[᭑᭕ 15B]
᭑᭕
ᬦ᭄ᬫᬶᬯᬄᬭᬶᬂᬧᬸᬭ᭞ᬬᭀᬕᬲᬫᬥᬶᬦᬾᬭᬗ᭄ᬲᬸᬓ᭄᭞ᬫᬶᬯᬄᬭᬶᬂᬦᬸᬚᬸᬫᬫᬸᬲ᭄ᬧ᭟ᬲᭂᬓᬃᬢᬦ᭄ᬳᬮᬸᬄᬫᬮ᭄ᬯᬶᬄ᭞ᬩᬸᬗᬢᬦ᭄ᬮᬬᬸᬲᬢᬢ᭞ᬫᬓᬲᭂᬫ᭄ᬩᬄᬫᬉᬢ᭄ᬢᬫ᭞ᬢᬶᬗᬶᬫᬤᬾᬲᬂᬓᬲᭂᬫ᭄ᬩᬄ᭞ᬲᬂᬭ᭄ᬯ
ᬯᬶᬢᬶᬂᬳᬸᬭᬶᬧ᭄ᬢᬸᬗ᭄ᬕᬮ᭄᭞ᬲᬭᬶᬦ᭄ᬲᬂᬗᬯᬸᬭᬶᬦ᭄ᬧᬸᬢᬸᬲ᭄᭞ᬢᬸᬗ᭄ᬕᬮ᭄ᬭᬶᬂᬲᬂᬓᬳᬢᬸᬭᬦ᭄᭞ᬢᬸᬗ᭄ᬕᬮ᭄ᬧᬓᬳ᭄ᬬᬸᬦᬾᬲᬸᬘᬶ᭞ᬓᬾᬯᬦ᭄ᬢᭂᬦ᭄ᬢᬶᬳᭀᬲᬦ᭄ᬕᭂᬦᬄ᭞ᬲᬫᬶᬲ᭄ᬮᬦᬶᬂᬮᬸᬧᬫᬾᬗᭂᬢ᭄᭞ᬲ᭄ᬮᬦᬶᬂᬚᬕ᭄ᬭ
ᬢᬸᬭᬸᬫᬯᬲ᭄᭞ᬰᬓ᭄ᬢᬶᬮᬶᬗᬶᬂᬳᬫ᭄ᬩᭂᬓ᭄ᬥᬃᬫ᭄ᬫ᭞ᬲᬢ᭄ᬬᬚᬦᬬᬰᬧᬸᬢᬸᬲ᭄᭞ᬭᬓ᭄ᬱᬭᬸᬫᬓ᭄ᬱᬉᬢ᭄ᬢᬫ᭟ᬫᬥᬃᬫ᭄ᬫᬮᬓ᭄ᬱᬡᬮ᭄ᬯᬶᬄ᭞ᬳᬲᬶᬄᬭᬶᬂᬲᬂᬯ᭄ᬯᬢᬸᬫᬶᬢᬄ᭞ᬲᬓᬓ᭄ᬤᬶᬓ᭄ᬓᬂᬬᬰᬬᬂ᭞ᬧᬂᬲᬂ
ᬲᬰᬫᬮᬘᭀᬭᬄ᭞ᬫᬗ᭄ᬤᬲᬓᬲᬶᬓᬶᬥᬃᬫ᭄ᬫ᭞ᬧᬂᬫᬤᬰᬰᬶᬮᬳᬬᬸ᭞ᬗᬃᬥᬶᬓᬭᬳᬬᭀᬦ᭄ᬚᬕᬢ᭄᭟ᬳᬶᬗ᭄ᬕ᭄ᬬᬦ᭄ᬗ᭄ᬯᬗᬸᬦ᭄ᬧᬸᬭᬩ᭄ᬘᬶᬓ᭄᭞ᬓᬮᬶᬄᬫᬢᬸᬭᬦ᭄ᬓᬧᬸᬭ᭞ᬬᬤ᭄ᬬᬲ᭄ᬢᬸᬦ᭄ᬫᬥᬃᬫ᭄ᬫ
[᭑᭖ 16A]
ᬮᬫ᭄ᬧᬄ᭞ᬯ᭄ᬬᬤᬶᬦ᭄ᬫᬥᬃᬫ᭄ᬫᬩᬦ᭄ᬚᬶᬦᬄ᭞ᬫᬓᬲᬓᬜ᭄ᬘᬦ᭄ᬬ᭞ᬤᬲᬭᬶᬂᬲᬸᬘᬶᬦᬶᬂᬓᬳ᭄ᬬᬸᬦ᭄᭞ᬫᬗ᭄ᬤᬲᬸᬓ᭄ᬱ᭄ᬫᬓᬢ᭄ᬭᬶᬫ᭟ᬤᬰᬮᬓ᭄ᬱᬡᬦᬾᬮ᭄ᬯᬶᬄ᭞ᬧᬗᬶᬘᬮᬦ᭄ᬰᬶᬸᬦ᭄ᬤᬰᬫᬮ᭞ᬤ᭄ᬫᬶᬢ᭄ᬕᭂᬤᭂᬕᬼᬢᭂᬄᬭᬕ᭞ᬓ᭄ᬮᬾ
ᬲᬂᬩᬦ᭄ᬥᬃᬫ᭄ᬫᬮᬓ᭄ᬱᬡ᭞ᬫᬗ᭄ᬤᬲᬬᬦ᭄ᬓ᭄ᬭᬲᬲᬶᬦᬄ᭞ᬓᬮᬗ᭄ᬕᭂᬗᬦ᭄ᬳᬸᬭᬶᬧ᭄ᬳᬶᬓᬸ᭞ᬲᬓᬭᬶᬦᬾᬫᬓᬸᬗ᭄ᬓᬸᬗᬦ᭄᭟ᬫᬗ᭄ᬤᬲᬶᬥᬫᬧᬶᬓᭀᬮᬶᬄ᭞ᬧᬦᬸᬚᭀᬦ᭄ᬳᬸᬭᬶᬧ᭄ᬳᬸᬢ᭄ᬢᬫ᭞ᬦᬸᬗ᭄ᬕᬮ᭄ᬭᬶᬂᬳ᭄ᬬᬂᬯᬶᬥᬶᬯᬰ᭞ᬧᬸᬧᬸᬢᬶᬂᬮᬗ᭄ᬕᭂᬂᬲ
ᬢᬢ᭞ᬲᬂᬲᬫ᭄ᬧᬸᬦ᭄ᬢᬲᬓᬶᬂᬬᭀᬕ᭞ᬗᬭᬦ᭄ᬬᭀᬕᬶᬲᬸᬘᬶᬧᬸᬢᬸᬲ᭄᭞ᬮᬶᬘᬶᬦ᭄ᬚᬮᬸᬄᬧᬦᬸᬗ᭄ᬕᬮ᭄ᬦ᭄ᬬ᭟ᬧᬦᬸᬚᭀᬦ᭄ᬲᬂᬢᬫ᭄ᬩᭂᬓᬶᬸᬢ᭄ᬧᬮᬶᬂ᭞ᬭᬾᬄᬓ᭄ᬮᬶᬧᬸᬢ᭄ᬫᬬᬲᬶᬮᬸᬫᬦ᭄᭞ᬗ᭄ᬭᬦᬂᬯᬶᬸᬧ᭄ᬢᭂᬂᬍᬯᬶᬄᬭᬕ᭞
ᬢᬦ᭄ᬯ᭄ᬭᬸᬄᬭᬶᬂᬢᬸᬚᭀᬦ᭄ᬳᬸᬭᬶᬧᬾ᭞ᬲᬢ᭄ᬫᬫᬃᬕ᭄ᬕᬶᬫᬳᬶᬍᬳᬦ᭄᭞ᬢᬦ᭄ᬯ᭄ᬭᬸᬄᬧᬦᬸᬚᭀᬦ᭄ᬮᬸᬫᬓᬸ᭞ᬫᬗᬯᬶᬦᬂᬓᬦᬶᬃᬕᬸᬦᬦ᭄᭟ᬫᬗ᭄ᬤᬫᬕᬸᬦᬦᬸᬫᬥᬶ᭞ᬳᬾᬲ᭄ᬢᬶᬲᬚᬢᬶᬧᬦᬸᬗ᭄ᬕᬮ᭄᭞ᬓᬤᬶᬧᬢᬧ
Kaca:Bali-lontar-gaguritan-yogga-murtti-300ppi.pdf/16
Kaca puniki sampun kauji-wacén
