[᭑ 1B]
᭑
ᬑᬁᬅᬯᬶᬖ᭄ᬦᬫᬲ᭄ᬢᬸ᭟ᬇᬣᬶᬕᬕᬸᬭᬶᬢᬦ᭄ᬲᬸᬦ᭄ᬤᬭᬷᬩᬸᬗ᭄ᬓᬄ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬥᬦ᭟᭐᭟ᬓᬲ᭄ᬫᬭᬦ᭄ᬜᬶᬢ᭄ᬭᬳᬫᬸᬚᬶ᭞ᬳᬭᬶᬳ᭄ᬬᬂᬩ᭄ᬭᬵᬳ᭄ᬫᬭᬤᬶᬢ᭄ᬬ᭞ᬉᬗ᭄ᬕ᭄ᬯᬦᬶᬂᬯᬶᬓᬸ
ᬢᬦ᭄ᬧᬗ᭄ᬮᭀᬂ᭞ᬓᬧᬢᬶᬜ᭄ᬭᬳ᭄ᬫᬭᬗᬺᬋᬄ᭞ᬳᬦᬓᬧ᭄ᬭᬧᬜ᭄ᬘᬦ᭄᭞ᬳ᭄ᬬᬂᬦᬵᬕᬩᬬᬸᬳᬦᭂᬫᬸ᭞ᬧᬸᬃᬯ᭄ᬯᬓᬦᬶᬓᬂᬘᬭᬶᬢ᭟᭐᭟ᬦᬵᬕᬕᭀᬫ᭄ᬩᬂᬮᬦᬂᬳᬶᬓᬶ᭞
ᬦᬵᬕᬕᬶᬡᬷᬳᬶᬓᬂᬓᬦ᭄ᬬ᭞ᬲᬓᬾᬂᬮᬯᬸᬢ᭄ᬫᬗ᭄ᬓᭀ᭞ᬳᬯᬸᬫᬄᬚ᭄ᬭᭀᬦᬶᬂᬲᬵᬕᬭ᭞ᬧᬸᬦᬶᬓᬧᬹᬃᬯ᭄ᬯᬦᬾᬓ᭞ᬧᬹᬃᬯ᭄ᬯᬘᬭᬶᬢᬦᬾᬳᬶᬓᬸ᭞ᬦᬵᬕᬕᭀᬫ᭄ᬩᬂᬦᬵᬕᬕᬶᬡ᭄ᬬ᭟
᭟ᬦᬵᬕᬕᭀᬧᬶᬢᬓᬭᬶᬳᬶᬦ᭄᭞ᬦᬵᬕᬕᭀᬫ᭄ᬩᬂᬳᬧᬸᬧᬸᬢ᭄ᬭ᭞ᬮᬤᬂᬲᬯᬶᬚᬶᬧᬸᬢ᭄ᬭᬦᬾ᭞ᬳᬯᬱ᭄ᬝᬦᬵᬕᬧᬺᬢᬮ᭞ᬦᬵᬕᬕᬶᬡᬷᬢᬲᬶᬭ᭞ᬳᬧᬸᬧᬸᬢ᭄ᬭᬳᬶᬲ᭄ᬢ᭄ᬭᬷ
[᭒ 2A]
᭒
ᬳᬬᬸ᭞ᬲᬚᬕᬢ᭄ᬦᭀᬭᬳᬦᬫᬶᬫ᭄ᬩ᭟᭐᭟ᬯᬥᬦᬦᬶᬭᬮ᭄ᬯᬶᬃᬰᬰᬶᬄ᭞ᬋᬃᬡ᭄ᬦᬫᬓᬺᬢᬶᬓᬂᬧᬥᬂ᭞ᬮ᭄ᬯᬶᬃᬫᬥᬸᬚᬸᬭᬸᬄᬫᬦᬶᬲᬾ᭞ᬳᬯᬱ᭄ᬝᬲᬸᬦ᭄ᬤᬭᬷᬩᬸᬗ᭄ᬓᬄ᭞ᬯᬾ
ᬦ᭄ᬢᭂᬦ᭄ᬫᬗ᭄ᬓᬾᬓᭀᬘᬧ᭞ᬦᬵᬕᬕᭀᬫ᭄ᬩᬂᬓᬂᬓᬯᬸᬯᬸᬲ᭄᭞ᬮᬦ᭄ᬦᬵᬕᬕᬶᬡᬷᬧᬸᬦᬶᬓ᭟᭐᭟ᬦᬵᬕᬕᭀᬫ᭄ᬩᬂᬳᬗ᭄ᬮᬶᬂᬳᬭᬶᬲ᭄᭞ᬫᬭᬶᬂᬦᬵᬕᬕᬶᬡᬷᬳᬶᬓ᭞ᬦᬵᬕᬕᬶᬡᬷ
ᬲᬵᬦᬓᬶᬗᭀᬂ᭞ᬬᬦ᭄ᬲᬯᬯᬶᬓᬃᬱᬘᬶᬗ᭄ᬯᬂ᭞ᬓᬋᬧᬶᬗ᭄ᬲᬸᬦᬶᬂᬲᬶᬭ᭞ᬬᬾᬦ᭄ᬩᭂᬦᭂᬂᬉᬚᬭᬶᬭᬶᬂᬳᬶᬗ᭄ᬲᬸᬦ᭄᭞ᬬᬾᬦ᭄ᬲᬲᬶᬧ᭄ᬮᬶᬄᬲᬵᬫ᭄ᬧᬸᬭᬬ᭟᭐᭟ᬮᬄᬢᬫᬗ᭄ᬓᬾᬓᬃ
ᬱᬫᬫᬶ᭞ᬬᭂᬦ᭄ᬲᬯᬯᬶᬓ᭄ᬭᬲᬦᬶᬭ᭞ᬲᬶᬦᬵᬕᬧᬺᬢᬮᬫᬗ᭄ᬓᭀ᭞ᬓᬋᬧᬶᬗ᭄ᬲᬸᬫᬸᬦᬦ᭞ᬓᬮᬯᬵᬦᬦᬓᬶᬭ᭞ᬮᬦ᭄ᬲᬸᬦ᭄ᬤᬭᬷᬩᬸᬗ᭄ᬓᬄᬳᬶᬓᬸ᭞ᬬᬾᬦ᭄ᬲᬯ
Kaca:Bali-lontar-gaguritan-sundari-bungkah-350ppi.pdf/2
Kaca puniki sampun kauji-wacén
