[᭑ 1B]
᭑
᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛᭜᭛ᬧᬸᬧᬸᬄᬲᬶᬦᭀᬫ᭄᭟᭜᭟ᬳᬶᬲᭂᬂᬗᬯᬾᬧᬳᬶᬗᭂᬢᬦ᭄᭞ᬧᬂᬳᬤᬳᬗ᭄ᬕᭀᬦ᭄ᬧᬓᬾᬮᬶᬂ᭞ᬳᬧᬂᬦᬯᬂᬳᬶᬦ᭄ᬤᬶ
ᬓ᭄ᬕᬫ᭞ᬭᬾᬄᬤᬾᬯᬾᬓ᭄ᬫᬦᬸᬱᬩᬮᬶ᭞ᬲᬦᬾᬫᬳᬤᬦ᭄ᬩᬮᬶ᭞ᬳᬃᬣᬶᬦ᭄ᬳᬶᬧᬸᬦ᭄ᬳᬦᬓ᭄ᬓᬸᬓᬸᬄ᭞ᬫᬗᬫᭀᬂᬓᬵᬧᬢᬹᬢᬦ᭄᭞ᬳᬧᬦ᭄ᬲᬫ᭄ᬧᬸᬦ᭄ᬲᬓᬶᬂ
ᬭᬶᬳᬶᬦ᭄᭞ᬦᬸᬭᬸᬦ᭄ᬦᭂᬭᬸᬲ᭄᭞ᬓᬢᬫᬓᬬᬂᬳᬶᬭᬕ᭟᭜᭟ᬫᬗᬗ᭄ᬕᭀᬕᬫᬓᬫᬸᬮᬦ᭄᭞ᬲᬸᬩᬕᬸᬮᬸᬓ᭄ᬲᬋᬂᬲᬫᬶ᭞ᬫᬜᬫ᭄ᬩᬢ᭄ᬕᬫᬧᬸᬦᬶᬓ᭞ᬳᬶᬦ᭄ᬤᬸᬩ
ᬮᬶᬓᬳᬤᬦᬶᬦ᭄᭞ᬫᬢᬸᬚᬸᬯᬦ᭄ᬳᬲ᭄ᬢᬶᬢᬶ᭞ᬲᬫᬗ᭄ᬓᬲᬶᬤ᭄ᬥᬫᬦᬸᬮᬸᬲ᭄᭞ᬰᬸᬤ᭄ᬥᬲᬸᬘᬶᬦᬶᬃᬫᬮ᭞ᬫᬮᬶᬄᬓᬲᬗ᭄ᬓᬦᬶᬂᬤᬤᬶ᭞ᬢᭀᬓᬢᬸᬚᬸ᭞ᬲᬗ᭄ᬓᬦ᭄ᬫᬓᬃ
[᭒ 2A]
ᬤ᭄ᬥᬶᬬᬂᬭᬕ᭟᭜᭟ᬪᬸᬓ᭄ᬢᬶᬦᬶᬧᬸᬦᬾᬤᬶᬯᬮ᭄ᬬ᭞ᬤᬶᬲᬸᬩᬦ᭄ᬤᬾᬯᬾᬓᬾᬫᬢᬶ᭞ᬳᬧᬂᬳᭂᬤᬫᬕᬦ᭄ᬢᬸᬮᬦ᭄᭞ᬳᭂᬦᬸᬤᬶᬕᬸᬫᬶᬦᬾᬤᬶᬤᬶ᭞ᬭᬭᬯᬢ᭄ᬫᬢ᭄ᬭᬕᬶᬕᬶᬲ᭄᭞
ᬓᬲᬫ᭄ᬩᬢ᭄ᬫᬗᭂᬮᬄᬍᬢᬸᬄ᭞ᬢᭀᬲᬗ᭄ᬓᬦ᭄ᬫᬳᬩᬾᬦᬂ᭞ᬓᬳᬤᬓᬂᬧᬸᬮᬧᬮᬶ᭞ᬳᬲᬶᬂᬍᬢᬸᬄ᭞ᬲᬫᬗ᭄ᬤᬲᬶᬥᬲᬫ᭄ᬧᬹᬃᬡ᭄ᬦ᭟᭜᭟ᬤᬾᬦᬶᬂᬤᬾᬯᬾᬓᬾᬓ
ᬳᬸᬘᬧ᭄᭞ᬧᬳᬯᬓᬦ᭄ᬍᬢᭂᬄᬲᬫᬶ᭞ᬧᬦ᭄ᬫᬮᬓᬃᬳᬶᬲᬤ᭄ᬭᬱ᭞ᬢᭀ᭠ᬓᬸᬫ᭄ᬧᬸᬮ᭄ᬤᬤᬶᬓᬓᬮᬶᬄ᭞ᬲᬸᬓ᭄ᬮᬰ᭄ᬯᬦᬶᬢᬤᬤᬶ᭞ᬳᬸᬯᬢ᭄ᬳᬶᬲᬶᬕᭂᬢᬶᬄᬩᬮᬸᬂ᭞ᬫᬳᬸ
ᬓᬸᬤᬦ᭄ᬤᬤᬶᬚᬦ᭄ᬫ᭞ᬳᭂ+(ᬦ᭄ᬢᭀ)ᬓ᭄ᬭᬡᬳᬤᬚᬦᬶ᭞ᬧᬗᭂᬍᬩᬸᬃ᭞ᬤᬰᬫᬮᬦᬶᬂᬰᬭᬶᬭ᭟᭜᭟[strike/]ᬫᬸ[/strike]ᬫᬮᬸᬤᬸᬓ᭄ᬤ᭄ᬯᬧᬭᬬᬸᬕ᭄ᬕ᭞ᬢᬸᬭᬸᬦ᭄ᬳᬶᬤᬲᬂᬳ᭄ᬬᬂᬯᬶᬥᬶ᭞ᬪᬝᬵᬭᬕᬸ
