[᭔ 4B]
᭔
ᬭ᭄ᬯᬲᬸᬫᬯᬸᬃᬳᬭᬶᬲ᭄᭞ᬓᬯᬸᬮᬳᬶᬓᬶᬲᬂᬓᬝᭀᬂ᭞ᬓᬾᬦ᭄ᬳᬦ᭄ᬭᬭ᭄ᬯᬳᬭᬦ᭄ᬫᬫᬶ᭞ᬳᬦᬮᬓᬶᬫᬫᬶ᭞ᬳ᭄ᬤᬭᬸᬭᬵᬚᬦᬫᬾᬓᬸ᭞ᬮᬸᬗ᭄ᬳᬵᬗᬸᬮᬢᬶᬩᬸᬭᭀᬦ᭄ᬲᬸᬫᬳᬸᬃᬰ᭄ᬭᬷᬦᬭᬧᬢᬶ᭞ᬓᬾᬦ᭄ᬳᬦᬦ᭄ᬤᬭᬸ᭞ᬓᬶᬢᬳᬤᬺᬯᬾᬳᬳᬦᬓ᭄᭟ᬯᭀ᭠
ᬦ᭄ᬢᭂᬦ᭄ᬳᬢ᭄ᬫᬚᬦᬶᬗ᭄ᬯᬂ᭞ᬲᬯᬶᬚᬶᬳᬶᬓᬭᬓ᭄ᬱᬲᬶ᭞ᬲᬂᬦᬵᬣᬭᬸᬫᬱᬾᬂᬧᬦᭀᬦ᭄᭞ᬫᬭᬹᬧᬢᬦᬫᬶᬲᬶᬗ᭄ᬕᬶᬄ᭞ᬳᬶᬗᭂᬦ᭄ᬤᬶᬓᬂᬓ᭄ᬱᬲᬶ᭞ᬳᬤ᭄ᬯᬾᬳᬦᬓ᭄ᬮᬶᬲ᭄ᬢ᭄ᬯᬬᬸ᭞ᬮ᭄ᬯᬶᬃᬬᬂᬳ᭄ᬬᬂᬗᬶᬂᬓᬮᬗᭀᬦ᭄᭞ᬯ᭄ᬓᬲᬦ᭄ᬲᬶᬭᬳᬗ᭄ᬮᬶᬂᬓᬾᬦ᭄ᬳᬦ᭄ᬤᬭ᭄ᬯᬶᬸᬭᬸ᭞ᬲᬸ
ᬦ᭄ᬚᬮᬸᬓᬾᬳᬦᬓᬶᬭ᭟ᬓᬾᬦ᭄ᬤᬭ᭄ᬯᬚᭂᬗᭂᬃᬳᬗᬸᬘᬧ᭄᭞ᬧᬸᬦᬧᬓᬃᬱᬵᬦ᭄ᬦᬺᬧᬢᬶ᭞ᬬᬾᬦ᭄ᬳᬱ᭄ᬢᬶᬳᬾᬂᬗᬦᬓᬶᬜᬂ᭞ᬫᬗ᭄ᬤᬾᬭᬸᬕᬦᬶᬂᬦᬵᬕᬭᬶ᭞ᬢᬦ᭄ᬬᭀᬕ᭄ᬬᬓᬂᬭᬓ᭄ᬱᬲᬶ᭞ᬩᬶᬦᭀᬬᭀᬂᬤᬾᬭᬲᬂᬧ᭄ᬭᬪᬸ᭞ᬢᬦ᭄ᬯᬸᬦ᭄ᬩ᭄ᬭᬱ᭄ᬝᬲᬂᬓᬢᭀᬂ᭞ᬲᬂᬧ᭄ᬭ
ᬪᬸᬲ᭄ᬫᬸᬲ᭄ᬫᬶᬢᬳᬗ᭄ᬮᬶᬂ᭞ᬓᬾᬦ᭄ᬳᬦ᭄ᬤᬭᬸ᭞ᬲᬵᬫ᭄ᬧᬸᬦ᭄ᬓᬤᬤᬯᬦ᭄ᬳᬸᬚᬃ᭟ᬫᬸᬮᬸᬲᬶᬄᬢᬓᬾᬦ᭄ᬳᬦ᭄ᬤᬭ᭄ᬯ᭞ᬳᬸᬫᬸᬧᬸᬯᭀᬂᬓᬯ᭄ᬮᬲᬲᬶᬄ᭞ᬬᬾᬦ᭄ᬢᬦᬯᬲᬧᬢᭂᬫᭀᬦ᭄᭞ᬳᬢ᭄ᬫᬳᬦ᭄ᬢᬦ᭄ᬯ᭄ᬭᬶᬂᬧᬢᬶ᭞ᬓᬾᬦ᭄ᬳᬦ᭄ᬤᬭ᭄ᬯᬳᬦᬯᬸᬭᬶᬦ᭄᭞ᬤᬸᬄᬤᬾᬯᬰ᭄ᬭᬷᬫᬳᬵᬧ᭄ᬭᬪᬸ᭞
[᭕ 5A]
ᬳᬲᬸᬂᬧᬝᬶᬓ᭄ᬲᬂᬓᬢᭀᬂ᭞ᬳᬗᬶᬂᬯᭀᬦ᭄ᬢᭂᬦ᭄ᬢᬓᬂᬚᬗ᭄ᬚᬶ᭞ᬳᬦᬓᬶᬗ᭄ᬲᬸᬦ᭄᭞ᬬᬾᬦ᭄ᬲᬶᬭᬳᬤᬺᬯᬾᬧᬸᬢ᭄ᬭ᭟ᬳᬗᭂᬦ᭄ᬢ᭄ᬬᬦᬶᬰ᭄ᬭᬷᬦᬭᬾᬦ᭄ᬤ᭄ᬭ᭞ᬤᬤᬶᬭᬢᬸᬜᬓ᭄ᬭᬯᬂᬢ᭄ᬢᬶ᭞ᬬᬾᬦᬬᬸᬦ᭄ᬫᬗ᭄ᬓ᭄ᬬᬲᬂᬓᬝᭀᬂ᭞ᬳᬚᬦᬗᭀᬯᬳᬶᬂᬚᬜ᭄ᬚᬶ᭞ᬲᬂᬦᬵᬣ
ᬕᬃᬚ᭄ᬚᬶᬢᬗ᭄ᬮᬶᬂ᭞ᬪᬕᬾᬬᬓᬶᬢᬓᬾᬦ᭄ᬤᬭᬸ᭞ᬭᬶᬓᬧᬦᬲᬂᬓᬝᭀᬂ᭞ᬳᬋᬧᬗᬸᬧᬳᬶᬂᬚᬜ᭄ᬚᬶ᭞ᬳᬦᬾᬂᬧᬗ᭄ᬓᬸᬃ᭞ᬢᬶᬦᭂᬫ᭄ᬩᬗᬦ᭄ᬥᬂᬥᬂᬕᬸᬮ᭛᭜᭛ᬓᬾᬦ᭄ᬳᬦ᭄ᬤᬭ᭄ᬯᬩᬸᬗᬳᬾᬢᬦ᭄ᬲᬶᬧᬶ᭞ᬳᬗᬺᬗᬸᬧ᭞ᬦ᭄ᬤᬶᬓᬦ᭄ᬰ᭄ᬭᬷᬦᬭᬦᬵᬣ᭞
ᬳᬰ᭄ᬭᬸᬩᬗᬺᬢ᭄ᬲᬭᬶᬭᬦᬾ᭞ᬓᬾᬦ᭄ᬤᬭ᭄ᬯᬳᬮᭀᬦ᭄ᬫᬵᬢᬸᬃ᭞ᬫᬭᬶᬂᬲᬶᬭᬤ᭄ᬬᬄᬭᬢ᭄ᬦᬕᬶᬭᬶ᭞ᬲᬦ᭄ᬤᬶᬓᬦ᭄ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬢᬶᬦᬢᬧᬦ᭄ᬲᬵᬫ᭄ᬧᬸᬦ᭄᭞ᬢᬦ᭄ᬲᬶᬫ᭄ᬧᬂᬢᬸᬤᬸᬄᬲᬂᬫᭀᬓ᭄ᬢᬄ᭞ᬭᬢ᭄ᬦᬕᬶᬭᬷ᭞ᬤᬤ᭄ᬬᬲᬶᬭᬫᬫᬶᬲᬶᬗ᭄ᬕᬶᬄ᭞ᬲᬯᬸᬚᬭᬾ
ᬓᬾᬦ᭄ᬤᬭ᭄ᬯ᭟ᬯᭂᬗ᭄ᬬᬳᬤᬦ᭄ᬫᬗ᭄ᬓᬾᬰ᭄ᬭᬷᬪᬸᬧᬢᬶ᭞ᬳᬓᬫ᭄ᬧᬸᬳ᭞ᬋᬓᬾᬧ᭄ᬮᬗᬶᬲᬸᬢ᭄ᬭ᭞ᬳᬲᭂᬓᬃᬤᬤᬸᬩᬗᬶᬂᬮᬫ᭄ᬩᬾ᭞ᬮᬸᬫᬓ᭄ᬯᬢᬦᬲᬦ᭄ᬢᬸᬦ᭄᭞ᬯᬸᬲᬧᬗ᭄ᬕᬶᬄᬤ᭄ᬬᬄᬭᬢ᭄ᬦᬕᬶᬭᬶ᭞ᬤᬾᬦᬶᬭᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬲᬭᬾᬬᬜ᭄ᬚᬸᬂᬚᬸᬂᬲᬵᬫ᭄ᬧᬸᬦ᭄
Kaca:Bali-lontar-gaguritan-suryawangsa-250ppi.pdf/5
Kaca puniki sampun kauji-wacén
