[᭑᭐ 10B]
᭑᭐
ᬢᬸᬫᬸᬮᬶᬄᬓ᭄ᬜᬶᬂᬲᬵᬃᬯ᭄ᬯᬶᬫᬦᭀᬮᬶᬄᬫᬲᬶᬭᬫ᭄ᬚ᭄ᬯᬕᬸᬲ᭄ᬢᬶᬫᬲ᭄ᬫᬶᬭᬄᬢ᭄ᬬᬂᬮ᭄ᬯᬲ᭄ᬗᬮᬧ᭄ᬲᬦ᭄ᬢᬸᬦ᭄ᬭᬭᬶᬲᬫᬗᬳᬸᬳᬂᬫᬗᬮᬧ᭄ᬦᬕ᭄ᬕᬵᬲᬭᬶᬫᬶᬲᬦᬾᬫᬾᬲᭂᬫ᭄ᬳᬗᬸᬘᬧ᭄ᬢᬸᬳᬸᬲᬶᬂᬳᬩᭂᬢᬗᬵᬢ᭄ᬯᬄᬩᬕᬸᬲ᭄᭞ᬳᬶ
ᬢᬸᬜ᭄ᬚᬸᬂᬩᬶᬭᬸᬲ᭄ᬫᬸᬓ᭄ᬜᬶᬂᬓᬸᬤ᭄ᬬᬂᬲᬾᬳᬶᬯᬵᬃᬕ᭄ᬕᬲᬦ᭄ᬢᬸᬦ᭄ᬧᬗᬯᬓᬦ᭄ᬓᬸᬫ᭄ᬩᬂᬫᬫᬸᬚᬶᬫᬦᬶᬲ᭄ᬦᬶᬂᬕᭂᬡ᭄ᬟᬶᬲ᭄᭠ᬧᬤᬓ᭄ᬜᬸᬂᬭᬭᬶᬲ᭄ᬫᬲᬶᬭᬫ᭄ᬳᬶᬢᬸᬜ᭄ᬚᬸᬂᬩᬶᬭᬸᬫᬓᬶᬤᬸᬂᬚᬕᬵᬤᬫᬶᬲ᭄ᬯᬭᬵᬫᬦᬶᬲ᭄ᬩᬸᬓᬵᬫᬢᬸᬭᬸᬄᬚᬸᬭᬸᬄ᭟ᬩᬸᬓᬵ
ᬧᬶᬢᬸᬤᬸᬳᬶᬂᬯᬶᬤ᭄ᬟᬶᬲᬗᬋᬗᬦ᭄ᬳᬲᬦᬾᬫ᭄ᬯᬦᬶᬭᬯᬸᬄᬗᬩᬲᬵᬃᬯ᭄ᬯᬲᬦ᭄ᬢᬸᬦ᭄ᬫᬾᬲᭂᬫᬦᭀ᭠ᬮᬶᬄᬫᬸᬜᬶᬦᬾᬩᬸᬓᬵᬫᬠᬹᬤ᭄ᬭᬯᬵᬤᬸᬄᬢᬸᬳᬸᬓᬢᭀᬦ᭄ᬬᬾᬄᬮᬸᬳᬸᬂᬫᬦ᭄ᬮᬳᬂᬭᬕ᭄ᬕᬵᬓᬢᭀᬦᬢᬶᬢ᭄ᬬᬂᬕ
ᬤᬶᬂᬧᬫᬸᬮᬸᬦ᭄ᬕᬸᬲ᭄ᬢᬶᬦᬾᬫᬶᬭᬄᬩᬬᬵᬦᬾᬢᬶᬃᬢ᭄ᬢᬵᬓᬫᬵᬦ᭄ᬟᬮᬸ᭞ᬫᬲᬳᬸᬃᬓ᭄ᬜᬸᬂᬦᬾᬳᬶᬲ᭄ᬢ᭄ᬭᬶᬲᬵᬃᬯ᭄ᬯᬶᬜᬸᬗ᭄ᬕᬃᬜᬸᬗ᭄ᬕᬃᬭᭀᬫᬦᬾᬕᭂᬫ᭄ᬧᬸᬓ᭄ᬫᬲᬯᬂᬳᬫ᭄ᬩᬸᬩᬸᬦᬾᬦᬾᬫᬗ᭄ᬫᬸᬭᬶᬭᬶᬲ᭄ᬚᬭᬶᬚᬶᬦᬾᬭᬸᬭᬸᬲ᭄ᬫᬗᬜ᭄ᬘᬦ᭄
[᭑᭑ 11A]
ᬧᬤᬦᬦᬾᬫ᭄ᬮᭀᬩ᭄ᬮᬸᬫ᭄ᬮᬸᬫ᭄ᬫᬵᬫ᭄ᬩᬸᬮᬦ᭄ᬧᬹᬃᬡ᭄ᬦᬫᬵᬳᬮᬶᬲᬾᬯᬶᬮᬶᬲ᭄ᬮᬸᬜ᭄ᬘᬶᬧ᭄ᬩᬸᬓᬵᬩᬸᬮᬦ᭄ᬢᬗ᭄ᬕᬮ᭄ᬳᬧᬶᬲᬦ᭄ᬧᬦᬶᬗ᭄ᬳᬮᬦᬾᬲᬤ᭄ᬟᬵᬩᬮᬸᬢ᭄᭟ᬍᬯᬶᬄᬫᬦᬶᬲ᭄ᬦᬶᬂᬮᬝᬶᬩᬸᬓᬵᬗ᭄ᬮᬸᬫᬥᬸᬚᬸᬭᬸᬄᬳᬸᬦ᭄ᬢᬸᬦᬾᬮ᭄ᬯᬶᬃᬕᬶᬯᬂᬓ
ᬢᭀᬦ᭄ᬭᬯᬶᬢ᭄ᬧᬓᬭᬶᬡᬶᬂᬕᬶᬲᬶᬕᬶᬲᬶᬦᬾᬗᭂᬫ᭄ᬩᬂᬭᬶᬚᬱᬵᬩᬳᬸᬫᬗᬶᬦᬂᬧᬶᬂᬢ᭄ᬮᬸᬩᬳᬸᬦᬾᬫᬦᬭᬚᬸᬫᬲ᭄ᬕᬸᬮᬸᬦᬾᬫᬾᬗ᭄ᬕᭀᬓᬦ᭄ᬕᬥᬹᬂ᭞ᬧᬫᬸᬮᬸᬍᬫ᭄ᬧᬸᬂᬓᬸᬦᬶᬂᬕᬤᬶᬂᬭᬕᬦᬾᬳᬮᬸᬗ᭄ᬕᬂᬲᬸᬲᬸᬦᬾᬜᬗ᭄ᬓᬶᬄᬜ
ᬮᬂᬩᬸᬓᬵᬜᬸᬄᬕᬥᬶᬂᬫᬧᬮᬶᬄᬩᬜ᭄ᬘᬗᬾᬭᬫ᭄ᬧᬶᬂᬫᬜᬸᬭᬶᬢᬢᬗᬦᬾᬫᭂᬦ᭄ᬟᬧᬵᬮᬬᬸᬩ᭄ᬢᭂᬓ᭄ᬩᬢᬶᬲᬾᬫᬫᬸᬤᬓ᭄ᬘᬶᬦᬕᬵᬧᬧᬸᬦᬾᬍᬫ᭄ᬧᬸᬗ᭄᭟ᬲᬶᬜ᭄ᬚᬂᬕᬭᬶᬗ᭄ᬲᬶᬂᬭᬶᬗ᭄ᬕᬶᬢ᭄ᬫᬓᬫ᭄ᬩᭂᬦ᭄ᬘᭂᬧᬸᬓ᭄ᬫᬥᬸᬫᬩᭂᬮᬸᬩᬸᬃᬩᭂᬤ᭄ᬩᭂᬤᬶ
ᬜᬧ᭄ᬮᬸᬂᬫᬱᬵᬮᬾᬦ᭄ᬟᬂᬲᬶᬕᬃᬫᬗ᭄ᬲᬶᬫᬲᭂᬗ᭄ᬓᬸᬳᬸᬩ᭄ᬲᬸᬢᬺᬚᬶᬗ᭄ᬕᬵᬧᬭᬤᬦᬾᬓᬢᭀᬦ᭄ᬫᬸᬭᬸᬩ᭄ᬫᬩᬸᬗ᭄ᬳᬵᬘᭂᬫ᭄ᬧᬓᬵᬲᬸᬲᬸᬦ᭄ᬯᬶᬦᬮᬢ᭄ᬘᬸᬭᬶᬕᬵᬫᬲᬸᬩᭂᬂᬫᬵᬲ᭄ᬫᬘ᭄ᬭᬂᬘᬂᬕ᭄ᬮᬗᬾᬢᬢᬄᬚᬕᬲᬢ᭄ᬭᬸ᭠ᬳᬮᬶᬳᬮᬶ
Kaca:Bali-lontar-gaguritan-tunjung-biru-300ppi.pdf/11
Kaca puniki sampun kauji-wacén
