Kaca:Bali-lontar-gaguritan-sundari-bungkah-350ppi.pdf/13

[᭑᭒ 12B]
᭑᭒
᭟ᬦᬸᬮ᭄ᬬᬧ᭄ᬭᬧ᭄ᬢᬢᬦᬲ᭄ᬭᬶ᭞ᬳᬦᬸᬮ᭄ᬬᬳᬗᬢᬸᬃᬲᭂᬓᬃ᭞ᬤᬾᬯᬷᬲᭀᬫᬵᬳᬶᬂᬮᬓᬶᬦᬾ᭞ᬬᬢᬲᬶᬭᬢᬸᬫᬶᬗ᭄ᬳᬮ᭄᭞ᬳᬤᬦ᭄ᬗᬸᬘᬧᬾᬂᬦᬵᬮ᭞ᬬᬢᬓᬶᬭᬤᬶᬢᬾᬇ
ᬓᬸ᭞ᬍᬂᬍᬂᬢ᭄ᬯᬲᬶᬭᬢᬸᬫᬶᬗ᭄ᬳᬮ᭄᭟᭐᭟ᬧᬗᬸᬘᬧᬶᬭᬇᬂᬳᬢᬶ᭞ᬭᬤᬶᬢᬾᬩᬕᬸᬲᬶᬂᬯᬃᬡ᭄ᬦ᭞ᬢᬦᬦᬫᬶᬫ᭄ᬩᬯᬃᬡ᭄ᬦᬦᬾ᭞ᬲᬚᬕᬢᬶᬂᬧ᭄ᬭᬫᭀᬤᬶᬢ᭞ᬢᬦᬦᬫᬾ
ᬫ᭄ᬧᭂᬃᬦᬾᬓ᭞ᬭᬹᬧᬦᬾᬓᬮᬶᬯᬢ᭄ᬩᬕᬸᬲ᭄᭞ᬲᬶᬲᬶᬦᭀᬫᬦᬶᬭᬳᬗ᭄ᬭᬭᬲ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬦᬸᬦᬂᬓᬂᬓᬧ᭄ᬢᬭᬶᬂᬕᬶᬢ᭞ᬯᬃᬡ᭄ᬦᬦᬾᬭᬤᬶᬢᬾ
ᬳᬤᬶ᭞ᬢᬥᬦᬓᬤᬶᬰᬰᬗ᭄ᬓ᭞ᬢᬢ᭄ᬓᬮᬧᬹᬃᬡ᭄ᬦᬫᬲᬶᬤ᭄ᬥᬶ᭞ᬏᬫᬶᬭᬳᬫᬦᬶᬲ᭄᭞ᬮ᭄ᬯᬶᬃᬢᬶᬦᬾᬢᬲ᭄ᬫᬥᬸᬚᬸᬭᬸᬄ᭞ᬯᬚᬳᬗᭂᬮᬭᬶᬂᬓᬸᬫ᭄ᬩᬂ᭞ᬲᬫᬶᬓᬲ᭄ᬫᬭ
[᭑᭓ 13A]
᭑᭓
ᬦ᭄ᬦᬶᬗ᭄ᬳᬮᬶ᭞ᬬᬾᬦᬗᬸᬘᬧ᭄᭞ᬫᬦᬶᬲᬾᬮ᭄ᬯᬶᬃᬕᬸᬮᬤ᭄ᬭᬯ᭟᭐᭟ᬬᬾᬦ᭄ᬤᬶᬦᬸᬮᬸᬯᬃᬡ᭄ᬦᬦᬶᬭ᭞ᬤᬤᬶᬢᬢᬫ᭄ᬩᬦᬶᬂᬩ᭄ᬭᬗ᭄ᬢᬶ᭟ᬓᬂᬯᬭᬲᬢᭂᬫᬄᬮᬭ᭞ᬓᭂᬜ
ᬭᬶᬂᬫᬦᬶᬲᬶᬂᬮᬶᬭᬶᬂ᭞ᬮ᭄ᬯᬶᬃᬲᬹᬃᬬ᭄ᬬᬳᬦᭂᬍᬳᬶᬦ᭄᭞ᬰᬭᬷᬭᬮᬶᬃᬫᬵᬲ᭄ᬲᬶᬦᭂᬧᬸᬄ᭞ᬘᬬᬕᬮᬂᬕᬸᬫᭂᬩ᭄ᬬᬃ᭞ᬲᬶᬂᬧᭀᬮᬳᬂᬳᬗᬾᬤᬦᬶᬦ᭄᭞ᬬᬾᬦ᭄ᬯᬶᬦᬗ᭄ᬯᬂ᭞ᬓᬤᬶᬳ᭄ᬬᬂ
ᬓᬫᬗᬶᬦ᭄ᬤᬭᬵᬢ᭄᭟᭐᭟ᬬᬢᬲᬶᬭᬤᬾᬯᬲᭀᬫ᭞ᬢᬦ᭄ᬲᬄᬓᬭᬲᬇᬂᬳᬢᬶ᭞ᬇᬂᬯᬃᬡ᭄ᬦᬦᬾᬳᬦᬓᬶᬭ᭞ᬢᬦ᭄ᬧᭂᬕᬢ᭄ᬤᬶᬦᬸᬓᬶᬂᬮᬶᬭᬶᬂ᭞ᬢᬦ᭄ᬲᬓ
ᬘᬶᬧ᭄ᬢᬾᬂᬳᬢᬶ᭞ᬪᬬᬳᬶᬓᬶᬳᬯᬓᬶᬗ᭄ᬲᬸᬦ᭄᭞ᬢᬦᬸᬭᬸᬂᬮᬭᬏᬤᬦ᭄᭞᭞ᬬᬦ᭄ᬢᬦ᭄ᬲᬶᬭᬳᬜ᭄ᬚᭂᬫ᭄ᬧ᭄ᬬᬦᬶ᭞ᬳᬸᬭᬸᬂᬫᬢᬶ᭞ᬢᬦᬸᬭᬸᬂᬫᬗ᭄ᬕᬶᬄᬓᬲ᭄ᬫᬭᬦ᭄᭟