[᭑᭔ 14B]
᭑᭔
ᬪᭀᬕᬳᬸᬧᬵᬪᭀᬕᬍᬯᬶᬄ᭞ᬧᬭᬶᬪᭀᬕᬢᬦ᭄ᬫᬭᬶ᭞ᬧᬸᬦᬶᬓᬵᬫᬢᬲᬫ᭄ᬧᬸᬦ᭄᭞ᬢ᭄ᬯᬭᬳᬶᬯᬂᬭᬶᬂᬳᬸᬗ᭄ᬕ᭄ᬯᬦ᭄᭞ᬯᬶᬭᬾᬄᬥᬃᬫ᭄ᬫᬧ᭄ᬭᬚ᭄ᬜᬵᬦ᭄ᬚᬵᬢᬶ᭞ᬯᬶᬪᬹᬄᬓᬬᬸᬦ᭄᭞ᬢᬧᬩ᭄ᬭᬢᬢ᭄ᬯᬭᬓᬸᬭᬂ᭚ᬦᬾ᭠
ᬦᬾᬫᬤᬦ᭄ᬚᬢᬶᬦ᭄ᬪᭀᬕ᭞ᬳᬲᬶᬂᬫᬗ᭄ᬭᬜ᭄ᬚᬶᬂᬓᬩᬶᬩᬶᬄ᭞ᬫᬗᭀᬚᬭᬂᬳᬶᬲᬤᬭᬱ᭞ᬉᬧᬪᭀᬕᬓᬾᬦᬾᬩ᭄ᬯᬶᬦ᭄᭞ᬳᬲᬶᬂᬪᬹᬱᬡ᭄ᬦᬦᬾᬍᬯᬶᬄ᭞ᬦᬾᬦᬾᬜᬦ᭄ᬤᬂᬤᬤᬶᬭᬗ᭄ᬲᬸᬓ᭄᭞ᬧᬭᬶᬪᭀᬕᬦᬾᬢ᭄ᬕᭂ
ᬲᬂ᭞ᬉᬢ᭄ᬢᬫᬦ᭄ᬳᬶᬚᬦ᭄ᬫᬵᬇᬲ᭄ᬢ᭄ᬭᬶ᭞ᬧᬜ᭄ᬚᬓ᭄ᬮ᭄ᬬᬸ᭞ᬳᭂᬦ᭄ᬢᭀᬫᬤᬦ᭄ᬧᬭᬶᬪᭀᬕ᭚ᬬᬦ᭄ᬓ᭠ᬲᬶᬤ᭄ᬥᬦ᭄ᬗᬕᭂᬫ᭄ᬥᬃᬫ᭄ᬫᬵ᭞ᬓᬯᬗᬸᬦᬂᬲᬓᬶᬂᬩᬸᬤ᭄ᬥᬶ᭞ᬲᬶᬦᬄᬫᬗᬸᬗ᭄ᬲᬶᬲ᭄ᬯᬃᬕ᭄ᬕ᭞ᬬᬦ᭄ᬗᬕᭂᬫ᭄ᬚ᭄ᬜᬵᬡᬰᬓ᭄ᬢᬶ᭞ᬲᬶᬤ᭄ᬥᬫᭀ
ᬓ᭄ᬱᬦᬾᬓᬧᬗ᭄ᬕᬶᬄ᭞ᬭᬶᬂᬦᬶᬃᬯᬡ᭄ᬦᬧᬘᬂᬚᬸᬚᬸᬃ᭞ᬳᬸᬮᬶᬤᬶᬢᬸᬢ᭄ᬯᬭᬢᬸᬮᬓ᭄᭞ᬲᬸᬓᬤᬸᬄᬓᬢᬦ᭄ᬓᬧᬗ᭄ᬕᬶᬄ᭞ᬳᬬᬸᬦ᭄ᬭᬸᬲ᭄᭞ᬳᬤᭀᬄᬤᬾᬦᬶᬂᬚᬭᬫ᭄ᬭᬡ᭚ᬬᬦ᭄ᬯᬾᬭᬵᬕ᭄ᬬᬦᬾᬓᬲᬶᬤ᭄ᬥᬦ᭄᭞ᬳᭂᬦ᭄ᬢᭀᬲᬶᬤ᭄ᬥ᭠
[᭑᭕ 15A]
ᬩᬳᬦ᭄ᬗᬶᬲᬶ᭞ᬲᬶᬦᬄᬫᬦᬶᬜ᭄ᬘᬧ᭄ᬉᬢ᭄ᬢᬫ᭞ᬉᬢ᭄ᬢᬫᬦ᭄ᬳ᭄ᬬᬂᬧ᭄ᬭᬫᬓᬯᬶ᭞ᬯᬶᬘᬓ᭄ᬱᬡ᭄ᬦᬭᬶᬂᬧᬗᬯᬶ᭞ᬩᬾᬢᬾᬮ᭄ᬢ᭄ᬓᬾᬦ᭄ᬢᭂᬦᬸᬂᬢ᭄ᬦᬸᬂ᭞ᬲᬶᬤ᭄ᬥᬶᬯᬓ᭄ᬬᬫᬦ᭄ᬥᬶᬗᬸᬘᬧ᭄᭞ᬳᬲᬶᬂᬧᬗᬸᬘᬧᬾᬚᬵᬢᬶ᭞ᬢᬦ᭄ᬲᬄᬦᬸᬳᬸ
ᬢ᭄᭞ᬲᬳᬶᬲᬶᬦ᭄ᬚᬕᬢᬾᬫᬓ᭄ᬚᬂ᭚ᬓᬾᬦᬾᬨᬮᬦᬶᬂᬳᬾᬰ᭄ᬯᬃᬬ᭄ᬬ᭞ᬓᬲᬶᬤ᭄ᬥᬦ᭄ᬳᬲᬶᬂᬧᬫ᭄ᬭᬶᬄ᭞ᬳᬲᬶᬂᬕᬯᬾᬢ᭄ᬯᬭᬮᬶᬜᭀᬓ᭄᭞ᬳᬧᬚ᭄ᬫᬓ᭄ᬲᬸᬩᬫᬶᬲᬶ᭞ᬨᬮᬦ᭄ᬧᬹᬦ᭄ᬬᬦᬾᬭᬶᬳᬶᬦ᭄᭞ᬳᭂᬦ᭄ᬢᭀᬳᬸᬕᬶᬧᬘᬂ᭠
ᬢ᭄ᬧᬸᬓ᭄᭞ᬲᬢᬢᬫᬗ᭄ᬕᬶᬄᬓᬲᬸᬓᬦ᭄᭞ᬤᬶᬃᬖ᭄ᬕᬬᬸᬱᬦᬯᬧ᭄ᬦᭀᬢᬶ᭞ᬮᬸᬦᬲ᭄ᬮᬦᬸᬲ᭄᭞ᬳ᭠ᬲᬶᬂᬧᬓᬵᬃᬤ᭄ᬥᬶᬦᬾᬫ᭄ᬮᬄ᭚ᬧᬭᬶᬤᬩ᭄ᬤᬩ᭄ᬩᬸᬤ᭄ᬥᬶᬫᭀᬢ᭄ᬢᬫ᭞ᬳᬤᬩ᭄ᬯᬶᬦ᭄ᬳ᭠ᬱ᭄ᬝᬲᬶᬤ᭄ᬥᬶ᭞ᬰᬶᬯᬫᬗ᭄ᬭᬓ᭄ᬱᬭᬶᬂᬲᭀᬮᬄ
᭞ᬲᬂᬬᬚ᭄ᬜᬵᬳᬾᬫᬫᬕᬶᬲᬶ᭞ᬢᬧᬲᭀᬮᬄᬳᬬᬸᬕᬶᬲᬶ᭞ᬬᬚ᭄ᬜᬵᬲᬸᬓᬢᭀᬫᬦ᭄ᬭᬸᬲ᭄᭞᭠ᬢᬧᬵᬳᬸᬫᬢᬶᬇᬦ᭄ᬤ᭄ᬭᬶᬬ᭞ᬤᬦᬩᬭᬾᬲ᭄ᬓᬳᬤᬦᬶᬦ᭄᭞ᬬᬦ᭄ᬤᬶᬯᬶᬓᬸ᭞ᬪᬶᬓ᭄ᬱᬸᬓᬗᬭᬦ᭄ᬧ᭄ᬭᬪᬚ᭄ᬬ᭚ᬬᭀᬕ
Kaca:Bali-lontar-gaguritan-wrespati-tatwa-300ppi.pdf/15
Kaca puniki sampun kauji-wacén
