[᭑᭓ 13B]
᭑᭓
᭞ᬲᭂᬥᬄᬳᬶᬗᬧᭀᬦ᭄᭞ᬳᬶᬚᭀᬓᬮᬯᬦ᭄ᬧᬸᬢᬶᬄ᭟᭜᭟ᬲᬳᬢᬸᬫ᭄ᬧᭂᬂᬳᬶᬋᬂᬧᬸᬦᬶᬓᬳᬢᬸᬭᬂ᭞ᬤᬸᬮᬸᬭᬶᬦ᭄ᬧᬗᬪᬓ᭄ᬢᬶ᭞ᬦᬸᬦᬲ᭄ᬓᬲᬸᬯᬾᬘᬦ᭄᭞ᬳᬲᬶᬂᬲ
ᬥ᭄ᬬᬜᬥ᭄ᬬᬬᬂ᭞ᬫᬶᬦᬓᬤᬶᬦ᭄ᬳᬶᬧᬸᬦ᭄ᬫᬮᬶᬄ᭞ᬲᬫᬗ᭄ᬤᬲᬶᬤ᭄ᬥ᭞ᬮᬾᬤᬂᬳᬶᬤᬲᬂ᭠ᬗᬃᬤ᭄ᬥᬶ᭟᭜᭟ᬰᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬓᬸᬦᬶᬗᬦ᭄ᬧᬸᬦᬶᬓ᭞ᬳᬶᬭᬶᬓᬓᭀᬘᬧ᭄ᬫᬮᬶᬄ
᭞ᬢᬸᬭᬸᬦ᭄ᬧᬭᬤᬾᬯ᭞ᬫᬓᬤᬶᬲᬂᬧᬶᬢᬭ᭞ᬗᭀᬚᭀᬕ᭄ᬭᬶᬂᬓᬳ᭄ᬬᬗᬦ᭄ᬲᬫᬶ᭞ᬫᬲᬸᬓᬲᬸᬓᬦ᭄᭞ᬫᬸᬧᬸᬲᬭᬶᬦᬶᬂᬕᬸᬫᬶ᭟᭜᭟ᬫᬳᬯᬶᬦᬦ᭄ᬲᬋᬂᬲᬫᬶᬫᬳᬢᬸ
ᬭᬦ᭄᭞ᬩᬦ᭄ᬢᭂᬦ᭄ᬫᬯᬤᬄᬲᬸᬮᬗ᭄ᬕᬶ᭞ᬢᭂᬩᭀᬕ᭄ᬦᬾᬳᬕᭂᬗᬦ᭄᭞ᬫᬤᬸᬮᬸᬃ᭠ᬘᬦᬂᬭᬓ᭞ᬧᬲᬸᬘ᭄ᬬᬦ᭄ᬮᬦ᭄ᬯᬗᬶᬯᬗᬶ᭞ᬳᬶᬘᬦᬂᬲᭂᬓᬃ᭞ᬧᬸᬦᬶᬓᬦᬾᬢᬦ᭄ᬫᬭᬶ
[᭑᭔ 14A]
᭟᭜᭟ᬭᬶᬂᬢᬺᬧ᭄ᬢᭂᬧᬦ᭄ᬫᬓᬃᬬ᭄ᬬᬕᬦ᭄ᬢᬸᬂᬕᬦ᭄ᬢᬸᬗᬦ᭄᭞ᬫᬳᬾᬦ᭄ᬤᭀᬗᬦ᭄ᬓᬓᬵᬮᬶᬄ᭞ᬤᬕᬶᬂᬍᬩᭂᬂᬫᬢᬄ᭞ᬢᬫᬶᬬᬂᬓᬮᬶᬄᬘᬦ᭄ᬤᬶᬕ᭞ᬉᬩᬸᬓ᭄ᬮᬤᬶᬓ᭄ᬤᬕᬶᬗᬶᬦ᭄᭞
ᬢᬸᬚ᭄ᬯᬦ᭄ᬧᬸᬦᬶᬓᬵ᭞ᬓᬢᬸᬃᬭᬶᬂᬲᬂᬳ᭄ᬬᬂᬯᬶᬥᬶ᭟᭜᭟ᬫᬶᬦᬓᬤᬶᬭᬶᬂᬳᬶᬤᬾᬯᬧᬶᬢᬭ᭞ᬲᬫᬗ᭄ᬤᬲ᭄ᬯᬾᬘᬳᬸᬕᬶ᭞ᬦᬶᬗ᭄ᬕᬮᬂᬓᬲᬶᬤ᭄ᬬᬦ᭄᭞ᬗᬶᬘᬾᬦ᭄ᬫ᭄ᬭᬢᬦᬶᬂ
ᬚ[strike/]ᬢ[/strike]ᬕᬢ᭄᭞ᬲᬂᬧᬭᬫᬦᬸᬱᬲᬫᬶ᭞ᬓᬥᬶᬃᬕ᭄ᬖᬬᬸᬱᬦ᭄᭞ᬲᬲ᭄ᬯᬢᬦᬶᬂᬤᬸᬫᬤᬶ᭟᭜᭟ᬲᬦᬾᬭᬶᬂᬲᭀᬭᬶᬂᬦᬢᬃᬧᬃᬬ᭄ᬬᬗᬦ᭄᭞ᬢᬍᬃᬧᬢᬸᬢ᭄ᬓᬃᬤ᭄ᬥᬶᬦᬶᬦ᭄
᭞ᬲᬲᬸᬕᬸᬄᬲᬳᬕᬦ᭄᭞ᬩᬺᬫ᭄ᬢ᭄ᬯᬓ᭄ᬢᬩᬸᬳᬂ᭞ᬳᬧᬶᬤᬶᬲᬫ᭄ᬩᬸᬓ᭄ᬢᬦ᭄ᬫᬭᬶ᭞ᬬᬦᬶᬂᬳᬶᬭᬕ᭞ᬧᬢᬸᬢ᭄ᬢᬍᬃᬫᬩᬺᬲᬶᬄ᭟᭜᭟ᬲᬳᬦᬢᬩ᭄ᬲᬫᬬᬸᬢ᭄ᬧ᭄ᬭᬬ
