[᭓᭒ 32B]
᭓᭒
ᬯ᭄ᬯᬶᬫᬓᬶᬥᬹᬂᬭᬭᬾᬂᬢ᭄ᬬᬂᬓᬧᬶᬂᬓᬮᬶᬄᬫᬳᭂᬓᬶᬦ᭄ᬢᬸᬃᬫᬜᬗ᭄ᬓᭀᬮ᭄ᬢᬸᬫᬶᬦᬾᬫᬫᬃᬕ᭄ᬕᬶᬤᬶᬫᬮᬸ᭟ᬚᬦᬶᬢ᭄ᬓᭂᬤᬶᬧᬫ᭄ᬭᬚᬦ᭄ᬤᬾᬥᬸᬓᬸᬄᬓᬓᬹᬃᬳᬫᬸᬯᬸᬲ᭄ᬫᬳᬶᬤᬶᬦᬶᬦ᭄ᬕᬓ᭄ᬟᬤᬫ᭄ᬧᬃᬲᬫ᭄ᬧᬸᬦ᭄ᬲᬸᬫᬚᬶᬮᬸᬗ᭄ᬓᬵ
ᬮᬸᬗ᭄ᬓᬵᬦᬾᬓ᭄ᬘᬶᬘᬶᬦᬵᬳᬦᬸᬮᬶᬄᬲᬋᬂᬳᬮᬸᬗ᭄ᬕᬸᬄᬫ᭄ᬓᬮᬶᬳᬦ᭄ᬢ᭄ᬬᬓᬧᬸᬚᬦᬾᬂᬳᬶᬲ᭄ᬢ᭄ᬭᬶᬢᬦ᭄ᬲᬄᬫᬧᬗ᭄ᬓᬸ᭞ᬩᬋᬂᬓᬓᬢᬶᬲᬶᬦ᭄ᬢᭀᬬᬵᬭᬭᬶᬲ᭄ᬓᬳᬶᬘᬦ᭄ᬩᬲ᭄ᬫᬵᬲᬫ᭄ᬧᬸᬦ᭄ᬓᬚᬬᬵᬚᬬᬵᬲᬢᬶᬗ᭄ᬓᬄᬳᬦᬓ᭄ᬫᬩᬸᬜ᭄ᬘᬶᬂᬩᬋᬂ
ᬫᬦᬢᬩ᭄ᬲᬲᬬᬸᬢ᭄ᬲᬫᬶᬓᬳᬶᬘᬦ᭄ᬳᬲ᭄ᬢᬸᬧᬸᬗ᭄ᬓᬸᬃᬧᬂᬲᬸᬤ᭄ᬟᬧᬭᬶᬧᬹᬃᬡ᭄ᬦᬲᬤ᭄ᬬᬫᬫᬗ᭄ᬕᬶᬄᬭᬳᬬᬸ᭟ᬢᬸᬫᬸᬮᬶᬲᬋᬂᬗᬸᬩᬓ᭄ᬢᬶᬗᬯᬂᬗᬯᬂᬫᬗᬶᬲ᭄ᬢᬶᬲᬗ᭄ᬳ᭄ᬬᬂᬳᬬᬸᬍᬯᬶᬄᬭᬶᬂᬤᬾᬥᬸᬓᬸᬄᬓᬓᬹᬂᬮᬦ᭄ᬳᬶᬲ᭄ᬢ᭄ᬭᬶᬫᬓᬮᬶ
ᬳᬦ᭄ᬲᬸᬓᬵᬢᬶᬢᬸᬫᬶᬗ᭄ᬳᬮ᭄ᬤᬾᬥᬸᬓᬸᬄᬓᬓᬸᬂᬳᬫᬸᬯᬸᬲ᭄ᬓ᭄ᬫᭀᬚᬦᬶᬳᬚᬓ᭄ᬫᬦ᭄ᬢᬸᬦ᭄ᬜᬳᬶᬦᬾᬫᬸᬮᬶᬄᬦᬾᬫ᭄ᬯᬦᬶᬭᬭᬶᬲ᭄ᬫᬜᬗ᭄ᬓᭀᬮ᭄ᬩᬶᬩᬶᬦᬾᬗᬫᬮ᭄ᬯᬶᬦ᭄ᬧᭂᬲᬸ᭞ᬢᬓ᭄ᬓᭀᬘᬧᬵᬚᬦᬶᬢ᭄ᬓᬵᬤᬶᬧᬫᬺᬚᬶᬸ
[᭓᭓ 33A]
ᬫᬦ᭄ᬭᬭᬶᬲ᭄ᬫᬯᬚᬶᬓ᭄ᬱᬸᬓᬸᬢᬦ᭄ᬲᬄᬫᬶᬲᬦᬾᬓᬮᬶᬄᬫᬗᬬᬳᬶᬦ᭄ᬚᬦᬶᬫᬗᭂᬫ᭄ᬩᬸᬲ᭄ᬩᬸᬗ᭄ᬳᬵᬦᬓᬾᬓᬹᬃᬲᬵᬃᬯ᭄ᬬᬬᬵᬫᬓᬶᬤᬸᬂᬚᬬᬾᬦ᭄ᬤ᭄ᬭᬶᬬᬵᬓᬧᬶᬂᬧᬶᬢᬸᬲ᭄ᬫᬶᬢᬦᬾᬫᬦᬶᬲᬭᬸᬫ᭄ᬩᬸᬓᬵᬩᬶᬸᬫᬗᬮᬧ᭄ᬘᬶᬢ᭄ᬣᬵᬫᬶᬲᬦᬾ
ᬓᬧ᭄ᬭᬤᬦ᭄ᬫᬗ᭄ᬭᬸ᭟ᬢᬸᬳᬸᬓᬢᭀᬦ᭄ᬢ᭄ᬯᬄᬯᭀᬂᬓᬕᬭᬶᬢᬶᬲ᭄ᬢᬶᬲᬶᬳᬦᬓ᭄ᬮᬸᬳᬸᬂᬢᬦ᭄ᬳᬶᬯᬂᬲᬧᬭᬶᬧᭀᬮᬄᬫᬶᬲᬦᬾᬢᬦ᭄ᬲᬶᬧᬶᬲᬶᬗᬩᭂᬢᬾᬫᬦᬸᬤᬸᬢ᭄ᬘᬶᬢ᭄ᬣᬢᬸᬫᬶᬦᬾᬋᬲᭂᬧᬗ᭄ᬭᬸᬗᬸᬳᬸᬲᬦ᭄ᬳᬗᭂᬫ᭄ᬩᬲᬶᬦ᭄ᬩᬸᬗ᭄ᬳᬵᬳᬶᬢᬸᬜ᭄ᬚᬸᬂᬩᬭᬓ᭄
ᬳᬫᬸᬯᬸᬲ᭄᭞ᬚᬮᬗ᭄ᬓᬾᬧ᭄ᬲᬸᬚᬸᬜ᭄ᬚᬸᬂᬧᬸᬢᬶᬄᬢᬸᬫᬶᬦ᭄ᬜᬦᬾᬫᬲᬯᬸᬢ᭄ᬧ᭄ᬲᬸᬚ᭄ᬯᬜᬳᬶᬫᬮᬸᬥᭂᬧᬂᬩᬶᬩᬶᬳ᭄ᬦᬸᬤᬶᬦᬶᬢᬸᬫᬸᬮᬶᬄᬓ᭄ᬜᬶᬂᬫᬓᬤᬤ᭄ᬯᬵᬤᬶᬦᬶᬓᬾᬚᬦᬶᬫ᭄ᬩᭀᬓ᭄ᬳᬬᬸᬢᬶᬢ᭄ᬬᬂᬧᬫᬶᬢ᭄ᬭᬭᬶᬲ᭄ᬜᬸᬫ᭄ᬩᬄᬳᬶᬬᬬᬸᬫᭂ
ᬲᬯᬂᬲᭂᬦ᭄ᬟᬸ᭟ᬩᬶᬩᬶᬦᬾᬲᬫ᭄ᬧᬸᬦ᭄ᬗᬮᬳᬶᬦ᭄ᬳᬶᬬᬬᬸᬋᬗᬸᬦᬾᬓᬓᬸᬂᬫᬗᬬᬸᬄᬫᬗ᭄ᬭᬫᬶᬄᬋᬫᬶᬄᬲᬃᬯ᭄ᬯᬶᬗᬭᬲ᭄ᬧᬶᬧᬶᬭᬭᬶᬲ᭄ᬫᬜᬗ᭄ᬓᭀᬮ᭄ᬓᬧᬫᬺᬫᬦ᭄ᬦᬾᬳᬶᬲ᭄ᬢ᭄ᬭᬶᬗ᭄ᬕᬲ᭄ᬕᬲ᭄ᬫᬗ᭄ᬕᬸᬯᬸᬓ᭄ᬩᬶᬩᬶᬦᬾᬫᬜ᭄ᬚᭂ᭠
Kaca:Bali-lontar-gaguritan-tunjung-biru-300ppi.pdf/33
Kaca puniki sampun kauji-wacén
