[᭑᭘ 18B]
᭑᭘
ᬫᬓᬸᬮᬸᬗᬦ᭄ᬲ᭄ᬬᬸᬗᬾᬲ᭄ᬫᬸᬢᬾᬤᬶᬩ᭄ᬯᬄᬓ᭄ᬧᬄᬳᬜ᭄ᬮᭂᬗᬶᬸᬫ᭄ᬗᭂᬮᬦ᭄ᬢᬶᬂᬫᬳᬶᬭᬶᬩ᭄ᬓᬓᭂᬭᬦᬾᬮᬯᬦ᭄ᬗᭂᬫ᭄ᬧᬸᬕ᭄ᬩᬢᬸᬦ᭄ᬜᬦᬾᬤᬥᬸᬧᬲᬯᬂᬫᬫ᭄ᬟᬶᬍᬫᬄᬫᬦᬸᬦ᭄ᬥᬸᬦ᭄ᬫᬗ᭄ᬕᬯᬾᬮᬶᬜᬸᬤ᭄᭟ᬩᬮᬢᬸᬓᬾᬫᬫᭂᬢᬸᬓᬶᬦ᭄ᬓᬬᬸᬭᬕᬲ᭄ᬧᬧᬶᬦᭂ
ᬗᬦᬾᬳᬸᬫᬸᬂᬦᬶᬢᬶᬃᬫᬦᬶᬢᬶᬃᬩᬦ᭄ᬳᬗᬶᬦᬾᬳᬭᬶᬲ᭄ᬩᬸᬗ᭄ᬓᬓᬾᬫᬬᬂᬧᬸᬜᬜᭂᬗᬸᬗ᭄ᬓᬸᬮᬶᬦ᭄ᬓᭂᬧᬳᬾᬳᬕᬸᬂᬕ᭄ᬢᬶᬳᬾᬲᬸᬫᬶᬭᬢ᭄ᬳᬧᬦ᭄ᬳᬶᬘᬗᬾᬓ᭄ᬓᭀᬓᭀᬦ᭄ᬫᬫᬗ᭄ᬲᬶᬂᬮᬶᬦ᭄ᬤᬸᬂᬓᬢᬓ᭄ᬲ᭄ᬮᬓᬸᬦᬶᬳᭀ
ᬳᭀᬳᭀᬗᬾᬢᬸᬫ᭄ᬩᬸᬄ᭞ᬢᬭᬸᬡᬦᬾᬲ᭄ᬫᬸᬓ᭄ᬜᬶᬂᬲᬯᬂᬭᬕᬦ᭄ᬓᬮᬗᭂᬦᬾᬫᬦᬸᬦ᭄ᬟᬸᬦ᭄ᬤᬸᬄᬮᬶᬯᬢᬶᬂᬮᬸᬳᬸᬂᬭᬲᬜᭂᬫᬦ᭄ᬟᬸᬤᬸᬢ᭄ᬳᬢᬶᬫᬾᬲᭂᬫ᭄ᬦᬾᬩᬗ᭄ᬩᬗ᭄ᬳᬯᬓ᭄ᬩᬦᬾᬧᬸᬢᬶᬄᬧᬸᬢᬶᬄᬮᬸᬫ᭄ᬮᬸᬫ᭄ᬫᬵᬃᬕ᭄ᬕᬶ
ᬓᬾᬭᬭᬶᬲᬂᬲᬫ᭄ᬩᬶᬮ᭄ᬫᬫᬵᬃᬡ᭄ᬦᬫᬃᬡ᭄ᬦᬧᬫᬃᬕ᭄ᬕᬶᬦᬾᬫᬗᬦ᭄ᬢᬸᬦᬦ᭄ᬢᬸᬦ᭄ᬳᬢᬶᬦᬾᬫᬓᬤᬮᬸᬮᬸᬢ᭄᭟ᬢᬸᬫᬸᬮᬶᬄᬓᬢᭀᬦ᭄ᬗᬮᬶᬓᬮᬶᬓ᭄ᬓᬬᬸᬢᬗᬶᬦᬾᬮᬸᬳᬸᬂᬳᬲᬶᬦ᭄ᬫᬓᭂᬫ᭄ᬩᭂᬭᬦ᭄ᬲᬵᬃᬯ᭄ᬯᬩᬸᬗᬦᬾ
[᭑᭙ 19A]
ᬫᬜᬦ᭄ᬤᬶᬂᬓᬢᭀᬦ᭄ᬫᬧᬶᬡ᭄ᬟᬵᬧᬗᬸᬗᬗᬦ᭄ᬩᬮᬾᬇᬢᬶᬢ᭄ᬯᬄᬳᬩᬸᬗ᭄ᬓᬸᬮ᭄ᬫᬳᬸᬧᬘᬭᬵᬳᬦ᭄ᬟᭀᬂᬦᬵᬂᬯᬶᬮᬶᬲᬾᬫᬢᬸᬦ᭄ᬢᬸᬦ᭄᭞ᬲᬸᬭᬸᬳᬾᬫᬜᬦ᭄ᬤᬶᬂᬧᭂᬚᬶᬧᬸᬘᬸᬓ᭄ᬧᬸᬢᬶᬄᬳᬾᬮᬸᬫ᭄ᬮᬸᬫ᭄ᬳᬳᭀᬃᬮᬦ᭄ᬧᬸᬘᬸᬓ᭄ᬩᬸᬂᬓᬬᬸᬲᬸᬕᬶᬄ
ᬢᬾᬫᬜᬦ᭄ᬤᬶᬂᬮᬓᬚᬬᬦ᭄ᬢᬶᬫ᭄ᬭᬓ᭄ᬩᬭᬚ᭄ᬧᬸᬦᬶᬮᬶᬃᬓ᭄ᬮᬦ᭄ᬓᬸᬦᬶᬂᬫᬤᬸᬮᬸᬃᬚ᭄ᬧᬸᬦᬶᬮᬶᬃᬕᬶᬲᭀᬦᬾᬓᬢᭀᬦ᭄ᬧᬓ᭄ᬭᬶᬦᬶᬂᬳᬯᭀᬭᬶᬦ᭄ᬓᬮᬯᬦ᭄ᬫᬦᬸᬄ᭟ᬧᬤ᭄ᬫᬵᬪᬵᬂᬮᬦ᭄ᬧᬤ᭄ᬫᬵᬧᬸᬢᬶᬄᬘᬦᬶᬕᬭᬫᬤᬸᬮᬸᬃᬮᬯᬦ᭄ᬕᬜ᭄ᬢᬸᬂᬢᬗ᭄ᬲᬸᬕᬶᬕᭂ
ᬡ᭄ᬟᬶᬂᬳᬯᭀᬃᬮᬦ᭄ᬓᬫᭀᬦᬶᬂᬲᬸᬮᬢ᭄ᬭᬶᬫᬤᬸᬮᬸᬃᬓᬢ᭄ᬭᬗᬦ᭄ᬧᬮᬲᬦᬾᬓᬢᭀᬦ᭄ᬮᬸᬫ᭄ᬮᬸᬫ᭄ᬧᬸᬥᬓᬾᬫᬦ᭄ᬟᭂᬂᬲᬦ᭄ᬢᬸᬦ᭄ᬮᬦᬵᬕ᭄ᬖᬲᬭᬶᬲ᭄ᬤᭂᬂᬫᬲ᭄ᬳᭂᬦ᭄ᬧᬤᬧᬵᬓᬜᬾᬭᬶᬮᬯᬦ᭄ᬢᭂᬍᬂᬩᬶᬭᬸ᭞ᬭᬢ᭄ᬦᬵᬩᬗ᭄ᬮᬦ᭄ᬭᬢ᭄ᬦᬵ᭠
ᬧᬸᬢᬶᬄᬚᬫ᭄ᬧᬶᬭᬶᬂᬓᬦ᭄ᬬᬸᬮᬯᬦ᭄ᬢᬸᬜ᭄ᬚᬸᬂᬢᬸᬢᬹᬃᬳᬯᭀᬃᬩᬬᭂᬫ᭄ᬲᬸᬮᬸᬄᬲᬭᭀᬦᬶᬲᬓ᭄ᬱᬓ᭄ᬱᬸᬘᬵᬘᬶᬦᬵᬫᬤᬸᬮᬸᬃᬕᬫ᭄ᬩᬶᬃᬭᬶᬬᬦᬮᬦ᭄ᬧᬜ᭄ᬘᬃᬕᬮᬸᬄᬳᬤᬲ᭄ᬓᬮᬯᬦ᭄ᬓᬮᬓᬵᬲᬸᬫ᭄ᬯᬂᬫᬲ᭄ᬕᬶᬦᬶᬢᬶᬃᬓᬭᬸᬭᬓ᭄ᬮᬦ᭄ᬓᭂᬓ
Kaca:Bali-lontar-gaguritan-tunjung-biru-300ppi.pdf/19
Kaca puniki sampun kauji-wacén
