᬦᬶᬱ᭄ᬝ᭞ᬲᬂᬢᬦ᭄ᬫᬍᬲ᭄ᬢᬺᬱ᭄ᬡᬫᬸᬮᬸᬲ᭄᭞ᬳᬫᭀ
ᬦ᭄ᬢᭀᬧᬜ᭄ᬚᬗᬂᬢᬶᬢ᭄ᬬᬂ᭞ᬳᬶᬗ᭄ᬕᬶᬄᬳᬶᬘᬾᬦᬶᬦ᭄ᬫᬧᬫᬶᬢ᭄᭟᭐᭟᭑᭐᭟ᬢᬸᬫᬸᬮᬶᬫᬫᬃᬕ᭄ᬕᬩᬸᬤᬮ᭄᭞ᬩᭂᬮᬸᬲ᭄ᬮᭂᬘᬶᬂ᭞ᬓᬲᬩᭂᬳᬦ᭄ᬢᭀᬬᬅᬓ᭄ᬱᬶ᭞ᬭᬵᬕᬦᬾ
ᬭᬸᬫᬲᬧᬸᬬᬸᬂ᭞ᬳᬧᬦ᭄ᬚᬷᬯᬦᬾᬫᬓᬦ᭄ᬢᬄ᭞ᬭᬶᬂᬲᬂᬤ᭄ᬬᬄ᭞ᬓᬭᬸᬡᬶᬚᭂᬕᬾᬕ᭄ᬫᬗᬶᬭᬸᬢ᭄᭞ᬲᬗ᭄ᬓᬦ᭄ᬢᬶᬦ᭄ᬤᬓᬦᬾᬗᬯᬕ᭄᭞ᬫᬢᬶᬘᬧᬢᬦ᭄ᬤᬶᬫᬃᬕ᭄ᬕᬶ᭟᭐᭟᭑᭑᭟
ᬲᬭᬯᬸᬳᬾᬫᬭᬶᬂᬳᬸᬫᬄ᭞ᬚᬕ᭄ᬫᬮᬶᬗ᭄ᬕᬶᬄ᭞ᬫᬫᭀᬦᬗᬋᬕᭂᬧ᭄ᬢᬗᬶᬲ᭄᭞ᬤᭂᬕᭂᬂᬓᬤᬶᬢᭀᬕᭀᬕ᭄ᬗᬸᬦ᭄ᬢᬸᬮ᭄᭞ᬮ᭄ᬯᬶᬃᬫᬗ᭄ᬭᬡᬲᬶᬓ᭞ᬫᬦ᭄ᬤ᭄ᬭᬮ᭄ᬯᬶᬃ᭞ᬫᬭᬬᭀᬕ