Kaca puniki sampun kauji-wacén
[᭒᭘ 28B]
᭒᭘
ᬬ᭞ᬳᬶᬦᬸᬫᬸᬮᬦᬾᬗᬩᬩᬲᭂᬳᬦᬶᬓᬸ᭞ᬳᬦᬓ᭄ᬭᬩᬶᬦᬾᬧᬸᬦᬶᬓ᭞ᬧᬸᬦᬶᬓᬫᬸᬮᬦᬾᬗᬹᬦᬷ᭟᭐᭟ᬦᬶᬤᬾᬯᬶᬲᬶᬦ᭄ᬢᬢᬘᬶᬭ᭞ᬳᬦᬓᬶᬧᬸᬦ᭄ᬭᬯᬸᬤᬾᬦ᭄ᬕ
ᬯᬾᬮᬓᬶ᭞ᬫᬸᬮᬦᬾᬫᬗ᭄ᬓᬾᬳᬢᭂᬫᬸ᭞ᬯᬸᬓᬸᬓᬂᬢᬶᬕᬂᬤᬰ᭞ᬳᬶᬗᬶᬢᬸᬂᬤᬤᬶᬳᬢᬗᬦ᭄ᬧᬸᬦᬶᬓ᭞ᬮᬦ᭄ᬤᬶᬦᬮᬮᬶᬫᬳᬶᬓ᭞ᬤᬾᬦ᭄ᬯ᭄ᬭᬸᬄᬧᬢᬶᬳᬸᬭᬶᬧ᭄ᬦᬾᬓᬶ
᭟᭐᭟ᬧᬦᬸᬚᬭᬾᬓᬂᬳᬗᬾᬢᬂ᭞ᬳᬶᬗᬭᬦᬦ᭄ᬯᬭᬶᬕᬕᭂᬫᭂᬢᬶᬓᬶ᭞ᬬᬾᬦᬶᬂᬆᬕᬫᬧᬸᬦᬶᬓᬸ᭞ᬳᬶᬗᬭᬦᬦ᭄ᬧᬸᬦᬶᬓ᭞ᬬᬾᬲ᭄ᬢᬸᬲᬸᬥᬸᬦᬶᬂᬋᬓᬾᬯ
ᬲ᭄ᬢ᭄ᬭᬦ᭄ᬦᬶᬭᬾᬓᬶ᭞ᬤᬾᬦ᭄ᬲᬫ᭄ᬬᬏᬢᬗᬓᭂᬦ᭞ᬲᬓᬢᬳᬾᬧᬭᬯᬮᬶ᭟᭐᭟ᬯᬶᬬᭀᬲᬾᬮᬦ᭄ᬤᬸᬦᬶᬂᬳᬶᬓ᭞ᬓᬂᬳᬗᬸᬓᬳᬳᬶᬩᬶᬂᬅᬮᬄᬓᬓᬶ᭞ᬫᬃ
[᭒᭙ 29A]
᭒᭙
ᬕ᭄ᬕᬓᬂᬤᬤᬶᬫᬗ᭄ᬓᬾᬓᬸ᭞ᬳᬍᬫᬶᬂᬅᬮᬄᬳᬶᬓ᭞ᬤᬤ᭄ᬬᬯ᭄ᬭᬸᬄᬲᬤᬾᬭᬾᬂᬯᬶᬦᬭᬄᬳᬶᬓᬸ᭞ᬫᬃᬕ᭄ᬕᬳᬶᬓᬲᬫᬃᬓᬲᬫᬃᬲᬫᬃ᭞ᬓᬩᬾᬄᬲᬫ᭄ᬬᬤᬾᬦ᭄ᬓᬯ᭄ᬭᬸᬳᬶ᭟
᭐᭟ᬲᬯᬸᬲᬾᬮᬦ᭄ᬲᬤᬸᬭᬸᬂᬦ᭄ᬬ᭞ᬬᬳᬶᬓᬸᬋᬃᬩ᭄ᬩᬦᬶᬭᬳ᭄ᬬᬂᬯᬶᬥᬶ᭞ᬧᬦ᭄ᬳᬦᬲᬢᬸᬲ᭄ᬫᬗ᭄ᬓᬾᬓᬸ᭞ᬢᬦ᭄ᬳᬦᬋᬓᬾᬢᬸᬗ᭄ᬕᬮ᭄᭞ᬓᬂᬳᬫ᭄ᬩᬸᬓᬳᬳᬶᬩᬶᬂᬅᬮᬄ
ᬧᬸᬦᬶᬓᬸ᭞ᬧᬦ᭄ᬓᬶᬢᬩᭂᬮᬦ᭄ᬤᬸᬦᬶᬂᬓᬶᬦ᭞ᬳᬦ᭄ᬤᬶᬓᬦᬾᬲᬂᬤᬸᬫᬤᬶ᭟᭐᭟ᬓᬂᬚᬶᬦᬦ᭄ᬢᬾᬦ᭄ᬤᬾᬦᬶᬂᬅᬮᬄ᭞ᬲᬤᬸᬭᬸᬗᬾᬳᬦᬲᬓ᭄ᬯᬾᬄᬤᬸᬫᬤᬶ᭞ᬫ᭄ᬯᬂᬓᬦᬶᬲ᭄ᬓᬭ
ᬧᬸᬦᬶᬓᬸ᭞ᬳᬗᬶᬂᬦᬪᬶᬫᬸᬳᬫᬤ᭄᭞ᬓᬤᬶᬳᬶᬦ᭄ᬫᭂᬢᬸᬢᬲᬓᬶᬂᬘᬳ᭄ᬬᬳᬕᬸᬂ᭞ᬯ᭄ᬭᬸᬳᬭᬶᬂᬳᬭᬶᬚᬕᬢ᭄᭞ᬯᬶᬯᬶᬢᬦ᭄ᬯᭂᬓᬲᬦᬾᬓᬶ᭟᭐᭟ᬫ᭄ᬯᬄᬩᬸᬫᬶ
