[᭒᭐ 20B]
᭒᭐
ᬱᬵᬬᬵᬢᭀᬗ᭄ᬳᬤᬵᬮᬫᬸᬦ᭄ᬢᭀᬦᬾᬫᬦᬯᬂᬓᬮᬗᭂᬦᬾᬧᬲᬚᬵᬳᬶᬩᬧᬵᬲᬶᬜᭂᬤᬦᬾᬢᬳᬸ᭞ᬬᬾᬦ᭄ᬢ᭄ᬯᬭᬭᬗ᭄ᬳᬩ᭄ᬦᬵᬩ᭄ᬘᬶᬓ᭄ᬢ᭄ᬯᬄᬲᬤᬶᬦᬵᬫᬗᬶᬍᬳᬶᬦ᭄ᬕᬸᬦᬸᬂᬫᬗ᭄ᬮᬂᬮᬂᬓᬮᬗᬸᬦ᭄ᬫᬧᬶᬓᬢ᭄ᬫᬩᭀᬭᭀ
ᬲ᭄ᬓᬯᬶᬲᬬᬦ᭄ᬤᬦᬾᬓᬢᬄᬚᬸᬫᬄᬫᬶᬮᬶᬳᬶᬦ᭄ᬲᬸᬳᬸᬂᬫᬗ᭄ᬓᬶᬦ᭄ᬤᬦᬾᬚᬸᬫᬄᬳᬧᬦ᭄ᬧᬹᬡ᭄ᬦᬵᬫᬾᬗ᭄ᬓᬧᬢ᭄ᬫᬲᬦ᭄ᬳᬦᬓ᭄ᬫᬧᬬᬲ᭄ᬮᬸᬄᬫ᭄ᬯᬦᬶᬫᬗᬾᬲ᭄ᬢᬶᬳᬬᬸ᭟ᬤᬸᬄᬢᬸᬳᬸᬢᬦ᭄ᬤ᭄ᬭᬸᬄᬲᬶᬢ᭄ᬬᬂᬕᬸᬲ᭄ᬢᬶᬧᬸᬦᬶᬓᬶᬭᬢᬸ
ᬚ᭄ᬭᭀᬦ᭄ᬕᬸᬲ᭄ᬢᬶᬦᬾᬫᬶᬭᬄᬤᬸᬫᬸᬦ᭄ᬢᬶᬢ᭄ᬬᬂᬯᬦ᭄ᬢᬄᬲ᭄ᬭᬶᬂᬳᬕᬸᬦᬸᬗᬾᬦᬶᬓᬶᬫᬧᬶᬓᬢ᭄ᬓᬤᬾᬢᬶᬢ᭄ᬬᬂᬯᬦ᭄ᬢᬄᬲᬸᬳᬸᬂᬕᬸᬦᬸᬓᬾᬦᬶᬓᬶᬢ᭄ᬯᬄᬢᬶᬗ᭄ᬕᬃᬳᬗ᭄ᬳᬶᬂᬳᬤᭀᬄᬳᬸᬮᬶᬤᬶᬢᬸ᭞ᬓᬮᬶᬗᬦᬾᬩᬬᬵᬳᬶᬕᬸᬲ᭄ᬢᬶᬳᭀ
ᬓᬦ᭄ᬤᬦᬾᬚ᭄ᬭᭀᬤᬸᬓᬸᬄᬦᬾᬳᬶᬲ᭄ᬢ᭄ᬭᬶᬫᬾᬲᭂᬫᬶᬂᬘᬶᬢ᭄ᬣᬵᬫᬱᬵᬮᬾᬮᭀᬕ᭄ᬓᭂᬜᬶᬂᬫᬾᬲᭂᬫ᭄ᬦᬾᬫ᭄ᬯᬦᬶᬲᬯᬂᬭᬕᬦ᭄ᬩ᭄ᬦᭂᬄᬓᬾᬢᭀᬲᬗ᭄ᬓᬦ᭄ᬳᬬᬸᬤᬾᬰᬦᬾᬚ᭄ᬯᬵᬓᬮᬗᭂᬦᬦ᭄ᬫᬶᬲᬦᬾᬓᬮᬶᬄᬫᬲ
[᭒᭑ 21A]
ᬢᬸᬢ᭄᭟ᬮᬫᬸᬦ᭄ᬳᬦᬓ᭄ᬤᬶᬦᬶᬢ᭄ᬯᬄᬬᬵᬫ᭄ᬮᬄᬢᬸᬳᬸᬩᬳᬜᭂᬮᬸᬳᬸᬂᬢᬶᬲ᭄ᬢᬶᬲᬶᬂᬫᬚᬵᬧᬳᬶᬢ᭄ᬫᬶᬭᬄᬳᬤᬶᬢ᭄ᬯᬭᬧᬶᬲᬦ᭄ᬓᬘᭀᬓᬦ᭄ᬲᬸᬤᬻᬬᬾᬦ᭄ᬚᬤ᭄ᬫᬦᬾᬢᬦᬶᬮᬸᬳᬸᬂᬫᬕᬶᬸᬳᬶᬓᭀᬢᭀᬂᬢ᭄ᬓᬵᬢ᭄ᬯᬄᬤᬸᬕ
ᬳ᭄ᬯᬵᬧᬮᬶᬂᬩ᭄ᬮᬶᬲᬗ᭄ᬓᬦ᭄ᬩᭂᬮᬶᬢ᭄ᬓᬵᬳᬧᬦ᭄ᬩᭂᬮᬶᬢᬸᬳᬸᬫᬲ᭄ᬢᬢᬸᬃ᭞ᬚᬦᬶᬫᬗ᭄ᬭᬲᬦᬾᬂᬫ᭄ᬯᬦᬶᬫᬫᬶᬋᬗᬂᬲᬃᬯ᭄ᬯᬶᬫᬾᬲᭂᬫ᭄ᬫᬲᬳᬸᬢ᭄ᬩᬬᬵᬲᬸᬩᬢᬸᬤᬸᬄᬳᬤᬓᬦ᭄ᬢᭀᬰᬶᬄᬇᬯᬶᬤ᭄ᬟᬶᬪᬝᬭᬦᬾᬳᬶᬘ᭄ᬙᬫᬗᬸᬭᬶᬧ᭄ᬦᬾᬦᬾ
ᬓᬯ᭄ᬮᬲ᭄ᬮᬲ᭄ᬳ᭄ᬬᬸᬦ᭄ᬫᬾᬲᭂᬫ᭄ᬧᬥᬲᬸᬓᬵᬗ᭄ᬭᬭᬶᬲ᭄ᬢᬾᬕᬸᬲ᭄ᬢᬶᬫᬲ᭄ᬫᬶᬭᬄᬫᬾᬲᭂᬫ᭄ᬦᬾᬳᬶᬲ᭄ᬢ᭄ᬭᬶᬳᬦ᭄ᬢᭀᬲ᭄ᬢᬶᬢ᭄ᬬᬂᬤᬶᬦᬶᬢᬸᬫᬸᬮᬶᬫᬦ᭄ᬢᬸᬓ᭄᭟ᬤᬾᬤᬸᬓᬸᬄᬓᬓᬸᬂᬫᬮᬶᬗ᭄ᬕᬶᬄᬤᬶᬧᬫ᭄ᬭᬚᬦ᭄ᬫᬗᬲ᭄ᬢᬸᬢᬶᬤᬾᬯ᭄ᬯᬵᬲᬸᬦ᭄ᬬᬚ᭄ᬜᬦᬵᬯᬶᬦᬲ᭄ᬢᬸ
ᬫᬫᭂᬢᬶᬲᬮ᭄ᬯᬶᬭᬶᬂᬰᬓ᭄ᬢᬶᬫᬳᬚ᭄ᬜᬦᬵᬰᬸᬦ᭄ᬬᬳᬶᬮᬲᬓᬮ᭄ᬯᬶᬭᬶᬂᬘᬫ᭄ᬧᬸᬃᬫᬢ᭄ᬫᬳᬬᬸᬳᬧᬦ᭄ᬲᬫ᭄ᬬᬤ᭄ᬜᬦᬵᬳ᭄ᬦᬶᬂᬫᬢᬗ᭄ᬬᬯᬺᬤ᭄ᬟᬶᬰᬸᬦ᭄ᬬᬲᬸᬳᬸᬂᬦᬶᬃᬪ᭄ᬪᬦᬵᬢᬦ᭄ᬧᬯᬲ᭄ᬢᬸ᭞ᬳᬸᬘᬧᭂᬦ᭄ᬦᬾᬦᬾᬇᬲ᭄ᬢ᭄ᬭᬶᬫᬦᬸᬗ᭄ᬕᬮᬂᬩ᭄ᬗᭀᬂ
Kaca:Bali-lontar-gaguritan-tunjung-biru-300ppi.pdf/21
Kaca puniki sampun kauji-wacén
