[᭑᭗ 17B]
᭑᭗
ᬩᬶᬦ᭄ᬕᬫ᭄ᬩᭂᬮᬦ᭄᭟᭜᭟ᬳᬶᬭᬕᬫᬦᬸᬱᬲᬫᬶ᭞ᬧᬵᬢᬸᬢ᭄ᬢᬍᬃᬫᬢᬢᭂᬮᬄ᭞ᬫᬗᬶᬧᬶᬬᬂᬓᬭᬳᬬᭀᬦ᭄᭞ᬫᬲᬶᬲᬶᬕ᭄ᬫᬫ᭄ᬩᬸᬄᬫᬲᬶᬭᬫ᭄᭞ᬓᬕ᭄ᬭᬶᬬᬦᬸᬦᬲ᭄ᬢᬶᬣᬃ
᭞ᬬᬦ᭄ᬓᬲᬶᬤ᭄ᬥᬦ᭄ᬦᬢᬩ᭄ᬮᬯᬸᬢ᭄᭞ᬧᬜᭂᬦᭂᬂᬮᬦ᭄ᬧ᭄ᬭᬬᬰ᭄ᬘᬶᬢ᭟᭜᭟ᬲᬧᬸᬦᬶᬓᬢᬶᬗ᭄ᬓᬄᬳᬲ᭄ᬢᬶᬢᬶ᭞ᬗᬶᬲ᭄ᬢᬶᬬᬂᬭᬕᬰᬭᬶᬭ᭞ᬲᬫᬗ᭄ᬤᬓᬢᭂᬓᬾᬳᭂᬤᭀ
ᬦ᭄᭞ᬤᬶᬤ᭄ᬥᬵᬫᬗ᭄ᬕᬸᬄᬓᬫᭀᬢ᭄ᬢᬫᬦ᭄᭞ᬭᬶᬂᬚᬦᬯᬶᬰᬾᬱ᭞ᬲᬓᬤᬶᬲᬦᬾᬳᬸᬫᬸᬗ᭄ᬕᬸᬄ᭞ᬓᬓᭂᬘᬱ᭄ᬲᬂᬳ᭄ᬬᬂᬅᬓ᭄ᬱᬭ᭟᭜᭟ᬦᬸᬚᬸᬰᬦᬶᬰ᭄ᬘᬭᬫᬦᬶ
ᬲ᭄᭞ᬯᬢᬸᬕᬸᬦᬸᬗᬾᬓᬳᬸᬘᬧ᭄᭞ᬧᬸᬚᬯᬮᬶᬦ᭄ᬳᬶᬤᬋᬓᭀ᭞ᬲᬂᬳ᭄ᬬᬂᬲᬭᬰ᭄ᬯᬢᬶᬓᭀᬘᬧ᭄᭞ᬧᬢᬸᬢ᭄ᬳᬶᬧᬸᬦ᭄ᬳᬶᬭᬕ᭞ᬗᬲ᭄ᬢᬶᬢᬶᬫᬦᬸᬦᬲ᭄ᬲᬵ
[᭑᭘ 18A]
ᬤ᭄ᬬᬄ᭞ᬉᬧ᭄ᬢᬶᬭᬶᬂᬮᭀᬦ᭄ᬢᬃᬮᭀᬦ᭄ᬢᬃ᭟᭜᭟ᬫᬩᬦ᭄ᬢᭂᬦ᭄ᬭᬶᬂᬲᬭᬰ᭄ᬯᬢᬶ᭞ᬫᬦᬶᬱ᭄ᬝᬫᬥ᭄ᬬᬉᬢ᭄ᬢᬫ᭞ᬲᬮᬾᬤᬂᬧᬘᬂᬫᬗᬗ᭄ᬕᬾ᭞ᬯᬾᬦ᭄ᬢᭂᬦ᭄ᬫᬗᬗ᭄ᬕᬾᬤᬓ᭄ᬱᬶᬡ᭞ᬫ
ᬲᬸᬘᬶᬧ᭄ᬭᬲ᭄ᬳᬚᬸᬫᬦ᭄᭞ᬫᬓᬵᬤᬶᬳᬶᬧᬸᬦ᭄ᬲᬫᬬᬸᬢ᭄᭞ᬲᬭᬰ᭄ᬯᬢᬶᬦᬾᬧᬸᬦᬶᬓ᭟᭜᭟ᬲᬕᬭᬵᬕᬸᬂᬓᬳᬤᬦᬶᬦ᭄᭞ᬫᬧ᭄ᬭᬗ᭄ᬓᬢᬦ᭄ᬫᬳᬶᬲᭂᬮᬦ᭄᭞ᬧᬸᬢᬶᬄ
ᬓᬸᬦᬶᬂᬓᭀᬘᬧ᭄ᬳᭂᬦ᭄ᬢᭀ᭞ᬫᬳᬸᬮᬫ᭄ᬩᬾᬩᬾᬓ᭄ᬫᬧᬗ᭄ᬕᬂ᭞ᬤᬓ᭄ᬱᬶᬡᬫᬮᬶᬗ᭄ᬕᬶᬳᬦ᭄᭞ᬢᬦ᭄ᬲᬄᬯᬗᬶᬯᬗᬶᬓᬢᬸᬃ᭞ᬓᭂᬫ᭄ᬩᬂᬘᬦᬾᬓᭂᬫ᭄ᬩᬂᬧᬳ᭄ᬬᬲ᭟᭜᭟
ᬧᬸᬦᬶᬓᬳᬗ᭄ᬕᬾᬦ᭄ᬗᭀᬤᬮᬶᬦ᭄᭞ᬲᬓᬮ᭄ᬯᬶᬭᬶᬂᬮᭀᬦ᭄ᬢᬃᬮᭀᬦ᭄ᬢᬃ᭞ᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄ᬫᬫᬯᭀᬲ᭄᭞ᬓᬮᬶᬄᬫᬜᬸᬭᬢ᭄ᬳᬓ᭄ᬱᬭ᭞ᬭᬶᬂᬤᬶᬦᬧᬸ
