Kaca:Bali-lontar-gaguritan-sundarigama-300ppi.pdf/15

Kaca puniki sampun kauji-wacén

[᭑᭔ 14B]
᭑᭔
ᬰ᭄ᬘᬶᬢ᭄ᬢ᭞ᬫᬳᬸᬮᬫ᭄ᬩᬾᬩᬾᬓ᭄ᬧᬸᬢᬶᬄ᭞ᬬᬦᬶᬂᬬᬦ᭄ᬓᬲᬶᬤ᭄ᬥᬦ᭄᭞ᬧᬜᭂᬦᭂᬗᬾᬭᬸᬦ᭄ᬢᬸᬢᬂ᭞ᬢᭂᬕᭂᬲ᭄ᬳᬶᬧᬸᬦ᭄ᬓᭂᬦᬶᬲᬸᬘᬶ᭞ᬳᬶᬰᬭᬶᬭᬯᬮ᭄ᬬ᭞ᬦᬢᬓ᭄ᬧᬳᬶᬘᬦ᭄ᬯᬶᬥᬶ᭟᭜᭟
ᬧᬸᬧᬸᬄᬲ᭄ᬫᬭᬦ᭄ᬤᬦ᭟᭜᭟ᬲ᭄ᬫᬭᬦ᭄ᬤᬦᬫᬜᬫ᭄ᬩᬸᬗᬶᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬦᬸᬢᬸᬭᬂ᭞ᬩᬸᬤ᭄ᬥᬓ᭄ᬮᬶᬯᭀᬦ᭄ᬧᬳᬂᬋᬓᭀ᭞ᬓᬶᬦᬸᬘᬧ᭄ᬧᭂᬕᬢᬶᬂᬯᬭᬄ᭞ᬧᬢᬹ
ᬢ᭄ᬗᬃᬤ᭄ᬥᬶᬓᬥᬃᬫ᭄ᬫᬦ᭄᭞ᬲᬫᬶᬫᬗᬶᬓᭂᬗᬂᬓᬬᬸᬦ᭄᭞ᬲᬳᬫᬓᬃᬬ᭄ᬬᬳᬢᬸᬭᬦ᭄᭟᭜᭟ᬫᬩᬩᬦ᭄ᬢᭂᬦ᭄ᬯᬗᬶᬯᬗᬶ᭞ᬢᬥᬄᬧᬯᬶᬢ᭄ᬭᬮᬦ᭄ᬘᬦᬂ᭞ᬳᬘᭂᬧ᭄ᬢᬸᬚᬸᬯ
ᬦᬾᬳᭂᬦ᭄ᬢᭀ᭞ᬓᬢᬸᬭᬶᬂᬤᬳ᭄ᬬᬂᬢᬸᬗ᭄ᬕᬮ᭄᭞ᬲᬫᬬᬸᬢ᭄ᬥᬶᬃᬕ᭄ᬖᬬᬸᬱ᭞ᬧᬜᭂᬦᭂᬂᬫᬓᬤᬶᬦ᭄ᬳᬶᬧᬸᬦ᭄᭞ᬫᬵᬢᬹᬭᬦ᭄ᬤᬶᬓᬫᬶᬫᬶᬢᬦ᭄᭟᭜᭟ᬳᬯᬦᬦ᭄ᬤᬶᬢᬸᬳᬲ᭄ᬢᬶᬢᬶ᭞

[᭑᭕ 15A]
ᬳᭂᬦᬶᬗᬂᬳᬶᬥᭂᬧᬾᬦᬸᬦᬲ᭄᭞ᬲᬫᬗ᭄ᬤᬓᬲᬶᬤ᭄ᬥᬦᬶᬗ᭄ᬤᭀᬦ᭄᭞ᬲᬓᬶᬢᬓᬋᬧ᭄ᬓᬲᬶᬤ᭄ᬥᬦ᭄᭞ᬳᬧᬦ᭄ᬳᬶᬤᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬫᬫᬸᬧᬸᬢ᭄ᬯᬭᬳᬾᬤᬶᬢᬸ᭞ᬤᬶᬩᬸᬤ᭄ᬥ
ᬓ᭄ᬮᬶᬯᭀᬦ᭄ᬧᬳᬂ᭟᭜᭟ᬤᬶᬦᬸᬚᬸᬰᬸᬓ᭄ᬭᬉᬫᬦᬶᬲ᭄᭞ᬯᬭᬫ᭄ᬭᬓᬶᬳᬾᬓᬳᬸᬘᬧ᭄᭞ᬧᬹᬚᬯᬮᬶᬓᭀᬘᬳᭂᬦ᭄ᬢᭀ᭞ᬦ᭄ᬳᬝᬵᬭᬭᬫ᭄ᬩᬸᬢ᭄ᬲᬥᬦ᭞ᬧᬢᬹᬢ᭄ᬳᬶᬤᬳᬲ᭄ᬢ
ᬯ᭞ᬤᬶᬳᭂᬫᬲ᭄ᬧᬶᬧᬶᬲᬾᬢᬸᬚᬸ᭞ᬫᬓᬵᬤᬶᬭᬶᬂᬲᬃᬯ᭄ᬯᬫᬸᬮ᭄ᬬ᭟ᬫᬳᬢᬸᬭᬦ᭄ᬩᬦ᭄ᬢᭂᬦ᭄ᬲᬸᬘᬶ᭞ᬧ᭄ᬭᬤᬓ᭄ᬱᬡᬫ᭄ᬯᬂᬳᬚᬸᬫᬦ᭄᭞ᬲᭀᬤᬬᬦ᭄ᬓᬸᬢᬶᬓᬓᭀᬘᭀᬃ᭞ᬘᭂᬘᭂ᭠
ᬧᬦ᭄ᬫᬢᭀᬬᬳᬜᬃ᭞ᬮᬯᬸᬢ᭄ᬓᭂᬢᬶᬲᬶᬦ᭄ᬢᬶᬃᬣ᭞ᬫᬧᬶᬦᬸᬦᬲ᭄ᬫᬗ᭄ᬤᬯᬶᬪᬸᬄ᭞ᬢ᭄ᬯᬭᬓᬸᬯᬂᬓᬲᬸᬕᬶᬳᬦ᭄᭟᭜᭟ᬰᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬯ᭄ᬬᬓ᭄ᬢᬶ᭞ᬭᬶᬂᬦᬸᬚᬸᬉᬬᬾ᭠