[᭒᭔ 24 B]
᭒᭔
᭚᭜᭚ᬧᬸᬧᬸᬄᬲ᭄ᬫᬭᬦ᭄ᬥᬦ᭚᭜᭚ᬦᬗ᭄ᬳᬶᬂᬲᬂᬗᬶᬭᬶᬂᬫᬂᬢᬸᬮᬶᬲ᭄᭞ᬮᬦᬂᬳᬃᬣᬧᬭᬕᬬᬦ᭄᭞ᬩᭂᬗᭀᬂᬫᬜᬶᬗᬓ᭄ᬩᬸᬮᬦᬾ᭞ᬫᬦᬸᬚᬸᬩᬸᬮᬦ᭄ᬧᬹᬃᬡ᭄ᬦᬫ᭞ᬩᭂᬗᭀᬂᬤᬶᬯᬗᬦ᭄ᬫᬦᭂᬕᬓ᭄᭞ᬦᬾᬦ᭄ᬢᭂ᭠
ᬦ᭄ᬫᬗ᭄ᬭᬱᬦᬶᬦ᭄ᬢᬓᬸᬢ᭄᭞ᬲᬫ᭄ᬩᬶᬮ᭄ᬜᬶᬗᬓ᭄ᬮᬗᬶᬢ᭄ᬕᬮᬂ᭟ᬫᬶᬭᬶᬩ᭄ᬤᬦᬾᬗᬚᬓ᭄ᬰᬰᬶᬄ᭞ᬫᬗ᭄ᬭᬱᬓᬮᬶᬄᬳᬶᬩᬶᬦ᭄ᬢᬂ᭞ᬫᬦᬸᬢᬸᬃᬳᬚᬓ᭄ᬳᬮᬫᬾ᭞ᬧᬗ᭄ᬭᬱᬦᬾᬚ᭄ᬭᭀᬦᬶᬂᬕᬃᬩ᭄ᬪ᭞ᬫᬶᬭᬶᬩ᭄ᬤᬦᬾᬫᬗᬢᬹᬭᬂ᭞ᬫᬮᬂ᭠
ᬦᬲᬶᬩ᭄ᬢᬶᬢᬶᬬᬂᬢᭂᬧᬸᬓ᭄᭞ᬦᬾᬫᬗ᭄ᬓᬶᬦ᭄ᬧᬹᬃᬡ᭄ᬦᬬᬂᬢᬶᬢᬶᬬᬂ᭟ᬓᬬᬸᬜ᭄ᬘᬶᬦ᭄ᬢᬫᬗᭂᬦ᭄ᬢᭀᬲᬶᬦ᭄᭞ᬗᬶᬘ᭄ᬙᬾᬦᬶᬦ᭄ᬦᬶᬓ᭄ᬫᬢ᭄ᬭᬶᬂᬫᬦᬄ᭞ᬢᬶᬩᬦ᭄ᬳᬘᬮᬂᬩᬭᬗᬾ᭞ᬫᬗ᭄ᬓᬶᬦ᭄ᬩᬭᬗᬾᬧᬸᬦᬶᬓ᭞ᬲᬵᬫ᭄ᬧᬸᬦ᭄ᬫᬮᬶᬄᬓ
ᬓᬳᬶᬦᬶᬬᬂ᭞ᬳᬶᬘᬮ᭄ᬲᬤᬸᬓ᭄ᬲᬾᬥᬦ᭄ᬳᬶᬩᬸ᭞ᬲᬤᬸᬓ᭄ᬳᬶᬬᬚᬶᬦᬾᬲᬾᬥ᭟ᬩᬭᬗᬾᬢᬦ᭄ᬲᬶ᭠ᬬᭀᬲ᭄ᬳᬢᬶ᭞ᬲᬦᬾᬩᭂᬘᬶᬓ᭄ᬢᬹᬃᬫᬳᬃᬕ᭄ᬕ᭞ᬫᬗ᭄ᬓᬶᬦ᭄ᬯᬸᬲ᭄ᬓᭂᬦᭂᬓᬢᬸᬓᭀᬦ᭄᭞ᬳᬗ᭄ᬕ᭄ᬭᬾᬡᬶᬲᬦᬾᬫᬫᬓ᭄ᬢ᭞
[᭒᭕ 25 A]
ᬭᬭᬶᬲ᭄ᬫᬫᬸᬚᬶᬢᬸᬳᬦ᭄᭞ᬢᬶᬢᬶᬬᬂᬲᬵᬫ᭄ᬧᬸᬦ᭄ᬓᬶᬘ᭄ᬙᬾᬦ᭄ᬳᬶᬤᬸᬧ᭄᭞ᬳᬶᬤᬸᬧᬾᬫᬦᬳᬂᬢᬶᬢᬶᬬᬂ᭟᭠ᬢᬦ᭄ᬪᬶᬦᬲᬹᬃᬬ᭄ᬬᬦᬾᬫᬶᬚᬶᬮ᭄᭞ᬓᬤᬶᬲᬂᬗᬦ᭄ᬢᭀᬲᬂᬩᬸᬯᬄ᭞ᬲᬓᬤᬶᬲᬸᬭᬢ᭄ᬚᬾᬦ᭄ᬤ᭄ᬭᬮᬾ᭞ᬧᬺᬱᬶᬤᬾ᭠
ᬦᬾᬲᬦᬾᬦ᭄ᬭᬶᬫ᭞ᬫᬦ᭄ᬭᬗᬂᬲᬵᬫ᭄ᬧᬸᬦ᭄ᬫᭂᬦᬂ᭞ᬮᬾᬤᬂᬓᬬᬸᬦᬾᬫᬗ᭄ᬮᬶᬧᬸᬢ᭄᭞ᬳᬗ᭄ᬕ᭄ᬭᬾᬡᬶᬬᬳᬗ᭄ᬕᭀᬦ᭄ᬜᬫ᭟ᬳᬾᬮᬶᬂᬭᬶᬂᬲᬸᬭᬢ᭄ᬫᬓᬶᬭᬶᬫ᭄᭞ᬫᬶᬦᬩ᭄ᬳᬓᬾᬄᬲᬦᬾᬳᬶᬯᬂ᭞ᬲᬸᬯᬾᬚᬗ᭄ᬕᭂᬮ᭄ᬩᬩᬯᭀ
ᬲᬾ᭞ᬯᬾᬦ᭄ᬢᭂᬦ᭄ᬫᬶᬦᬩ᭄ᬓᬧᬵᬢᬹᬢᬂ᭞ᬳᬦᬓ᭄ᬢ᭄ᬭᬸᬡᬗᬶᬭᬶᬫ᭄ᬲᬸᬭᬢ᭄᭞ᬫᬶᬦᬩ᭄ᬳᬗ᭄ᬕ᭄ᬭᬾᬡᬶᬬᬗᬫ᭄ᬩᬸᬮ᭄᭞ᬢᬓᬸᬢ᭄ᬓᬬᬸᬦᬾᬲᬗ᭄ᬲᬭ᭟ᬓᬬᬸᬦ᭄ᬲᬗ᭄ᬲᬬᬦᬾᬭᬶᬂᬚᭂᬭᬶᬄ᭞ᬲᬫᬶᬲᬵᬫ᭄ᬧᬸᬦ᭄ᬫᬮᬭᬤᬦ᭄᭞ᬫᬮᬾ᭠
ᬧᬄᬘᬶᬦ᭄ᬢᬓᬬᬸᬦᬾ᭞ᬘᬶᬗᬓᬶᬦ᭄ᬮᬗᬶᬢᬾᬕᬮᬂ᭞ᬓᬦ᭄ᬢᭂᬦ᭄ᬩᬶᬦ᭄ᬢᬗᬾᬲᬯᬢ᭄᭞ᬓᬲᬶᬳᬦ᭄ᬳᬶᬧᬸ᭠ᬦ᭄ᬳᬶᬩᬫ᭄ᬩᬸ᭞ᬫᬋᬕᭂᬡ᭄ᬥᬶᬂᬓᬲᭂᬫᬭᬦ᭄᭟ᬲᬫᬶᬘᬶᬗᬓ᭄ᬗᬸᬮᬗᬸᬦᬶᬦ᭄᭞ᬤᬾᬦᬶᬂᬓᬬᬸᬦ᭄ᬓᬲᭂᬫᬭᬦ᭄᭞ᬫᬸᬗ᭄ᬕᬄ
Kaca:Bali-lontar-geguritan-anggreni-300ppi.pdf/25
Kaca puniki sampun kauji-wacén
