[᭗ 7B]
᭗
ᬳᬢᬶᬲᬸᬩᬢ᭄ᬯᬭᬯᬤᬵᬲᬧᬭᬶᬧᭀᬮᬳᬾᬩᬕᬸᬲ᭄ᬚᬢ᭄ᬫᬶᬓᬫᬵᬲᬶᬧ᭄ᬢᬵᬳᬗ᭄ᬳᬶᬂᬳᬾᬫᭂᬂᬬᬵᬤᬶᬳᬢᬶᬩᬳᬦᬾᬢ᭄ᬯᬭᬵᬫ᭄ᬦᬯᬂᬲᬶᬜᬢ᭄ᬯᬄᬚᬢ᭄ᬫᬢᬦᬶᬮᬸᬳᬸᬂ᭞ᬬᬾᬦ᭄ᬢᬦᬶᬢ᭄ᬯᬄᬚᬦ᭄ᬫᬍᬯᬶᬄᬢ᭄ᬯᬄᬢᭀᬂᬦᬸ
ᬕᬵᬳᬢᬶᬦᬾᬤᬤᬶᬲᬸᬮᬸᬓ᭄ᬮ᭄ᬬᬸᬳᬦᬓ᭄ᬩᬕᬸᬲ᭄ᬢᭀᬂᬳᬤᬳᬢᬦᬾᬢᬶᬲᬶᬦ᭄ᬳ᭄ᬦᬾᬳᬧᬩᬬᬵᬳᬢᬶᬦᬾᬢ᭄ᬓᬵᬫᬩ᭄ᬭᬶᬬᬸᬓ᭄ᬳᬶᬫ᭄ᬩᭀᬓᬲᬶᬦᬾᬲᬸᬩᬵᬢᭀᬂᬢᬳᬾᬦ᭄ᬤᬦᬾᬕᬸᬗ᭄ᬕᬶᬄᬚᬦᬶᬤᬤᬶᬩᬋᬂ
ᬕᬶᬗ᭄ᬕᬂᬳᬤᬸᬄᬲᬶᬜᬢ᭄ᬯᬄᬚᬤ᭄ᬫᬵᬮᬸᬳᬸᬂ᭟ᬢᬸᬫᬸᬮᬶᬄᬓ᭄ᬜᬸᬂᬫᬓᬵᬓᬮᬶᬄᬫᬧᬶᬫᬧᬶᬫᬕᬸᬬᬸᬳᬦ᭄ᬳᬥᬸᬄᬩᬬᬲᬚᬵᬓᬧᭀᬘᬳᬶᬫᬦᬸᬢᬸᬢᬶᬦ᭄ᬢᬭᬸᬡᬦᬾᬫᬾᬲᭂᬫᬗᬸᬘᬧ᭄ᬫᬗ᭄ᬓᬶᬦ᭄ᬓᬾᬩ᭄ᬮᬶᬫᬯᬦ᭄ᬢᬸᬦ᭄
ᬲᬤ᭄ᬬᬦ᭄ᬩᭂᬮᬶᬫ᭄ᬢᭀᬄᬚᬶᬯᬵᬦᬾᬳᬶᬲ᭄ᬢ᭄ᬭᬶᬫᬾᬲᭂᬫ᭄ᬫᬲᬳᬸᬢ᭄᭞ᬤᬸᬄᬢᬸᬳᬸᬢᬦ᭄ᬤ᭄ᬭᬸᬄᬦᬶᬭᬭᬶᬂᬘᬳᬶᬳᬧᬂᬦ᭄ᬤᬵᬜᬮᬄᬳᬸᬦ᭄ᬤᬸᬓ᭄ᬘᬳᬶᬢᬾᬳ᭄ᬜᬾᬦ᭄ᬢ᭄ᬯᬄᬳᬶᬧᬦ᭄ᬢᬭᬸᬡᬦᬾᬓ᭄ᬜᬶᬂᬫᬸᬜᬶᬦᬾᬫᬦᬶᬲ᭄ᬤᬸᬄᬤᬶᬚᬳᬵ
[᭘ 8A]
ᬳᬶᬕᬸᬲ᭄ᬢᬶᬳᬶᬜᬳᬶᬢᬳᬸᬩ᭄ᬮᬶᬧ᭄ᬬᬦᬓ᭄ᬩᬮᬸᬮᬭᬲᬗ᭄ᬮᬸᬗᬵᬤᬶᬩᬜ᭄ᬚᬃᬓᬢᬸᬄ᭟ᬦᬵᬗ᭄ᬳᬶᬂᬩ᭄ᬬᬂᬦᬵᬩ᭄ᬮᬶ᭠ᬚᬢᬶᬲᭀᬓ᭄ᬢᬸᬢᬸᬭᬦ᭄ᬫᬸᬜᬶᬦ᭄ᬳᬦᬓ᭄ᬮᬸᬄᬳ᭄ᬮᬸᬄᬳᬶᬫᬾᬫᬾᬚ᭄ᬯᬓᬦ᭄ᬢᬸᬦ᭄ᬳᬗ᭄ᬳᬶᬂᬲᬵᬫ᭄ᬧᬸᬦ᭄ᬳᬗᬚᬯᬶᬤ᭄ᬯᬦᬶᬂᬩ᭄ᬮᬶᬮᬭᬫ
ᬫᬸᬭᬸᬂᬲᬢᬶᬩᬮᬓᬸᬩ᭄ᬬᬦᬵᬩ᭄ᬮᬶᬩᬶᬲᬱᬵᬫᬫᬸᬓ᭄ᬢᬶᬤᬶᬦᬕᬭᬶᬢᬹᬃᬕᬸᬫᬶᬦᬾᬲᬵᬫ᭄ᬧᬸᬦ᭄ᬭᬸᬲᬓ᭄ᬩᬯᬸᬃᬰᬶ᭠ᬯᬦᬾᬤᬤᬶᬳᬕᬸᬂᬗ᭄᭞ᬫᬗ᭄ᬓᬶᬦ᭄ᬲᬤ᭄ᬬᬦ᭄ᬩ᭄ᬮᬶᬬᬦ᭄ᬲᬶᬜᬜᬳᬶᬲᬸᬓᬵᬫᬶᬯᬄᬤᬦᬾᬲᬗᬬᬸᬧᬸᬦᬶᬓᬵᬳᬶᬫ᭄ᬩᭀ᭠
ᬓ᭄ᬢᬶᬄᬜᬳᬶᬦᬾᬫᬲᬯᬂᬤᬤᬭᬶᬤᬸᬭᬸᬲ᭄ᬚᬦᬾᬳᬶᬘ᭄ᬙᬵᬫᬗᬸᬭᬶᬧ᭄ᬦᬾᬓᬯ᭄ᬮᬲ᭄ᬳ᭄ᬬᬦ᭄ᬩ᭄ᬮᬶᬢ᭄ᬯᬄᬫᬫᬜ᭄ᬚᬓ᭄ᬫᬲ᭄ᬭᬄᬧᬢᬶᬳᬸᬭᬶᬧ᭄ᬳᬶᬢᬸᬜ᭄ᬚᬸᬂᬩᬶᬭᬸᬗ᭄ᬮᬾᬦᬂᬓ᭄ᬜᬸᬂᬳᬢᬶᬦᬾᬩᬸᬓᬵᬋᬫ᭄ᬧᬸᬄ᭟ᬳᬗ᭄ᬳᬶᬂᬳ᭄ᬬᬧᬓ᭄ᬦᭂᬳᬾᬤᬶᬳᬢᬶ
ᬩᬬᬵᬓᬢᭀᬦ᭄ᬢ᭄ᬯᬄᬢᬸᬤᬸᬄᬲ᭄ᬟᭂᬂᬲᬸᬩᬢᬶᬫ᭄ᬧᬮ᭄ᬩᬕᬸᬲ᭄ᬢᬸᬃᬧᬺᬕᬸᬲ᭄ᬢᬶᬚᬢᬶᬫᬶᬲᬦᬾᬓᬮᬶᬄᬫᬲᬳᬸᬢ᭄ᬳᬤᬸᬄᬳᬫ᭄ᬧᬸᬭᬳᬸᬕᬶᬢᬦ᭄ᬤ᭄ᬭᬸᬄᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬦᬯᬂᬢᬭᬸᬡᬦᬾᬲᬳᬸᬃᬓ᭄ᬜᬸᬗ᭄᭞ᬢᬵ
Kaca:Bali-lontar-gaguritan-tunjung-biru-300ppi.pdf/8
Kaca puniki sampun kauji-wacén
