[᭔᭗ 47B]
᭔᭗
ᬦᬵᬕᬭᬢᬦᬄᬲᬮᬓᬦᬾᬓᬶᬳᬭᬃᬬ᭄ᬬᬦ᭄ᬭᬳᬤ᭄ᬬᬦ᭄ᬫᬗ᭄ᬓᬾᬳᬕᬸᬕᬸᬦᭂᬫᬦ᭄ᬓᬮᬯᬵᬦ᭄ᬰ᭄ᬭᬷᬦᬭᬧᬢᬶᬫᬦ᭄ᬢ᭄ᬭᬷᬮᬦ᭄ᬲᬢ᭄ᬭ᭄ᬬᬫᬓᬤᬶᬭᬓ᭄ᬭ᭄ᬬᬦ᭄ᬧᬢᬶᬄ᭟ᬳᬧ᭄ᬢᬶᬦᬶᬗ᭄ᬲᬸᬦ᭄ᬳᬗᬺᬫᭂᬓᬾᬂᬰ᭄ᬭᬷᬦᬭᬾᬦ᭄ᬤ᭄ᬭᬳᬗ᭄ᬳᬶᬂᬳᬬ᭄ᬯᬕᬶᬕᬶᬲᬶᬦ᭄ᬯᭀᬦ᭄ᬢᭂᬦ᭄
ᬧ᭄ᬭᬢᬶᬯᬶᬫ᭄ᬩᬦ᭄ᬬᬗᬸᬦᬶᬲᬂᬫᬾᬕᬦᬵᬤᬤᬸᬓᬫᬺᬧᬾᬇᬦ᭄ᬤ᭄ᬭᬮᬬᬶᬓᬧᬋᬧᭂᬓᬦ᭄ᬭᬶᬫ᭄ᬩᬶᬢ᭄ᬳᬓ᭄ᬯᬾᬄᬢᬶᬦᭀᬮᬶᬄ᭟ᬫᬗ᭄ᬓᬾᬲᬸᬫᬯᬸᬃᬧ᭄ᬭᬪᬹᬕᬚᬄᬧᬬᬲᬦ᭄ᬳᬢᬸᬢᬦ᭄ᬤᬶᬓᬢ᭄ᬯᬦ᭄ᬫᬦ᭄ᬢ᭄ᬭᬷᬳᬮᬳᬶᬂᬲᬂᬳ᭄ᬬᬂᬇᬦ᭄ᬤ᭄ᬭᬤᬾᬦᬶᬓᬂᬫᬾᬕᬦᬥᬯᭀᬦ᭄ᬢᭂᬦ᭄ᬫᬸ
ᬯᬄᬓᬂᬕᬶᬦᬸᬧᬶᬢ᭄ᬭᬶᬂᬓᬫᬦ᭄ᬤᬓᬧᬸᬦᬶᬓᬤᬾᬦ᭄ᬧᬶᬮᬶᬳᬶ᭟ᬓᬤ᭄ᬬᬗ᭄ᬕᬦᬶᬂᬫᭀᬂᬳᬦ᭄ᬤᭀᬦ᭄ᬗ᭄ᬕ᭄ᬯᬦᬶᬂᬳᬸᬯᬬᬫᬢᬶᬫᭀᬂᬢᬦ᭄ᬧᬫ᭄ᬬᬢᬶᬬᬾᬦᬸᬯᬬᬦ᭄ᬤᭀᬦᬫᬭᬳᬸᬫᬳᬶᬂᬯ᭄ᬬᬖ᭄ᬭᬳᬸᬯᬬᬗ᭄ᬫᬲᬶᬧᬢᬶᬢᬦ᭄ᬯ᭄ᬭᬶᬂᬪᬬᬦ᭄ᬬᬳᬧᬦ᭄ᬢᬦ᭄ᬯ᭄ᬭᬸ
ᬳᬶᬂᬤᬾᬰᬶ᭟ᬳᬧ᭄ᬢᬶᬦᬶᬂᬲᬸᬦ᭄ᬲᬶᬭᬳᬓᭀᬦᬚᬢᬶᬬᬭᬶᬂᬲᬶᬭᬰ᭄ᬭᬷᬪᬸᬧᬢᬶᬭᬶᬂᬢᬦᬄᬲᬮᬓᬥᬃᬫ᭄ᬫᬬᬸᬤ᭄ᬟᬕᬶᬦᭂᬕ᭄ᬯᬦ᭄ᬭᭀᬭᭀᬧᬮᬦᬾᬩᬶᬦᬸᬓ᭄ᬢᬶᬬᬾᬦᬫ᭄ᬦᬗᬧᭂᬚᬄᬲ᭄ᬯᬃᬕ᭄ᬕᬧᬶᬦᬗ᭄ᬕᬶᬄ᭟ᬭᬵᬤᬾᬦ᭄ᬫᬦ᭄ᬢ᭄ᬭᬷᬳᬭᬶᬲ᭄ᬤᬾᬦᬶᬭᬳᬗᬸᬘ
[᭔᭘ 48A]
ᬧ᭄ᬳᬢᬸᬢ᭄ᬳᬦ᭄ᬤᬶᬓᬦᬺᬧᬢᬶᬧᬸᬦ᭄ᬢᬫᬾᬭᬾᬦᬾᬬᬫᬗ᭄ᬓᬾᬫᬗ᭄ᬓᬢᬓᬓᬫᬢᬸᬭᬭᬶᬂᬰ᭄ᬭᬷᬪᬹᬧᬢᬶᬢᬦᬄᬲᬮᬓᬳᬶᬗ᭄ᬲᬸᬦᬫᬺᬧᬶᬂᬩᬾᬜ᭄ᬚᬶᬂ᭟ᬧᬭᬦ᭄ᬓᬃᬱᬵᬳᬦ᭄ᬦᬶᬭᬰ᭄ᬭᬷᬦᬭᬦᬵᬣᬓᬶᬧᬸᬦ᭄ᬢᬫᬗ᭄ᬓᬢᬕ᭄ᬮᬶᬲ᭄ᬢᬦ᭄ᬓᬯᬃᬡ᭄ᬦᬾᬂᬫᬵᬃᬕ᭄ᬕᬧ᭄ᬭᬵᬧ᭄ᬢᬶᬂᬢ
ᬦᬄᬲᬮᬓᬚᬸᬫᬸᬚᬸᬕ᭄ᬫᬭᬾᬂᬲᬶᬢᬶᬗ᭄ᬕᬶᬮ᭄ᬦ᭄ᬤᬦ᭄ᬰ᭄ᬭᬷᬦᬭᬾᬦ᭄ᬤ᭄ᬭᬲ᭄ᬤᭂᬗᬶᬭᬢᬶᬦᬗ᭄ᬓᬶᬮ᭄᭟ᬭᬶᬂᬧᬗᬲ᭄ᬢ᭄ᬭ᭄ᬬᬦ᭄ᬧᭂᬧᭂᬓ᭄ᬧᬭᬢᬡ᭄ᬟᬭᬓ᭄ᬭ᭄ᬬᬦ᭄ᬮᬦ᭄ᬚᬸᬭᬸᬳᬤᬶᬫᬦ᭄ᬢ᭄ᬭᬷᬫᬓᬤᬶᬲᬂᬤ᭄ᬯᬶᬚᬓᬕᬾᬢ᭄ᬧ᭄ᬭᬧ᭄ᬢᬓᬶᬧᬸᬦ᭄ᬢᬫᬋᬓᬾᬂᬰ᭄ᬭᬷᬦᬭᬧᬢᬶᬲᬳᬵᬢᬸᬃᬲᭂᬫ᭄ᬩᬄ
ᬳᬶᬗᬸᬢᬸᬲ᭄ᬧᬝᬶᬓᬚᬶ᭟ᬤᬾᬦᬾᬭᬦᬓ᭄ᬧᬤᬸᬓᬰ᭄ᬭᬷᬧ᭄ᬭᬫᬾᬲ᭄ᬯᬭᬗᬶᬦᬾᬦ᭄ᬧᬝᬶᬓ᭄ᬦᬺᬧᬢᬶᬳᬃᬱᬵᬦᬶᬭᬭᬳᬤ᭄ᬬᬦ᭄ᬬᬦ᭄ᬓᬭᬶᬦᬶᬭᬶᬂᬩᬾᬜ᭄ᬚᬂᬳᬗᬫᬸᬓᬾᬂᬰ᭄ᬭᬷᬪᬹᬧᬢᬶᬫᬵᬃᬫ᭄ᬫᬦᬾᬫᬗ᭄ᬓᬲᬂᬧ᭄ᬭᬪᬸᬮᬮ᭄ᬬᬾᬂᬚᬜ᭄ᬚᬶ᭟ᬭᬵ
ᬤᬾᬦ᭄ᬤᬾᬯᬷᬧᬶᬦᬘᬂᬧᬘᬂᬤᬾᬦᬶᬭᬓᬮᬯᬦ᭄ᬭᬵᬤᬾᬦ᭄ᬢ᭄ᬭᬶᬭᬶᬂᬯᬤᬸᬦᬵᬕᬭᬫᬭᬦ᭄ᬓᬃᬤ᭄ᬟᬶᬲᬂᬦᬵᬣᬢᭂᬓᬳᬗᬸᬯᬳᬶᬂᬩᬸᬥᬶᬦᭀᬭᬕᬶᬦᭂᬕ᭄ᬯᬦ᭄ᬲᬲᬦᬦᬶᬂᬦᬺᬧᬢᬶ᭟ᬓᬗ᭄ᬕᭂᬓ᭄ᬲᬂᬦᬵᬣᬓᬧᭂᬕᬦᬭᬶᬂᬘᬶᬢ᭄ᬢᬲᬸᬯᬾᬲᬶᬭᬢᬦ᭄ᬧᬗ᭄ᬮᬶᬂ
Kaca:Bali-lontar-gaguritan-suryawangsa-250ppi.pdf/48
Kaca puniki sampun kauji-wacén