Kaca puniki sampun kauji-wacén
[᭒᭗ 27B]
᭒᭗
ᬢᬮᬫᬶᬮᬫᬶᬲᬵᬫ᭄ᬧᬸᬦ᭄᭞ᬲᬶᬭᬦᬶᬤᬾᬯᬶᬲᬶᬦ᭄ᬢ᭞ᬬᬢᬓ᭄ᬭᬫᬫᬗ᭄ᬓᬾᬲᬶᬭᬯᬢᬸᬕᬸᬂ᭞ᬮᬯᬦ᭄ᬲᬶᬭᬤᬾᬯᬶᬲᬶᬦ᭄ᬢ᭞ᬲᬵᬫ᭄ᬧᬸᬦ᭄ᬲᬶᬭᬮᬓ᭄ᬬᬭ
ᬩᬶ᭟᭐᭟ᬮᬶᬯᬢ᭄ᬤᬾᬦ᭄ᬬᬧᬧᬲᬶᬳᬦ᭄᭞ᬳᭀᬯᬦ᭄ᬓᬮᬗ᭄ᬓᬸᬂᬤᬾᬦ᭄ᬬᬳᬫᭀᬂᬓᬭᬰ᭄ᬫᬶᬦ᭄ᬬᬢᬯᬢᬸᬕᬸᬦᬸᬂᬲᬵᬫ᭄ᬧᬸᬦ᭄᭞ᬳᬗᬶᬦᬗᬢᬲᬶᬭ᭞ᬳᬲᬸᬂᬕᬦ᭄ᬢᬾᬦ᭄ᬢᬶᬦ
ᬭᬶᬫᬢᬦᬲᬦ᭄ᬢᬸᬦ᭄᭞ᬤᬾᬦᬶᬭᬦᬷᬤᬾᬲᬶᬦ᭄ᬢ᭞ᬲᭂᬧᬳᬾᬮᬓᬶᬦᬶᬭᬾᬓᬶ᭟᭐᭟ᬓᬶᬯᬢᬸᬕᬸᬦᬸᬂᬳᬗᬸᬘᬧ᭄᭞ᬮᬄᬬᬦᬯᬧᬾᬧᬾᬓᭂᬰᬶᬭᬄᬫ
ᬫᬶ᭞ᬤᬾᬦᬶᬭᬕᬢᭂᬮ᭄ᬓᬮᬗ᭄ᬓᬸᬂ᭞ᬳᬭᬶᬲ᭄ᬦᬷᬤᬾᬯᬷᬲᬶᬦ᭄ᬢ᭞ᬳᬧᬾᬧᬾᬓᭂᬦ᭄ᬥᬶᬭᬄᬓ᭄ᬬᬤᬢᬦᬲᬦ᭄ᬢᬸᬦ᭄᭞ᬬᬢᬓᬢᬶᬗ᭄ᬳᬮᬦ᭄ᬰᬶᬭᬄ᭞ᬢᬩᭂᬢᬾᬫᬢᬸ
[᭒᭘ 28A]
᭒᭘
ᬦᬶᬭᬾᬓᬶ᭟᭐᭟ᬤᬾᬯᬷᬲᬶᬦ᭄ᬢᬳᬢᬢᬦ᭄ᬲ᭞ᬮᬄᬢᬓᬓᬂᬢᬩᭂᬢᬾᬧᬭᬦᬶᬓᬶ᭟ᬢᬢᬸᬦᬶᬂᬰᬶᬭᬄᬧᬸᬦᬶᬓᬸ᭞ᬯᬢᬸᬕᬸᬦᬸᬂᬳᬗᬸᬘᬧ᭄᭞ᬲᬶ
ᬗ᭄ᬕᬶᬄᬬᬬᬶᬓᬭᬶᬳᬶᬦ᭄ᬧᬫᬸᬮᬦᬶᬧᬸᬦ᭄᭞ᬲᬶᬩ᭄ᬬᬂᬓᬦᬾᬇᬂᬲᭂᬦ᭄ᬤᬂ᭞ᬫᬦᬶᬭᬳᬜ᭄ᬚᬮᬸᬓ᭄ᬗᬹᬦᬷ᭟᭐᭟ᬢᭀᬬᬓᬓᭂᬫᬾᬄᬧᬸᬦᬶᬓ᭞ᬦᭂᬳᭂᬃᬳᬶᬗ᭄ᬲᬸ
ᬦ᭄ᬳᬜ᭄ᬚᬮᬸᬓ᭄ᬯᬮᬶᬯᬮᬶ᭞ᬬᬢᬓᬰᬺᬗᭂᬦ᭄ᬲᬶᬭᬾᬩᬸ᭞ᬤᬾᬦ᭄ᬕᬶᬢᬶᬓ᭄ᬱ᭄ᬳᬶᬭᬄᬳᬶᬗ᭄ᬯᬂ᭞ᬮᬯᬦ᭄ᬲᭀᬤᭀᬫᬗ᭄ᬓᬾᬳᬢᭂᬫᬳᬢᬢᬸ᭞ᬧᬸᬦᬶᬓᬫᬸᬮᬦᬾᬓᬸᬦ
᭞ᬫᬦᬶᬭᬢᬶᬗ᭄ᬕᬮᬶᬂᬩᬶᬩᬶ᭟᭐᭟ᬓᬕᬾᬢ᭄ᬯᬸᬲ᭄ᬦᬷᬤᬾᬯᬷᬲᬶᬦ᭄ᬢ᭞ᬉᬫ᭄ᬬᬃᬱᬉᬚᬭᬾᬮᬓᬶᬦᬾᬓᬶ᭞ᬳᬤᬸᬄᬓᬮᬶᬗᬦᬾᬳᬶᬓᬸ᭞ᬳᬦᬓᬂᬓᬃᬬ᭄ᬬᬧ᭄ᬭᬶ
