[᭑᭓ 13B]
᭑᭓
ᬢᬦ᭄ᬮ᭄ᬬᬦᬾᬫᬗ᭄ᬕᬯᬾᬩ᭄ᬭᬗ᭄ᬢᬶᬫᬗᬸᬬᬗᬂᬦᬶᬤᬾᬯᬶᬲᬸᬧ᭄ᬭᬪᬵᬧᬲᬫᭀᬦᬶᬂᬮᬸᬮᬸᬢ᭄ᬢᬫ᭄ᬩᬸᬦᬦ᭄ᬫᭀᬦ᭄ᬢᭀᬓ᭄ᬧᬫ᭄ᬩᬸᬩᬸᬕᬦ᭄ᬲᬵᬃᬯ᭄ᬯᬕᬸᬮᬵᬧᬗᬦ᭄ᬢᬸᬗᬦ᭄ᬫᬥᬸᬚᬸᬭᬸᬄᬧᬗᬮᬧᬦ᭄ᬘᬶᬢᬧᬫᬸᬧᬸᬮᬦᬶᬂᬍᬯᬶᬄᬧᬗᭀ
ᬜᬗᬦ᭄ᬩᬗ᭄ᬓᬶᬢ᭄ᬲᬬᬂᬫᬸᬮᬸᬓ᭄ᬭᬯᬶᬢ᭄ᬳᬬᬸᬦᬶᬂᬮᬸᬳᬸᬂ᭟ᬫᬓᬾᬘᬦ᭄ᬓᬾᬘᬦ᭄ᬤᬶᬚᬮᬦ᭄ᬢᬦ᭄ᬲᬄᬫᬧᭂᬧᭂᬦ᭄ᬘᬮᬦ᭄ᬫᬗ᭄ᬕᬯᬾᬳᬢᬶᬫᬾᬦ᭄ᬤ᭄ᬭᬵᬲᬬᬦ᭄ᬚᭀᬄᬮᬫ᭄ᬧᬳᬾᬚᬦᬶᬫᬫᭂᬗ᭄ᬕᭂᬮ᭄ᬩᬸᬓᬶᬢ᭄ᬫᬫᭂᬗ᭄ᬕᬳᬂᬳᬸᬘᬧᭂᬦ᭄ᬢ᭄ᬓᭂᬤᬶᬤᬸᬳᬸᬃᬓᬮ
ᬗᭂᬦᬾᬚᬦᬶᬢᬶᬗ᭄ᬕᬃᬩᬸᬗᬦᬾᬫᬭᬸᬫ᭄ᬧ᭄ᬬᬸᬓ᭄ᬭᬸᬫ᭄ᬧ᭄ᬬᬸᬓ᭄᭞ᬫᬗᬸᬗ᭄ᬓᬢᭀᬦ᭄ᬓᬗᬶᬦ᭄ᬓᬮᬗᭂᬦᬾᬫᬧᬸᬧᬸᬮ᭄ᬩᬸᬗᬦᬾᬚᬚᬃᬚᬚᬃᬫᬜᬦ᭄ᬤᬶᬗ᭄ᬓᬲᬦ᭄ᬤᬶᬂᬦᬾᬓᬸᬦᬶᬂᬓᬢᭀᬩᬸᬗᬳᬦᭂᬫᬲ᭄ᬢ᭄ᬮᭂᬗᬾᬳᬯᭀ
ᬭᬶᬦ᭄ᬕᬥᬸᬂᬫᬮᬶᬮᬶᬢ᭄ᬤᬶᬓᬬᬸᬲᬡ᭄ᬦᬵᬧᬾᬢᬸᬦᬾᬦ᭄ᬕᬓ᭄ᬤᬶᬤᬸᬳᬸᬃ᭟ᬫᬕᬬᬸᬂᬕᬬᬸᬗᬦ᭄ᬜᬸᬮᬶᬗ᭄ᬮᬶᬂᬗᬳᬶᬮᬶᬫᬜᭂᬗ᭄ᬕᬶᬰᬶᬤᭀᬦ᭄ᬓᬬᬸᬓᬢᭀᬦ᭄ᬩᬸᬓᬤᬸᬓᬸᬄᬩᭀᬚᭀᬕᬾᬫᬚᭀᬗ᭄ᬓᭀᬓ᭄ᬫᬳᬶᬭᬶᬩ᭄ᬫ
[᭑᭔ 14A]
ᬦᬸᬦᬲ᭄ᬢᭀᬬᬵᬲ᭄ᬩᬸᬦ᭄ᬓᭂᬤᬶᬲᬾᬤᬶᬤᬸᬳᬸᬃᬫᬳᬶᬭᬶᬩ᭄ᬲ᭄ᬯᬫ᭄ᬩᬵᬫᬫᬹᬚᬵᬢᬫ᭄ᬩᬸᬮᬶᬮᬶᬗᬦ᭄ᬫᬓᭂᬢᬶᬲ᭄ᬢᭀᬬᬩᬳᬦ᭄ᬤᬫᬸᬄᬫᬕᭂᬡ᭄ᬝᬵᬩᬮᬂᬳᬸᬫᬸᬂ᭞ᬲᬬᬦ᭄ᬫᬦᭂᬫ᭄ᬦᬂᬳᬢᬶᬓ᭄ᬤᬶᬲᬾᬳᬸᬫᬸᬂᬫᬗᬸᬗ᭄ᬲᬶᬩ᭄ᬯᬄᬓᬬᬸᬓᬸ
ᬓᬹᬃᬭᬾᬫᬗᬸᬓᬸᬃᬤᬶᬓᬬᬸᬦᬾᬳᬸᬫᭀᬃᬢᬫ᭄ᬩᬸᬗᬶᬦ᭄ᬓᭂᬤᬶᬲ᭄ᬢᬶᬢᬶᬭᬦ᭄ᬩᬸᬓᬵᬳᬶᬲ᭄ᬢ᭄ᬭᬶᬗᬫᭂᬃᬓᬓᬸᬂᬗᬚᬓᬶᬦ᭄ᬫᬚᬮᬦ᭄ᬫᬓ᭄ᬩᬸᬃᬩᬋᬂᬗᬗᬶᬦᬂᬘᬸᬮᬶᬓ᭄ᬘᬸᬮᬶᬓᬾᬫᬓᬭᭀᬦ᭄ᬤᬶᬕᬕᬦᬾᬦᬾᬩᬳᬸᬢᬚᬸᬓ᭄᭟᭠
ᬓᬬᬸᬢᬗᬶᬦᬾᬫᬲᬦ᭄ᬟᬶᬂᬮᬦ᭄ᬓᬢ᭄ᬭᬗᬦ᭄ᬧᬤᬫᬦ᭄ᬠᭂᬂᬲᬦ᭄ᬢᬸᬦ᭄ᬮᬸᬮᬸᬫᬜᬦ᭄ᬤᬶᬂᬭᬯᬶᬢ᭄ᬧᬓ᭄ᬭᬶᬡᬶᬂᬲᬗ᭄ᬲ᭄ᬬᬳᬾᬫᬲ᭄ᬩᬸᬦ᭄ᬤᬶᬧᬸᬥᬓ᭄ᬫᬓᬸᬮ᭄ᬬᬩ᭄ᬓᬢᭀᬦ᭄ᬧᬸᬲᬸᬂᬓ᭄ᬟᬶᬲᬾᬫᬗᬚᬂᬲ᭄ᬡᬸᬦ᭄ᬳᬸᬮᬢ᭄ᬫᬬᬲᬶᬦ᭄ᬲᬶ
ᬫ᭄ᬩᬭᬾᬗ᭄ᬮᬦ᭄ᬢᬶᬂᬕᬤᬂᬮᬸᬮᬸᬳᬢᬾᬦ᭄ᬳᬢᬾᬦ᭄ᬫᬍᬘᬸᬢ᭄᭞ᬮᬸᬫᬸᬢᬾᬤᬶᬘᬭᬂᬯᬶᬮᬲ᭄ᬮ᭄ᬯᬶᬃᬲ᭄ᬫᬶᬳᬗᬶᬦᬾᬗᬫ᭄ᬧᭂᬳᬂᬮᬸᬳᬸᬂᬩᬸᬗ᭄ᬳᬦᬾᬮ᭄ᬯᬶᬃᬲᬸᬲᬸᬧ᭄ᬳᭂᬩᭀᬦᬾᬫᬶᬳᬶᬓ᭄ᬱᬸᬫᬶᬭᬶᬢ᭄ᬫᬲᬯᬂᬧᬕᬦ᭄ᬟᬦ᭄ᬓᭀ
Kaca:Bali-lontar-gaguritan-tunjung-biru-300ppi.pdf/14
Kaca puniki sampun kauji-wacén
