[᭕ 5B]
᭕
ᬮᬾᬤᬂᬫᬫᬶᬦᭂᬳᬶᬦ᭄᭟᭜᭟ᬲᬓᬾᬫᬳᭀᬦ᭄ᬢᬶᬢ᭄ᬬᬂᬢᭂᬢᭂᬧ᭄ᬫᬜᬢ᭄ᬯᬬᬂ᭞ᬗᬦᬸᬢᬂᬯᬸᬓᬸᬲᬫᬶ᭞ᬗᬯᬶᬢ᭄ᬳᬸᬓᬸᬲᬶᬦ᭄ᬢ᭞ᬘᭀᬫᬧᭀᬦ᭄ᬳᬶᬧᬸᬦ᭄ᬓᭀᬘᬧ᭄᭞ᬘᭀ
ᬫᬭᬶᬩᭂᬓ᭄ᬓᬳᬤᬦᬶᬦ᭄᭞ᬲᬦᬾᬢᬸᬚᬸᬯᬂ᭞ᬳᬘᭂᬧᬂᬪᬓ᭄ᬢᬶᬦᬶᬦ᭄᭟᭜᭟ᬢ᭄ᬯᬄᬳᬶᬤᬪᬝᬵᬭᬳ᭄ᬬᬂᬢ᭄ᬭᬶᬧ᭄ᬭᬫᬦ᭞ᬳᬢᬹᬢ᭄ᬳᬶᬤᬉᬧ᭄ᬢᬶ᭞ᬤᬶᬧᬸᬮᬸᬫᬵᬢᬸᬭᬦ᭄᭞ᬤᬶᬮᬸ
ᬫ᭄ᬩᬸᬂᬫᬓᬤᬶᬦ᭄ᬜ᭞ᬫᬩᬦ᭄ᬢᭂᬦ᭄ᬜᬜᬄᬕᬭᬶᬦ᭄ᬲᬶᬂ᭞ᬤᬸᬮᬸᬃᬯᭀᬄᬯᭀᬳᬦ᭄᭞ᬧᬶᬲᬂᬳᭂᬫᬲᬾᬢᬦ᭄ᬫᬢᬸᬶᬭᬶ᭟᭜᭟ᬯᬗᬶᬯᬗᬶᬘᬘᬸᬓᬸᬧᬶᬂᬘᬦᬂᬲᭂᬓᬃ᭞ᬓᬾᬢᭀ᭠
ᬳᬶᬗᭂᬢᬂᬕᬢᬶ᭞ᬧᬶᬢᭂᬓᭂᬢ᭄ᬳᬶᬰᬵᬲ᭄ᬢ᭄ᬭ᭞ᬲᬶᬂᬤᬤᬶᬗᬤᭂᬧ᭄ᬩᭂᬭᬲ᭄᭞ᬫᬶᬦᬓᬤᬶ᭠ᬦᭂᬩᬸᬓ᭄ᬧᬤᬶ᭞ᬬᬦ᭄ᬦᬸᬚᬸᬤᬶᬦᬘᭀᬫᬭᬶᬩᭂᬓᬾᬯ᭄ᬬᬓ᭄ᬢᬶ᭟᭜᭟ᬩᬸᬯᬶᬦ᭄ᬳᬶᬧᬸ
[᭖ 6A]
ᬦ᭄ᬳᬶᬅᬗ᭄ᬕᬭᬯᬕᬾᬲᬶᬦ᭄ᬢ᭞ᬲᬩᬸᬄᬳᭂᬫᬲ᭄ᬓᬳᬤᬦᬶᬦ᭄᭞ᬧᬵᬢᬹᬢ᭄ᬫᬗᬺᬤᬦ᭞ᬫᬗᬸᬧ᭄ᬢᬶᬪᬝᬵᬭ᭞ᬫᬳᬵᬤᬾᬯᬦᬾᬳᬲ᭄ᬢᬶᬢᬶ᭞ᬢᭀᬳᬧᬦ᭄ᬳᬶᬤ᭞ᬤᬾᬯᬦᬶᬂ
ᬳᭂᬫᬲ᭄ᬧᬶᬧᬶᬲ᭄᭟᭜᭟ᬫᬳᬢᬸᬭᬦ᭄ᬲᬫᬬᬸᬢ᭄ᬫᬯᬤᬄᬤᬸᬮᬂ᭞ᬫᬳᬤᬦ᭄ᬫᬺᬢᬲᬭᬶ᭞ᬬᬦ᭄ᬕᭂᬦᬄᬗᬘᭂᬧᬂ᭞ᬚᬸᬫᬳᬦ᭄ᬤᬶᬧᬫᬺᬫᬦ᭄᭞ᬯᬸᬲ᭄ᬓᬢᬸᬃᬲᬫ᭄ᬧᬸᬦ᭄ᬫᬬᬩᬶ᭠
ᬦ᭄᭞ᬮᬳᬸᬢ᭄ᬳᬶᬭᬕ᭞ᬫᬜᬸᬭᬸᬤ᭄ᬫᬗᬬᬩ᭄ᬫᬮᬶᬄ᭟᭜᭟ᬢᬸᬚᬸᬤᬶᬦᬫᬗ᭄ᬕᭂᬄ᭠ᬓᬲᬯᬾᬘᬦ᭄᭞ᬲᬶᬥᬯᬶᬪᬸᬄᬫᬵᬲ᭄ᬧᬶᬧᬶᬲ᭄᭞ᬢᬦ᭄ᬮᭀᬗᬶᬂᬩ᭄ᬭᬡ᭞ᬳᬧᬦ᭄ᬳ᭄ᬬᬂᬫᬳᬵ
ᬤᬾᬯ᭞ᬓᭂᬜ᭄ᬚᭂᬓᬫᬩᬕᬶᬩᬕᬶ᭞ᬫ᭄ᬭᬢᬲᭂᬥᬦ᭞ᬢᬸᬫᬸᬭᬸᬦ᭄ᬗᭂᬩᭂᬓᬶᬦ᭄ᬕᬸᬫᬶ᭟᭜᭟ᬩᬸᬤ᭄ᬥᬓ᭄ᬮᬶᬯᭀᬦ᭄ᬯᬭᬲᬶᬦ᭄ᬢᬦᬾᬓᬳᬸᬘᬧ᭄᭞ᬫᬳᬤᬦ᭄ᬧᬕᭂᬃᬯᭂᬲᬶ᭞
