[᭑ 1B]
᭑
᭚ ᭜ ᭚ᬳᬶᬕᬦ᭄ᬢᬶᬢᭂᬓᬾᬦ᭄ᬳᬶᬮᬘᬸᬃ᭚ ᭜ ᭚ᬤᬶᬩᬜ᭄ᬚᬃᬓᭂᬮᭀᬤᬦ᭄ᬳᬤᬳᬦᬓ᭄ᬫᬤᬦ᭄ᬳᬶᬩᬢᬸ᭞ᬬᬮᬘᬸᬃᬧᭂᬲᬦ᭄ᬮᬸᬤᬶᬦ᭄ᬫᬬᬸᬲ᭄᭞᭠ᬢᬸᬲᬶᬂᬧᬢᬶᬜᬓ᭄ᬗᬮᬶᬄᬕᬕᬳᬾᬦ᭄᭞ᬳᭂᬦ᭄ᬢᭀᬓ᭄ᬭᬦᬦ᭄ᬦᬾᬬᬓᬧᬄᬓᬧᬄᬜᬶᬤᬬᬂᬜᬓᬦ᭄᭟ᬲᭂᬤᭂᬓ᭄ᬤᬶᬦᬕᬦᬸᬫᬧᬳᬶᬢᬸᬗᬦ᭄ᬓᭀᬦᬾ
ᬬᬳᬚᬓᬓᬸᬋᬦᬦ᭄ᬦᬾ᭟ᬫᬾᬦ᭄ᬦᬾ᭞ᬫᬾᬫᬾᬦ᭄ᬦᬾ᭞ᬳᬧᬳᬯᬓᬾᬚᬦᬶᬲᬸᬩᬫᭂᬤ᭄ᬗᬗ᭄ᬕᬸᬃᬤᭀᬕᬾᬦ᭄᭞ᬧᭂᬮᬦᬼᬗ᭄ᬓᬾᬓ᭄ᬲᬸᬩᬩᬲᬂᬳᬯᬓᬾᬢᬸᬲᬶᬂᬗᬫᬄᬗᬫᬄ᭞ᬫᭂᬦ᭄ᬜᬳᬶᬫᬳᬦᭂᬦᭂᬗᬗᬮᬶᬄᬧᬶᬧᬶᬲ᭄ᬜᬂᬲᭂᬮᬳᬾᬮᬓᬃᬕᬗ᭄ᬕᭀᬦ᭄ᬳᬯᬓᬾᬓᭂᬫᬸᬮᬦ᭄ᬫᬤᬕᬂ᭟ᬫᬲᬳᬸ᭠
ᬢ᭄ᬦᬶᬮᬸᬄ᭞ᬫᭂᬦ᭄ᬳᬧᬳᬦᬾᬮᬓᬃᬳᬤᭂᬧ᭄ᬘᬳᬶ᭟ᬲᭂᬭ᭞ᬤᬶᬚᬬᬳᬤᬳᬸᬦ᭄ᬤᬸᬓᬦ᭄ᬮᬓᬃᬫᬳᬦ᭄ᬩᬢᬶᬮ᭄ᬬᬸ᭞ᬬᬗᬦ᭄ᬤᭂᬮᬂᬓᭂᬫᬸᬮᬦ᭄ᬢ᭄ᬯᬄᬲᭂᬮᬳᬾ᭟ᬫᭂᬲᬳᬸᬢ᭄ᬦᬾᬫ᭄ᬯᬦᬶ᭟ᬓᭂᬫᬢᬾᬲᬸᬩᬫᭂᬚᬮᬦ᭄ᬗᬮᬶᬄᬧᬶᬧᬶᬲ᭄᭞ᬳᭀᬭᬳᬂᬤᭀᬕᬾᬦ᭄ᬮᬓᬃᬳᬗ᭄ᬕᭀᬦ᭄ᬓᭂᬫᬸᬮᬦ᭄ᬫᭂᬤᬕᬂ᭞ᬧᭂᬤ᭠
ᬲ᭄ᬳᬤᬳᬦᬓ᭄ᬳᬦᬾᬢᬸᬮᬸᬂᬢᭂᬓᬾᬦ᭄ᬤᬾᬯᬾᬓᬾ᭟ᬫᭂᬚᬮᬦ᭄ᬮᬦ᭄ᬢᬲ᭄ᬓᬸᬋᬦᬦ᭄ᬳᬶᬩᬢᬸᬦᬾᬫᭂᬲ᭄ᬯᬂᬮᬓᬃᬜᬶᬮᬶᬄᬧᬶᬧᬶᬲ᭄᭞ᬫᬶᬍᬳᬦ᭄ᬓᭀᬦᬾᬤᬶᬬᬜ᭄ᬚᬭᬦ᭄ᬦᬾᬦᬕᬶᬄᬜᬶᬮᬶᬄᬧᬶᬧᬶᬲ᭄᭞ᬧᬫ᭄ᬭᬕᬢ᭄ᬲᬸᬩᬲᬜ᭄ᬚᬫᬭᬓᭀᬦᬾᬬᬫᬳᬦ᭄᭟ᬫᬸᬮᬶᬄᬮᬦ᭄ᬢᬲ᭄ᬬ᭞ᬧᬶᬧᬶᬲ᭄ᬦᬾᬩᬳᬗᬓᬸ
[᭒ 2A]
ᬋᬦᬦ᭄ᬦᬾ᭟ᬩ᭄ᬯᬶᬦ᭄ᬫᬦᬶᬦ᭄ᬦᬾ᭞ᬳᬶᬩᬢᬸᬫᭂᬮᬶᬓᭀᬦᬾᬲᭂᬭᬳᬚᬶᬲᭂᬮᬳᬾ᭞ᬫᬳᬦ᭄ᬮᬶᬫᬂᬩᬸᬗ᭄ᬓᬸᬮ᭄᭟ᬗᬮᬶᬄᬮᬦ᭄ᬢᬲ᭄ᬬᬓᬶᬢ᭠ᬓᬦ᭄ᬤᬲᬳᬸᬓᬸᬤ᭄᭟ᬫᬓᬤᬲᬮᬶᬸᬓᭀᬦᬾᬮᬦ᭄ᬢᬲ᭄ᬳᬸᬯᬧᬳᬚᬶᬲᭂᬭᬫᭂᬜᬸᬕ᭄᭟ᬬ[strike/]ᬮ[/strike]ᬫᬓᭂᬦᭂᬄᬮᬓᬃᬗᬤᭂᬧ᭄ᬤᬬ᭞ᬓᬶᬢᬓᬦ᭄ᬦᬾᬳᬧᬂᬓ
ᬤᬾᬦᬲᭂᬭᬫᬓᬳᬸᬓᬸᬤ᭄᭟ᬮᬦ᭄ᬢᬲ᭄ᬢᭂᬕᭂᬦᬓᭀᬦᬾᬓᬶᬢᬓᬦ᭄ᬦᬾᬫᬳᬸᬯᬧ᭄ᬲᭂᬭᬳᬩᬦᬓᬧᭂᬓᭂᬦ᭄᭟ᬲᬸᬩᬦᭂᬓᭂᬤᬶᬧᭂᬓᭂ᭠ᬦ᭄᭞ᬫᬓᭂᬚᬂᬳᬦᬓᬾᬫᬫᭂᬓᭂᬦ᭄ᬢᬜ᭄ᬚᬾᬦᬲᭂᬭ᭟ᬲᭂᬭᬚ᭄ᬭᭀᬲᭂᬭ᭞ᬳᬓᬶᬢᬓᬦ᭄ᬳᬚᬶᬲᭂᬮᬳᬾ᭟ᬓᬾᬢᭀᬤᭀᬕᬾᬦ᭄ᬓᭀᬦᬾᬳᬸᬘᬧ
ᬦ᭄ᬦᬾ᭞ᬦᬗᬶᬂᬮᬘᬸᬃ᭞ᬜᬗᬤᬶᬭᬶᬢ᭄ᬯᬭᬳᬤᬳᬦᬓ᭄ᬗᬭᬶᬗ᭄ᬲᬸᬦᬂ᭟ᬲᬸᬩᬓᭂᬜᭂᬮ᭄ᬫᬳᬶᬍᬄ᭞ᬫᬲᬶᬄᬢᬸᬲᬶᬂᬳᬤᬦᬓ᭄ᬫᭂᬮᬶᬦᬶᬦ᭄᭞ᬮᬦ᭄ᬢᬲ᭄ᬫᬭᬾᬭᬾᬦ᭄ᬬᬤᬶᬲᬶᬲᬶᬦ᭄ᬭᬸᬭᬸᬗᬾ᭟ᬚᬦᬶᬓᬘ᭄ᬭᬶᬢᬤᬶᬩᬜ᭄ᬚᬃᬓᬚᬦᬦ᭄᭞ᬳᬤᬳᬦᬓ᭄ᬫᬤᬦ᭄ᬳᬶᬮᬧᬃ᭞ᬫᬲᬶᬄᬮᬘᬸᬃᬧᭂᬲᬦ᭄᭞ᬢᬸᬲᬶᬂᬗᭂ
ᬮᬄᬕᬕᬳᬾᬦ᭄᭞ᬧᬢᬸᬄᬩᬸᬓᬳᬶᬩᬢᬸᬦᬾ᭟ᬫᬧᬳᬶᬢᬸᬗᬦ᭄ᬓᭀᬦᬾᬳᬶᬮᬧᬃᬳᬚᬓᬓᬸᬋᬦᬦ᭄ᬦᬾ᭟ᬫᬾᬫᬾᬦ᭄ᬦᬾ᭞ᬫᬾᬫᬾᬦ᭄ᬦᬾ᭞ᬜᬳᬶᬗᭂᬮᬄᬧᬶᬧᬶᬲ᭄ᬜᬂᬮᬶᬫᭀᬮᬲ᭄᭞ᬳᬯᬓᬾᬚᬩᬚᬂ᭞ᬮᬓᬃᬳᬗ᭄ᬕᭀᬦ᭄ᬓᭂᬫᬸᬮᬦ᭄ᬫᬤᬕᬂ᭟ᬫᬲᬳᬸᬢ᭄ᬦᬾᬮᬸᬄ᭟ᬳᬧᬲᬶᬄᬮᬓᬃᬳᬤᭂᬧ᭄
Kaca:Bali-lontar-i-ganti-teken-i-lacur.pdf/2
Kaca puniki sampun kauji-wacén
