[᭑ 1B]
᭑
᭛᭜᭛ᬅᬯᬶᬖ᭄ᬦᬫᬵᬲ᭄ᬢᬸ᭛᭜᭛ᬧᬸᬄᬤᬸᬃᬫ᭄ᬫ᭚ᬅᬦᬢᬸᬢᬸᬭᬦ᭄ᬲᬢ᭄ᬯᬳᬸᬭᬸᬚ᭄ᬯᬶᬂᬭᬚ᭄ᬬ᭞ᬕᬶᬢᬧᬢᬸᬮᬸᬂᬩ᭄ᬭᬦ᭄ᬢᬶ᭞ᬧᬶᬦᬸᬧᬸᬳᬦ᭄ᬤᬸᬃᬫ᭄ᬫᬵ᭞ᬳᬢᬶᬮᬶᬯᬢ᭄ᬭᬧᬜ᭄ᬘ᭞ᬪᬱᬦᬾᬫᬜ᭄ᬚᬯᬩᬮᬶ᭞ᬢᬦ᭄ᬯ᭄ᬭᬶᬂᬫᬓᬾᬭᬂ᭞ᬕᬶᬦᬸᬬᬸᬯᬦᬶᬂᬪᬸᬫᬶ᭟ᬓᬯᬃ
ᬡ᭄ᬦᬲᬂᬧᭂᬭᬪᬸᬚᬫ᭄ᬩᬾᬦᬵᬕᬭ᭞ᬮᬶᬯᬢ᭄ᬯᬶᬃᬬ᭄ᬬᬦ᭄ᬬᬦᬺᬧᬢᬶ᭞ᬳᬕᬸᬂᬧᬸᬦᬂᬩᬮ᭞ᬳᬗ᭄ᬳᬶᬂᬢᬦᬦᬧᬸᬢ᭄ᬭ᭞ᬲᬂᬧ᭄ᬭᬪᬹᬮᬗ᭄ᬓᬸᬂᬧ᭄ᬭᬶᬬᬢᬶᬦ᭄᭞ᬧᬭᬦ᭄ᬓᬲᬸᬓᬦ᭄᭞ᬲᬧᬓᬂᬳᬗ᭄ᬕᬦ᭄ᬢ᭄ᬬᬦᬶ᭟ᬤᬤᬶᬬᬲᬂᬦᬵᬣᬵᬢᬶᬗ᭄ᬕᬮ᭄ᬭᬚᬶᬬ᭞ᬮᬯᬵᬦ᭄ᬰ᭄ᬭᬷᬧ᭄ᬭᬫᬾᬲ᭄ᬯᬭᬶ
ᬳᬫᬗᬸᬦᬩ᭄ᬭᬢ᭞ᬢᬵᬧᬬᭀᬕᬕᬶᬦᭂᬮᬃ᭞ᬫᬮᬃᬳᬦᬲᬶᬳᬶᬂᬯᬶᬥᬶ᭞ᬳᬲᬸᬂᬅᬢ᭄ᬫᬚ᭞ᬲᬶᬭᬰ᭄ᬭᬷᬦᬭᬧᬢᬶ᭟ᬗ᭄ᬕ᭄ᬯᬦᬶᬭᬳᬢᬧᬭᬶᬂᬕᬶᬭᬶᬓᬿᬮᬰ᭞ᬢᬦ᭄ᬫᬭ᭄ᬬᬳᬗᬲ᭄ᬢᬶᬢᬶ᭞ᬪᬝᬭᬧᬸᬭᬸᬱ᭞ᬲᬶᬦᬶᬫ᭄ᬧᭂᬦᬶᬂᬳᬤ᭄ᬜᬦ᭞ᬍᬩᭀᬓ᭄ᬦᬾᬂ
ᬓᬸᬡ᭄ᬟᬶᬫᬡᬶᬓ᭄᭞ᬫᬓᬧᬢᬶᬃᬣᬦ᭞ᬦᬶᬭᬲᬂᬢᬵᬧᬓᬮᬶᬄ᭟ᬢᬦ᭄ᬓᬢᬫᬦ᭄ᬢᬫᬄᬲᬶᬥ᭄ᬬᬵᬫᬗᬸᬦ᭄ᬢᬵᬧ᭞ᬲᬵᬫ᭄ᬧᬸᬦ᭄ᬮᬸᬫ᭄ᬭᬳᬾᬂᬪᬹᬫᬶ᭞ᬲᬰᬓ᭄ᬢᬶᬦᬶᬂᬢᬵᬧ᭞ᬳᬦᬢᬲᬶᬱ᭄ᬬᬦᬶᬭ᭞ᬳᬦ᭄ᬤᬭᬸᬭᬵᬚ᭄ᬬᬦᬫᬾᬓᬶ᭞ᬓᬾᬦ᭄ᬤᬭᬸᬳᬶᬲ᭄ᬢ᭄ᬭ᭄ᬬ᭞ᬭ
[᭒ 2A]
ᬓ᭟ᬲᬢᬂᬓᬚᬢᬶᬦ᭄᭟ᬧᬶᬭᬂᬤᬶᬫᬦᬾᬳᬫᬗᬸᬦ᭄ᬢᬧ᭞ᬳᬦᬦᬸᬕ᭄ᬭᬳᬦᬶᬂᬯᬶᬥᬶ᭞ᬧᬓᬶᬂᬤᬾᬯᬮᬬ᭞ᬲᬶᬭᬰ᭄ᬭᬷᬧ᭄ᬭᬫᬾᬲ᭄ᬯᬃᬬ᭄ᬬ᭞ᬤᬤ᭄ᬬᬢᬲᬶᬭᬵᬗ᭄ᬕᬃᬤᬶᬦᬶ᭞ᬨᬮᬦᬶᬂᬢᬵᬧ᭞ᬲᬬᬦᬫᬾᬄᬰ᭄ᬭᬷᬪᬹᬧᬢᬶ᭟ᬢᬦ᭄ᬓᭀᬘᬧ᭄ᬮᬫᬦᬾᬲᬶᬭᬵᬗ᭄ᬕᬃᬤᬶᬦ᭄ᬬ
᭞ᬯᬢᬭᬲᬗᬂᬰᬰᬶᬄ᭞ᬫᬲᬦᬶᬂᬳᬸᬫᭂᬢ᭄ᬯ᭞ᬭᬃᬬ᭄ᬬᬭᬶᬂᬚ᭄ᬭᭀᬦᬶᬂᬕᬃᬪ᭞ᬯᭂᬓᬲᬦ᭄ᬲᬶᬭᬳᬸᬫᬶᬚᬶᬮ᭄᭞ᬓᬭᬭᬾ᭠ᬳᬶᬲ᭄ᬢ᭄ᬭ᭄ᬬ᭞ᬭᬹᬧᬦᬾᬳᬬᬸᬍᬯᬶᬄ᭟ᬤᬤ᭄ᬬᬲᬶᬦᬫ᭄ᬩᬸᬢ᭄ᬳᬢ᭄ᬫᬚᬳᬶᬗᭂᬫ᭄ᬩᬦᬦ᭄᭞ᬤᬾᬭᬰ᭄ᬭᬷᬧ᭄ᬭᬫᬶᬲ᭄ᬯᬭᬷ᭞ᬳᬤᬸᬄᬳᬦᬓᬶᬗ᭄ᬯᬂ᭞ᬫᭀᬕᬯᬾ᭠
ᬢᬕᭂᬲᬂ᭞ᬢᬸᬗ᭄ᬕᬸᬦ᭄ᬰ᭄ᬭᬷᬦᬭᬧᬢᬶ᭞ᬢᬶᬮᬃᬦᬵᬕᬭ᭞ᬢᬦ᭄ᬢᬺᬱ᭄ᬡᬳᬾᬂᬦᬵᬕᬭᬷ᭟ᬲᬩ᭄ᬭᬦ᭄ᬤᬶᬦᬳᬶᬦᬶᬗᬸᬦᬶᬭᬳᬢ᭄ᬫᬵᬚ᭞ᬮᬶᬯᬢᬶᬲᬶᬄᬰ᭄ᬭᬷᬪᬹᬧᬢᬶ᭞ᬲᬂᬮ᭄ᬯᬶᬃᬭᬢ᭄ᬦᬦᬶᬂᬭᬵᬢ᭄᭞ᬘᬬᬦᬾᬓᬤᬶᬕᬶᬮᬧ᭄᭞ᬲᬗᬧᬢ᭄ᬭᬭᬢ᭄ᬦᬕᬶᬭᬷ᭞ᬮ᭄ᬯᬶᬃᬧᬹᬃᬡ᭄ᬦᬘᬦ᭄ᬤ᭄ᬭ᭞ᬘᬬ
ᬦᬶᬭᬵᬦᭂᬍᬳᬶᬦ᭄᭟ᬰ᭄ᬭᬷᬦᬭᬾᬦ᭄ᬤ᭄ᬭᬳᬾᬗᭂᬤ᭄ᬲᬶᬭᬾᬂᬧᬦᬫᬬ᭞ᬧᬦ᭄ᬫᬲᬦᬶᬂᬳᬸᬫᬸᬮᬶᬄ᭞ᬫ᭄ᬯᬄᬰ᭄ᬭᬷᬧ᭄ᬭᬫᬶᬰ᭄ᬯᬃᬬ᭄ᬬ᭞ᬧᬶᬦᭂᬓᬸᬮ᭄ᬢᬂᬳᬢ᭄ᬫᬚ᭞ᬲᬳᬧᬘᬡᬵᬫ᭄ᬮᬤᬢᬶ᭞ᬦᬶᬦᬶᬫᬵᬲᬶᬗ᭄ᬯᬂ᭞ᬧᬓᬭᬶᬬᬫᬗ᭄ᬓᬾᬓᬶ᭟ᬳᬶᬗ᭄ᬲᬸᬦ᭄ᬓᬾᬲᬄᬓᬮᬯᬵᬦ᭄ᬲᬶᬭᬩᬸᬦᬶ
Kaca:Bali-lontar-gaguritan-suryawangsa-250ppi.pdf/2
Kaca puniki sampun kauji-wacén
