[᭔᭓ 43B]
᭔᭓
ᬗ᭄ᬓᬸᬤᬤ᭄ᬬᬜᭂᬫᬲᬳᬸᬢ᭄ᬢᭂᬗ᭄ᬓᬾᬦ᭄ᬓᬓᬶᬦᬾᬦᬾᬩ᭄ᬘᬶᬓ᭄ᬓᬮᬗᭂᬦᬾᬲ᭄ᬟᭂᬂᬢᭀᬦ᭄ᬢᭀᬦᬂᬤᬾᬫᬗ᭄ᬓᬫᬲᬳᬸᬃᬳᬮᬸᬲ᭄ᬩ᭄ᬬᬦᬫᬫᬦᬾᬦᬾᬓᬚᬵᬧᬸᬦᬶᬓᬵᬯᬦ᭄ᬢᬄᬦᬾᬮᬸᬳᬸᬂ᭟ᬲ᭄ᬓᬃᬱᬦ᭄ᬘᬳᬶᬓᬧᬗ᭄ᬕᬶᬄ᭠
ᬬᬦ᭄ᬳᬶᬭᬶᬓᬵᬓᬢᭀᬦ᭄ᬲᬳᬶᬗ᭄ᬕᬄᬳᬶᬗ᭄ᬕᬄᬦ᭄ᬫᬸᬩᬶᬮᬂᬢᬗ᭄ᬕᬸᬲᬫᬶᬳᬯᬲ᭄ᬓᬢᭀᬦ᭄ᬢ᭄ᬓᭂᬤ᭄ᬓᬘᬧ᭄ᬢᬵᬧᬢᬮᬵᬲᬸᬭᬮᬬᬵᬓᬢᭀᬦ᭄ᬮᬸᬳᬸᬂᬓᬯᬶᬱ᭄ᬡᬸᬪ᭄ᬯᬦᬵᬕᬸᬫᬶᬦᬾᬢᬦ᭄ᬧᬘᬦ᭄ᬢᬾᬮᬦ᭄ᬮ᭄ᬬᬸᬓᬧᬗ᭄ᬕᬶᬄᬳ
ᬢᬧᬫᬸᬧᬸᬢᬶᬂᬦᬶᬂᬲᬵᬃᬯ᭄ᬯᬧᬸᬧᬸᬢ᭄᭞ᬦᬾᬓᬓᬹᬂᬜᬯᬸᬭᬶᬦ᭄ᬳᬲ᭄ᬫᬸᬲ᭄ᬫᬶᬢᬵᬲᬃᬯ᭄ᬯᬶᬦᭀᬮᬶᬄᬦᬾᬳ᭄ᬮᬸᬄᬤᬸᬄᬚᬶᬯᬵᬫᬡᬶᬓ᭄ᬫᬃᬕ᭄ᬕᬶᬫᬓᬵᬭᬲᬶᬦ᭄ᬢᬶᬢ᭄ᬬᬂᬚᬸᬭᬸᬗᭂᬫ᭄ᬩᬦᬳᬶᬫᬶᬭᬄᬦᬾᬳᬶᬲ᭄ᬢ᭄ᬭᬶᬫᬾᬲᭂᬫ᭄ᬢᬸᬫᬸᬭᬸᬦ᭄ᬤᬾᬥᬶᬸᬓᬶᬹ
ᬫᬗ᭄ᬓᬫᬚᬮᬦ᭄ᬫᬮᬸᬫᬢᬸᬚ᭄ᬯᬶᬦ᭄ᬫᬃᬕ᭄ᬕᬵᬗᬫ᭄ᬩᬄᬓᬩᬩᬾᬢᬾᬮᬦ᭄ᬢᬗ᭄ᬕᬸᬦ᭄ᬓᬬᬗᬦᬾᬳᬗ᭄ᬮᬗᬸᬦ᭄᭟ᬯᭂᬦ᭄ᬢᭂᬦ᭄ᬘᭂᬫ᭄ᬧᬓᬯᬶᬮᬶᬲ᭄ᬘᭂᬦᬶᬓ᭄ᬳᬧᬸᬳᬸᬦ᭄ᬲᬤ᭄ᬟᬵᬮᬗᬸᬦ᭄ᬧᬦ᭄ᬟᭂᬂᬫᬩᬸᬗ᭄ᬳᬵᬩᬢᬦ᭄ᬜᬦᬾᬲᬤ᭄ᬟᬵᬕᬮᬂ᭠
[᭔᭔ 44A]
ᬧᬸᬢᬶᬄᬳᬲᬄᬢᬹᬃᬳ᭄ᬢᬶᬲ᭄ᬫᬗᬺᬫ᭄ᬧᬬᬓ᭄ᬩᬸᬗᬦ᭄ᬜᬦᬾᬲ᭄ᬟᭂᬂᬚᬸᬄᬚᬸᬄᬦᬾᬓᬓᬹᬂᬭᬭᬶᬲ᭄ᬫᬦ᭄ᬕᬓ᭄ᬲᬵᬃᬯ᭄ᬯᬶᬫᬗᬩᬶᬦ᭄ᬦᬾᬳ᭄ᬮᬸᬄ᭞ᬚᬦᬶᬢᬸᬳᬸᬩᬸᬓᬵᬤᬶᬢᬸᬮᬶᬲ᭄ᬳᬬᬸᬫᬜᬦ᭄ᬤᬶᬂᬩᬕᬸᬲ᭄ᬧᬢᬸᬄᬫᬓᬧᬢ᭄ᬧᬢ᭄ᬫᬩᬸᬗ᭄ᬳᬵᬘᭂ
ᬫ᭄ᬧᬓᬵᬯᬶᬮᬶᬲ᭄ᬭᬸᬧᬦᬾᬲᬫᬳᬬᬸᬳᬬᬸᬍᬯᬶᬄᬳᬶᬬᬬᬸᬫᬲ᭄ᬘᬢᬹᬃᬭᬸᬧᬦᬾᬫᬗᬬᬂᬗᬬᬂᬩᬸᬓᬵᬳ᭄ᬬᬂᬭᬢᬶᬄᬦᬸᬭᬸᬦ᭄᭞ᬢᬦ᭄ᬲᬄᬫᬶᬲᬦᬾᬓᬓᬮᬶᬄᬩᬸᬓᬵᬓᭂᬫ᭄ᬩᬃᬧᬦ᭄ᬢᭂᬲᬧᬭᬶᬳᬗ᭄ᬓᬸᬄᬢ᭄ᬯᬄᬫᬗ᭄ᬕᬯᬾᬮᬸᬮᬸᬢ᭄ᬩᬸᬓᬵ᭠
ᬥᬤᬭᬶᬗ᭄ᬮᬾᬩ᭄ᬳᬸᬮᬶᬤᬶᬓᬾᬦ᭄ᬤ᭄ᬭᬦ᭄ᬓᬓᬸᬗᬾᬢᬦ᭄ᬲᬄᬳᬦ᭄ᬤᬸᬮᬸᬳᬶᬲ᭄ᬢ᭄ᬭᬶᬦᬾᬳᬬᬸᬳᬦᬸᬮᬸᬲ᭄ᬓᬲᬸᬮᬸᬳᬦ᭄ᬲᬹᬃᬬ᭄ᬬᬦᬾᬲᬵᬫ᭄ᬧᬸᬦ᭄ᬲᬶᬗᬶᬢ᭄ᬦᬸᬗ᭄ᬕᬶᬂᬕᬸᬦᬸᬂᬫᬵᬲᬯᬂᬮᬸᬫ᭄ᬮᬸᬫ᭄᭟ᬩᬸᬗ᭄ᬳᬵᬫᬲᬾᬫᬜ᭄ᬮᭂᬳᬶᬦ᭄ᬧᬓ᭄ᬭᬶ
ᬡᬶᬂᬭᬕᬦᬾᬧᬕᬸᬫᬶᬯᬂᬍᬫ᭄ᬧᬸᬂᬲᬯᬂᬩ᭄ᬗᭀᬂᬫᬮᬶᬗ᭄ᬕᬶᬄᬗᬮᬶᬓ᭄ᬓᬮᬶᬓ᭄ᬩᬸᬓᬵᬫᭀᬓ᭄ᬱᬄᬦᬥᬧᬮᬶᬗ᭄ᬕᬶᬳᬦ᭄ᬭᬲᬜᬵᬮᬦ᭄ᬢᬲ᭄ᬫᬓ᭄ᬩᬸᬃᬓᬲᬹᬭᬵᬪ᭄ᬯᬦᬵᬢᬦ᭄ᬲᬄᬓᬓᬸᬗᬾᬩᬶᬦ᭄ᬩᬸᬓᬵ
Kaca:Bali-lontar-gaguritan-tunjung-biru-300ppi.pdf/44
Kaca puniki sampun kauji-wacén
