Kaca puniki sampun kauji-wacén
[᭑᭘ 18B]
᭑᭘
ᬦᬧᬸᬦᬶᬓᬵ᭞ᬓᭂᬦᬶᬳᬾᬮᬶᬂᬲᬫᬶᬦᬸᬢᬸᬃ᭞ᬦᬸᬢᬸᬭᬂᬲᬢ᭄ᬯᬧᬸᬦᬶᬓᬵ᭟᭜᭟ᬩᬾᬜ᭄ᬚᬂᬲᭂᬫᭂᬂᬧᬭᬤᬗᬶᬦ᭄᭞ᬯᬯᬸᬩᬳᬓ᭄ᬲᬂᬳ᭄ᬬᬂᬲᬸᬃᬬ᭄ᬬ᭞ᬫᬩᬜᬸᬦ᭄ᬧᬦ
ᬭᬸᬄᬋᬓᭀ᭞ᬫᬓᬓ᭄ᬭᬶᬓ᭄ᬫᬓ᭄ᬭᬫᬲ᭄᭞ᬫᬲᬶᬭᬫ᭄ᬩᬦ᭄ᬓᬸᬫ᭄ᬓᬸᬫᬦ᭄᭞ᬤᬶᬲᬸᬩᬦ᭄ᬤᬾᬯᭂᬓᬾᬲᬸᬳᬸᬢ᭄᭞ᬮᬯᬸᬢ᭄ᬓᬲᬗ᭄ᬕᬄᬫᬢᬸᬭᬦ᭄᭟᭜᭟ᬫᬩᬦ᭄ᬢᭂᬦ᭄ᬮ
ᬩᬳᬦ᭄ᬦᬲᬶ᭞ᬦᬲᬶᬧ᭄ᬭᬚ᭄ᬜᬦ᭄ᬚᭂᬦᬃᬓᭀᬘᬧ᭄᭞ᬲᬳᬚᬚᬫᬸᬦᬾᬳᭂᬦ᭄ᬢᭀ᭞ᬓᬢᬸᬃᬤᬶᬲᬗ᭄ᬕᬄᬓᬫᬸᬮᬦ᭄᭞ᬫᬗᬶᬲ᭄ᬢᬶᬫᬧᬶᬦᬸᬦᬲ᭄᭞ᬓᭂᬦᬶ
ᬲᬶᬤ᭄ᬥᬧ᭄ᬭᬚ᭄ᬜᬦ᭄ᬯᬶᬪᬸᬄ᭞ᬓᬲ᭄ᬯᬾᬘᬦ᭄ᬩᬦ᭄ᬲᬂᬳ᭄ᬬᬂᬰᬵᬳᬢ᭄ᬭ᭟᭜᭟ᬤᬶᬲᬸᬩᬲᬸᬳᬸᬤ᭄ᬫᬪᬓ᭄ᬢᬶ᭞ᬓᬵᬮᬶᬄᬲᬸᬳᬸᬤ᭄ᬫᬳᬢᬸᬭᬦ᭄᭞ᬮᬬᬸᬩ᭄ᬮᬩᬮᬦᬾ
[᭑᭙ 19A]
ᬳᭂᬦ᭄ᬢᭀ᭞ᬳᬶᬭᬕᬮᬯᬸᬢ᭄ᬫᬗᬬᬩ᭄᭞ᬫᬲᬶᬄᬦᬫ᭄ᬧᬶᬂᬧᬲᭂᬧᬦ᭄᭞ᬫᬵᬗ᭄ᬮᬯᬸᬢ᭄ᬳᬸᬢᬶᬂᬚᬚᬫᬸ᭞ᬳᬶᬭᬕᬗᬗ᭄ᬕᬾᬮᬩᬳᬦ᭄᭟᭜᭟ᬧᬸᬧᬸᬄᬥᬂ
ᬥᬂ᭟᭜᭟ᬢᭂᬫ᭄ᬩᬂᬥᬂᬥᬂᬳᬗ᭄ᬕᬾᬦ᭄ᬭᬜᬫ᭄ᬩᬸᬗᬶᬦ᭄᭞ᬗ᭄ᬳᬶᬂᬳᬫ᭄ᬧᬸᬭ᭞ᬓᬭᬗᬦ᭄ᬢᬶᬢ᭄ᬬᬂ᭞ᬩᬦ᭄ᬫᭂᬍᬤ᭄ᬢᭂᬓᬾᬦ᭄ᬲᬢ᭄ᬯᬦᬾ᭞ᬫᬗ᭄ᬤᬜᬶᬤᬬᬂᬳᬸᬫᬸᬫ᭄
᭞ᬳᬶᬤᬤᬦᬾᬳᬓᬾᬄᬦᬾᬳᬸᬦᬶᬂ᭞ᬳᬸᬦᬶᬂᬭᬶᬂᬓᬧᬢᬸᬢᬦ᭄᭞ᬤᬶᬦᬦᬾᬦᬾᬢᬸᬚᬸ᭟ᬢᬸᬚᬸᬯᬂᬫᬗᬾᬱ᭄ᬝᬶᬤᬾᬯ᭞ᬫᬗ᭄ᬤᬲᬶᬤ᭄ᬥ᭞ᬓ᭠
ᬤᬶᬳᬸᬫᬸᬗ᭄ᬕᬸᬄᬭᬶᬂᬳᬚᬶ᭞ᬫᬗ᭄ᬕᬸᬄᬓᬭᬳᬬ᭄ᬯᬦ᭄᭟᭜᭟ᬦᬾᬓᬳᬸᬘᬧ᭄ᬭᬶᬂᬓ᭄ᬮᬶᬯᭀᬦᬾᬯ᭄ᬬᬓ᭄ᬢᬶ᭞ᬫᬉᬢ᭄ᬢᬫ᭞ᬳ᭄ᬬᬂᬰᬶᬯᬢᭀᬳᬶᬤ᭞ᬦ᭄ᬭᬸ
