[᭒ 2B]
᭒
ᬯᬶᬓ᭄ᬭᬲᬦᬶᬗ᭄ᬯᬂ᭟᭐᭟ᬉᬧᬫᬦᬾᬓᬋᬧ᭄ᬫᬫᬶ᭞ᬳᬓᬸᬫ᭄ᬧᬸᬮ᭄ᬫᬦᬄᬫᬦᬶᬭ᭞ᬳᬚᬓᬓᬧᬶᬲᬄᬋᬓᭀ᭞ᬳᬶᬗ᭄ᬲᬸᬦ᭄ᬓᬮᬯᬦᬶᬂᬲᬶᬭ᭞ᬳᬚᬧᭂᬕᬢᬲᬦᬓ᭄
᭞ᬲᬶᬭᬦᬵᬕᬕᬶᬡᬷᬫᬸᬯᬸᬲ᭄᭞ᬳᬩᭂᬦᭂᬂᬉᬚᬭᬶᬭᬾᬓ᭄᭟᭐᭟ᬬᬢᬯᬸᬲ᭄ᬲᬫᬓᬂᬓᬵᬧ᭄ᬢᬶ᭞ᬦᬵᬕᬕᬶᬡᬶᬓᬯᬃᬡ᭄ᬦ᭄ᬦᬳ᭞ᬳᬢᬓᬾᬦᬶᬂᬳᬦᬓ᭄ᬦᬸᬳᬮᭀᬦ᭄᭞
ᬦᬄᬢᬦᬶᬦᬷᬳᬸᬭᬸᬳᬦᬶᬭ᭞ᬲᬶᬭᬦᬶᬦᬷᬳᬮᬓ᭄ᬬ᭞ᬮᬦ᭄ᬦᬵᬕᬧᬺᬢᬮᬳᬶᬓᬸ᭞ᬳᬧᬦᬶᬓᬸᬲᬵᬦᬓᬶᬭ᭟᭐᭟ᬲᬳᬓᬂᬢᬶᬦᬭᬶᬳᬗ᭄ᬮᬶᬂ᭞ᬳᬫᬸᬯᬸᬲ᭄ᬲᬫ᭄ᬩᬶᬮ᭄ᬓᬭᬸ
ᬡ᭞ᬏᬳ᭄ᬩ᭄ᬬᬂᬢᬦ᭄ᬧᬬᬸᬦᬶᬗᭀᬂ᭞ᬳᬮᬓᬶᬫᬦᬶᬭᬩ᭄ᬬᬂ᭞ᬮᬦ᭄ᬲᬶᬦᬵᬕᬧᬺᬢᬮ᭞ᬳᬗᬸᬃᬫᬢᬶᬬᬓᬯᬾᬗ᭄ᬲᬸᬦ᭄᭞ᬓᬂᬮᬫᭀᬦ᭄ᬧᬶᬦᬓ᭄ᬱᬇᬓ᭟᭐᭟
[᭓ 3A]
᭓
ᬧᭂᬭᬢᬶᬮᬭᬦᬶᬂᬧᬢᬶ᭞ᬢᬶᬗ᭄ᬲᬸᬦ᭄ᬓᬲᬸᬤᬸᬓ᭄ᬱ᭄ᬳᬭᬷᬭ᭞ᬬᬢᬳᬶᬩ᭄ᬬ᭄ᬚᬓ᭄ᬬᬗᭂᬮᬶᬳᬮᭀᬦ᭄᭞ᬏᬄᬦᬶᬦᬷᬳᬚᬚᬗ᭄ᬓᬦ᭞ᬫᬵᬲ᭄ᬫᬶᬭᬄᬳᬦᬓᬶᬗ᭄ᬯᬂ᭞ᬲᬶᬭᬓᬂᬲᬸᬦᬫᬸ
ᬳᬫᬸ᭞ᬓᬂᬤᬤᬶᬓᭂᬫ᭄ᬩᬗᬶᬂᬦᬢᬯ᭟᭐᭟ᬢᬺᬗᬾᬗᬾᬦᬾᬳᬸᬗ᭄ᬲᬸᬦᬶᬦᬶ᭞ᬲᬶᬭᬧᬗ᭄ᬮᬶᬧᬸᬭᬶᬂᬓᬵᬮ᭞ᬲᬂᬧᬸᬢ᭄ᬭᬷᬳᬭᬶᬲᬸᬚᬭᬾ᭞ᬳᬶᬩᬸᬫᬦᬶᬭᬢᬓᬃᬱ᭞ᬓᬭᬡ
ᬦᬶᬗ᭄ᬲᬸᬦ᭄ᬢᬓᬃᬱ᭞ᬢᬦ᭄ᬲᬫ᭄ᬩᬤᬭᬹᬧᬦᬶᬗ᭄ᬲᬸᬦ᭄᭞ᬧᬭᬦ᭄ᬭᬧᬦᬶᬗ᭄ᬲᬸᬦ᭄ᬩ᭄ᬬᬂ᭟᭐᭟ᬳᬲᬭᬾᬓᬮᬯᬵᬦ᭄ᬮᬶᬗ᭄ᬕᬶᬄ᭞ᬉᬮᬄᬓᬮᬯᬵᬦ᭄ᬫᬵᬦᬸᬲ᭞ᬳᬶᬓᬸᬢᬓᬃᬱᬳᬶᬭᬶᬗᭀᬂ᭞ᬩ᭄ᬬᬂ
ᬳᬚᬤᬸᬓᬘᬶᬧ᭄ᬢ᭞ᬧᬲ᭄ᬢᬶᬢᬦᬃᬱᬳᬶᬦ᭄ᬯᬂ᭞ᬳᬮᬓᬶᬮᬦᬸᬮᬳᬶᬓᬸ᭞ᬕᭂᬃᬦ᭄ᬢᬶᬫᬗ᭄ᬓᬾᬓᬯᬃᬡ᭄ᬦᬳ᭟᭐᭟ᬦᬷᬲᬸᬦ᭄ᬤᬭᬷᬩᬸᬗ᭄ᬓᬄᬓᬯᬃᬡ᭄ᬦᬶ᭞ᬢᬦᬾᬘᬢᬸᬭᬸᬮ
Kaca:Bali-lontar-gaguritan-sundari-bungkah-350ppi.pdf/3
Kaca puniki sampun kauji-wacén
