[᭘ 8B]
᭘
ᬤᬗᬶᬘᬾᬦ᭄ᬫᬺᬢ᭞ᬢᭀᬲᬂᬓᬦ᭄ᬫᬳᬢᬸᬭᬦ᭄᭞ᬢᬸᬫ᭄ᬧᭂᬂᬳᬕᬸᬂᬫᬶᬯᬄᬕᬸᬮᬶᬂ᭞ᬧᬜᭂᬦᭂᬂᬧ᭄ᬭᬲ᭄᭞ᬢᬸᬮᬸᬂᬲᬲᬬᬸᬢ᭄ᬫᬮᬶᬄ᭟᭜᭟ᬓᬲ᭄ᬣᬦᬳ᭄ᬬᬂᬳᬶᬤᬭᬶᬂᬢᭂ
ᬕᬮ᭄ᬳᬩ᭄ᬬᬦ᭄᭞ᬤᬶᬓᬓᬯᭀᬦᬦ᭄ᬲᬫᬶ᭞ᬳᬶᬭᬶᬓᬳᬬᬩᬂ᭞ᬦᬸᬦᬲ᭄ᬓᬥᬶᬃᬕ᭄ᬖᬬᬸᬱᬦ᭄᭞ᬓᭂᬦᬶᬲᬫᬶᬮᬦᬸᬲ᭄ᬳᬸᬭᬶᬧ᭄᭞ᬳᬶᬢᬢᬦ᭄ᬤᬸᬭᬦ᭄᭞ᬲᬶᬤ᭄ᬥᬫᬳᭀᬮᬶᬳᭀ
ᬮᬶᬄ᭟᭜᭟ᬳᬶᬫᬦᬸᬱᬢᬍᬃᬲᬋᬂᬧᬢᬸᬢ᭄ᬗᬬᬩ᭄᭞ᬦᬸᬦᬲ᭄ᬧᬗᬮᬂᬳᬢᬶ᭞ᬓᬲ᭄ᬥ᭄ᬬᬦᬶᬂᬚ᭄ᬜᬦ᭞ᬓᭂᬦᬶᬲᬶᬥᬲᬶᬂᬲᬥ᭄ᬬ᭞ᬫᬦᬢᬩ᭄ᬲᬲᬬᬸᬢ᭄ᬳᬕ᭄ᬦᬶ᭞ᬫᬦᬸᬦ᭠
ᬲ᭄ᬢᬶᬃᬣ᭞ᬫᬲᬶᬲᬶᬕ᭄ᬫᬩᬺᬱᬶᬄ᭟᭜᭟ᬲᭀᬫᬧᬳᬶᬂᬯᬭᬶᬕᬤ᭄ᬬᬦ᭄ᬢᭀᬧᬬᭀᬕᬦ᭄᭞ᬪᬝᬵᬭᬩ᭄ᬭᬳ᭄ᬫᬵᬯ᭄ᬬᬓ᭄ᬢᬶ᭞ᬧᬢᬸᬢ᭄ᬳᬲ᭄ᬢᬯᬬᬂ᭞ᬤᬶᬧᬳᬶᬩᭀᬦ᭄ᬳᬃᬘ᭄ᬘᬡ᭞
[᭙ 9A]
ᬤᬶᬢᬸᬢᭀᬗᭀᬲ᭄ᬫᬗᬪᬓ᭄ᬢᬶ᭞ᬗᬢᬸᬭᬂᬘᬦᬂ᭞ᬫ᭄ᬯᬂᬲᭂᬓᬃᬯᬗᬶᬯᬗᬶ᭟᭜᭟ᬫᬧᬶᬦᬸᬦᬲ᭄ᬓᬲᬤ᭄ᬬᬦ᭄ᬤᬤᬶᬫᬦᬸᬱ᭞ᬳᬧᬦ᭄ᬳ᭄ᬬᬂᬩ᭄ᬭᬳ᭄ᬫᬵᬭᬶᬳᬶᬦ᭄᭞ᬗᬤᬬᬂᬫᬓᭂ
ᬚᬂ᭞ᬲᬮ᭄ᬯᬶᬃᬳᬶᬲᬶᬦᬶᬂᬚᬕᬢ᭄᭞ᬧᬵᬯᬦᬦ᭄ᬳᬶᬤᬢᬸᬦᬲᬶᬦ᭄᭞ᬫᬗ᭄ᬤᬜᬶᬤᬬᬂ᭞ᬢ᭄ᬯᬭᬚᬓᬸᬯᬂᬪᬸᬓ᭄ᬢᬶ᭟᭜᭟ᬯ᭄ᬭᬲ᭄ᬧᬢᬶᬯᬕᬾᬲᬸᬂᬲᬂᬳᭂᬦ᭄ᬢᭀᬓᭂᬢᬄ᭞ᬲᬸ
ᬕ᭄ᬬᬦ᭄ᬚᬯᬓᬳᬤᬦᬶᬦ᭄᭞ᬬᬦ᭄ᬢᭂᬕᭂᬲ᭄ᬭᬶᬂᬰᬵᬲ᭄ᬢ᭄ᬭ᭞ᬧᬲᬸᬘ᭄ᬬᬦᬶᬂ[strike]ᬧᬭᬳ᭄ᬬᬂ᭞ᬫᬳᬯᬦᬦ᭄ᬲᬋᬂᬲᬫᬶ᭞ᬧᬢᬸᬢ᭄ᬫᬢᭂᬮᬄᬢᭂᬮᬄ᭞ᬭᬶᬂᬲᬗ᭄ᬕᬃᬲᬫᬶ᭟᭜᭟ᬫᬓᬤᬶ
ᬜᬭᬶᬂᬓᬳ᭄ᬬᬂᬗᬦ᭄ᬧᬸᬭᬤᬾᬯ᭞ᬫᬤᬸᬮᬸᬭᬦ᭄ᬧᬋᬱᬶᬓ᭄᭞ᬢᬶᬃᬣᬧᬗᬺᬭᬢ᭞ᬤᬾᬦᬶᬂᬤᬶᬦᬧᬸᬦᬶᬓ᭞ᬧᬭᬪᬝᬵᬭᬗᬶᬳ᭄ᬬᬗᬶᬦ᭄᭞ᬓᬫᬥ᭄ᬬᬧᬤ᭞ᬤᬾᬯ
