[ ᭖᭑ 61B]
᭖᭑᭞
ᬪᬅᬗ᭄ᬓᬭ᭞ᬢᬦ᭄ᬫᭀᬭᬶᬂᬳᬦᬓᬶᬲ᭄ᬢ᭄ᬭᬷ᭞ᬤᬶᬢᬸᬮᬸᬯᬸᬂ᭞ᬢᭀᬗᭀᬲ᭄ᬫᬦᭂᬫ᭄ᬩᬂᬓᬓᭂᬜ᭄ᬘᬦ᭄᭟᭐᭟᭑᭐᭟ᬭᬾᬄᬳᭂᬦ᭄ᬢᭀᬫᬯᬦ᭄ᬮᭀᬓᬶᬓ᭞ᬦᬾᬜᬦ᭄ᬤᬂᬕᬸ
ᬕᬸᬲᬸᬗ᭄ᬓᭂᬫᬶᬦ᭄᭞ᬳᬶᬭᬵᬕᬩ᭄ᬯᬶᬦ᭄ᬫᬦᬶᬫ᭄ᬩᬂ᭞ᬳᬧᬂᬫᬭᬲᬤᬶᬳᬢᬶ᭞ᬫᬗ᭄ᬤᬗᬶᬮᬶᬲ᭄ᬢᬸᬭᬶᬂᬳᬤᬶᬮ᭄᭞ᬓᭂᬦᬶᬧᬩᬳᬦᬾᬮᬸᬯᬸᬂ᭞ᬳᭂᬤᬘᬭᬫᬶᬮᬸᬩᬯᬂ᭞ᬲᭀ
ᬓ᭄ᬩᬶᬱᬗ᭄ᬭᬫ᭄ᬩᬂᬤᬶᬩᬶᬩᬶᬄ᭞ᬫᬗ᭄ᬤᬢᬸᬳᬸ᭞ᬗᬃᬣᬶᬢᬹᬃᬗ᭄ᬭᬲᬤᬶᬫᬦᬄ᭟᭐᭟᭑᭑᭟ᬓᬾᬢᭀᬫᬮᬸᬩᬦ᭄ᬫᬓᬦ᭄ᬤ᭞ᬳᬶᬜ᭄ᬘᭂᬧ᭄ᬳᬗ᭄ᬕᭀᬦ᭄ᬤᬲᬃᬩᬸᬤ᭄ᬥᬶ᭞ᬳᭂᬦ᭄ᬢᭀᬳᬗ᭄ᬕᭀ
ᬦ᭄ᬫᬗᬯᬲ᭄᭞ᬲᬓᬜ᭄ᬘᬦ᭄ᬢᬸᬢᬹᬭᬾᬍᬯᬶᬄ᭞ᬫᬶᬯᬄᬲᬮ᭄ᬯᬶᬭᬶᬂᬧᬗ᭄ᬕᬶᬄ᭞ᬳᬧᬂᬤᬩᬶᬗᬸᬗᬂᬧᬗᬸᬲ᭄᭞ᬢᭂᬤᬳᬾᬗ᭄ᬕᬮ᭄ᬫᭂᬦᭂᬄᬧᭂᬮᬶᬳᬂ᭞ᬭᬾᬄᬓᭂᬢᬶᬮ᭄ᬦᬾᬫᬤ
[ ᭖᭒ 62A]
ᬦ᭄ᬚᬵᬢᬶ᭞ᬮ᭄ᬬᬸᬮᬘᬸᬃ᭞ᬧᬳᬶᬤ᭄ᬩᭂᬦᭂᬄᬲᬲᬸᬗ᭄ᬕᭂᬮᬧᬦ᭄᭟᭐᭟᭑᭒᭟ᬦᬾᬳᬤᬢᬸᬢᬹᬃᬉᬢ᭄ᬢᬫ᭞ᬯᬭᬄᬰᬶᬯᬩᬸᬤ᭄ᬥᬶᬗᬹᬦᬶ᭞ᬦᬾᬫᬗ᭄ᬕᬾᬳᬕᭂᬫ᭄ᬳ᭄ᬬᬂᬢᬶᬢᬄ᭞ᬓᬃ
ᬫ᭄ᬫᬢᬦ᭄ᬮ᭄ᬬᬦ᭄ᬓᬤᬦᬶᬦ᭄᭞ᬓ᭄ᬭᬶᬫᬶᬓᬦ᭄ᬫᬦᬳᬾᬲᬫᬶ᭞ᬲᬧᭀᬮᬄᬭᬯᭀᬲᬾᬫᭂᬢᬸ᭞ᬲᬮ᭄ᬯᬶᬃᬓᬭᬶᬢᬶᬧᬦ᭄ᬳᬯᬓ᭄᭞ᬳᭂᬦ᭄ᬢᭀᬓᬃᬫ᭄ᬫᬓᬳᬤᬦᬶᬦ᭄᭞ᬳᬸᬮᬶᬤᬶᬢᬸ
᭞ᬘᭂᬦᬶᬂᬦᬫ᭄ᬧᬶᬲᬸᬓᬥᬸᬓ᭟᭐᭟᭑᭓᭟ᬳᭂᬦ᭄ᬢᭀᬢ᭄ᬯᬄᬧᬸᬜᬦ᭄ᬢᬶᬗ᭄ᬓᬄ᭞ᬢᬦᬸᬭᬸᬂᬫᬩ᭄ᬯᬄᬧᬲ᭄ᬢᬶ᭞ᬳᭂᬦ᭄ᬢᭀᬫᬲᬶᬄᬦᬾᬫᬗᬮᬧ᭄᭞ᬫᬜᬬᬗᬂᬫ
ᬫᬗᭂᬫᭂᬲᬶᬦ᭄᭞ᬳᭂᬦ᭄ᬢᭀᬫᬲᬶᬄᬦᬾ ᬳᬸᬦᬶᬂ᭞ᬲ᭄ᬯᬃᬕ᭄ᬕᬦᬭᬓᬳᬸᬮᬶᬤᬶᬢᬸ᭞ᬳᬧᬮ᭄ᬯᬶᬃᬦᬾᬢᭂᬫᭀᬓᬂ᭞ᬳᬸᬮᬶᬓᬃᬫ᭄ᬫᬫᬶᬚᬶᬮ᭄ᬲᬫᬶ᭞ᬢ᭄ᬯᬭᬢᭂᬧᬸᬓ᭄᭞
Kaca:Bali-lontar-gaguritan-sucita-300ppi.pdf/62
Kaca puniki sampun kauji-wacén
