[ ᭙᭔ 94B]
᭙᭔᭞
ᬢᬶ᭞ᬬᬦᬦ᭄ᬤᬂᬲ᭄ᬯᬃᬕ᭄ᬕᬦᬵᬭᬓ᭞ᬳᬶᬆᬗ᭄ᬓᬭᬫᬲᬶᬄᬦᬾᬗᬶᬧᬶ᭞ᬳᬶᬅᬗ᭄ᬓᬭᬬᬦ᭄ᬫᬦᭂᬗᬶᬮ᭄᭞ᬤᬤᬶᬍᬧᬼᬧ᭄ᬬᬳᬢᬸᬭᬸ᭞ᬳᬶᬅᬗ᭄ᬓᬭᬬᬦ᭄ᬫᬗᭂᬦ᭄ᬤᬲ᭄
ᬓᬯᬜ᭄ᬘᬇᬦ᭄ᬤ᭄ᬭᬶᬬᬫᬮᬮᬶ᭞ᬤᬤᬶᬩᬗᬸᬦ᭄᭞ᬓᬾᬢᭀᬓᬓᬶᬓᬢᬢ᭄ᬯᬦ᭄ᬜ᭟᭐᭟᭑᭖᭟ᬓᬾᬢᭀᬫᬮᬸᬩᬦ᭄ᬗᬶᬢᬸᬗᬂ᭞ᬳᬧᬂᬚᬸᬶᬂᬤᬚᭂᬕ᭄ᬫᬫᭀᬬᬦᬶᬦ᭄᭞
ᬭᬾᬄᬢᬦ᭄ᬕᭂᬦᭂᬧ᭄ᬩᬳᬦ᭄ᬫᬢ᭞ᬦᬾᬳᬗ᭄ᬕᭀᬦ᭄ᬜᭂᬍᬳᬶᬦ᭄ᬕᬸᬫᬶ᭞ᬭᬾᬄᬢᬦ᭄ᬓᬶᬥᬶᬓ᭄ᬳᬦᬾᬲᬶᬗᬶᬤ᭄᭞ᬲᬫᬢ᭄ᬭᬢᬸᬯᬄᬦᬾᬧᬗ᭄ᬕᬸᬄ᭞ᬮᬶᬬᬸᬦᬦ᭄ᬢ᭄ᬯᬭᬢᬯᬂ᭞ᬓᬮᬶ
ᬗ᭄ᬓᬾᬢᬸᬦᬧᬗᬃᬣᬶ᭞ᬫᭂᬕᭀᬄᬧᬸᬭᬸᬦ᭄᭞ᬫᬪᭀᬬᬢᬦ᭄ᬧᬮᬦ᭄ᬢᬭᬦ᭄᭟᭐᭟᭑᭗᭟ᬓᬓᬶᬳᬶᬢᬸᬦᬶᬜᬫ᭄ᬩᬢᬂ᭞ᬧᬢ᭄ᬧᬢ᭄ᬢᬶᬗ᭄ᬓᬳᬾᬓᬕᬶᬲᬶ᭞
[ ᭙᭕ 95A]
ᬧᬸᬭᬸᬱᬮᬯᬦ᭄ᬧ᭄ᬭᬓᭀᬰ᭞ᬦᬱ᭄ᬝᬶᬓᬫᬶᬯᬄᬓᬰᬓ᭄ᬢᬶᬦ᭄᭞ᬳᭂᬦ᭄ᬢᭀᬧᬘᬂᬜᬶᬤᬬᬂᬧᭀᬮᬶᬄ᭞ᬅᬃᬫᬶᬦᭂᬓᬤᬶᬦ᭄ᬳᬶᬧᬸᬦ᭄᭞ᬓᬃᬫ᭄ᬫᬯᬶᬃᬬ᭄ᬬᬓᬓᬲᬸᬩᬦ᭄᭞ᬧᬘᬂ
ᬦᬸᬢᬸᬕ᭄ᬲᬸᬩᬧᬲ᭄ᬢᬶ᭞ᬲᬗᭂᬢ᭄ᬭᬶᬓᬸᬄ᭞ᬢᬹᬃᬗᬺᬱᬶᬦ᭄ᬤᬶᬗᭂᬄᬳ᭄ᬬᬂ᭟᭐᭟᭑᭘᭟ᬬᬾᬦᬶᬂᬳᬶᬤᬲᬂᬥᬃᬫ᭄ᬫᬶᬓ᭞ᬳᬩᭂᬲᬶᬓ᭄ᬢᬸᬯᬄᬓᬳᬸᬗ᭄ᬲᬶ᭞ᬓᬲᬸᬓᬦᬾᬢᬦ᭄ᬧᬭᬲ᭞
ᬦᬾᬮᬗ᭄ᬕᭂᬂᬢᬦ᭄ᬩᬸᬮᬓ᭄ᬩᬮᬶᬓ᭄᭞ᬭᬾᬄᬳᬶᬤᬯᬸᬲ᭄ᬢᬢᬲᬸᬦᬶᬂ᭞ᬭᬶᬂᬲᬸᬓᬦ᭄ᬳᬦᬓᬾᬮᬶᬬᬸ᭞ᬲᬸᬓᬦᬾᬳᬸᬮᬶᬳᬦ᭄ᬅᬃᬣ᭞ᬓᬫᬯᬶᬃᬬ᭄ᬬᬓᬲᬸᬩ᭄ᬫᬮᬶᬄ᭞ᬲᬸᬓᬧᬮ᭄ᬲᬸ᭞ᬓᬲᬸᬓ
ᬦ᭄ᬫᬶᬲᬶᬓᬤᬸᬄᬓᬦ᭄᭟᭐᭟᭑᭙᭟ᬓᬾᬓᬳᭂᬦ᭄ᬢᬧ᭄ᬓᬗ᭄ᬕᭀᬦ᭄ᬫᬃᬕ᭄ᬕ᭞ᬫᬲᬶᬄᬬᬢᬸᬯᬄᬳᬩᭂᬲᬶᬓ᭄᭞ᬢᬦ᭄ᬮᬶᬬᬦ᭄ᬦᬾᬫᬤᬦ᭄ᬤᬃᬫ᭄ᬫ᭞ᬭᬸᬭᬸᬂᬳᬮᬸᬲ᭄ᬤᬳᬢ᭄ᬳᭂᬢᬶᬲ᭄᭞ᬫᬃ
Kaca:Bali-lontar-gaguritan-sucita-300ppi.pdf/95
Kaca puniki sampun kauji-wacén
