[᭕ 5B]
᭕
ᬦᬂᬲᬧᬸᬦᬶᬓᬭᬶᬂᬢ᭄ᬬᬂ᭞ᬬᬦ᭄ᬢᬦ᭄ᬫᬲᬲᬦ᭄ᬢᬸᬦ᭄᭞ᬢᬦ᭄ᬲ᭄ᬯᬾᬘᬧᬦᭂᬫ᭄ᬩᬳᬦ᭄ᬢ᭄ᬬᬗᬾᬲᬦᬾᬗᬫᬃᬕ᭄ᬬᬂᬢ᭄ᬬᬂ᭟ᬫᬲᬳᬸᬢ᭄ᬳᬦᬓᬾᬳᭂᬦ᭄ᬢᭀ᭟ᬫᭂᬦ᭄ᬦᬧᬶᬓ᭄ᬯᬦ᭄ᬢᭂᬦ᭄ᬲᬦᬾᬧᬘᬂᬩᬓ᭄ᬢᬦ᭄ᬢ᭄ᬬᬂᬫᬭᬶᬓᬶ᭟ᬫᬲᬳᬸᬢ᭄ᬳᬶᬮᬧᬃ᭞ᬓᬾᬦᬾᬚ᭄ᬭᭀ᭞ᬢ᭄ᬬᬂᬲᬶᬂᬚᬮ᭄ᬬᬸᬮ᭄ᬬᬸᬦᬕᬶᬳᬶᬦ᭄ᬚ᭄ᬭᭀᬦᬾᬲᬲ᭄ᬲᬦ᭄ᬢᬸᬦ᭄᭞ᬳ
ᬧᬂᬤᬩᬸᬓᬲᬲᭂᬗ᭄ᬕᬓᬾ᭞ᬜᬓᬶᬢᬶᬦ᭄ᬳᬦᬓ᭄ᬲᬓᬶᬢ᭄᭞ᬩᬳᬲ᭄ᬳᬘᬢᬸ᭞ᬢᬮᬸᬄᬩᬾᬩᬾᬓ᭄ᬧᭂᬢᬂᬩᬸᬗ᭄ᬓᬸᬮ᭄᭞ᬩᬓᬮ᭄ᬩᬲᬕᭂᬦᭂᬧ᭄᭞ᬧ᭠ᬬᬸᬓ᭄ᬫ᭄ᬯᬄᬓᬸᬲ᭄ᬓᬸᬲᬦ᭄ᬧᬥᬫᬩᭂᬲᬶᬓ᭄᭞ᬢᭂᬓᬾᬦ᭄ᬫᬧᬶᬧᬶᬲ᭄ᬲᬢᬓ᭄ᬲᬾᬓᭂᬢ᭄᭟ᬗ᭄ᬕᬶᬄ᭟ᬬᬦ᭄ᬓᬾᬦ᭄ᬢᭂᬦ᭄ᬢ᭄ᬬᬂᬫᬧᬫᬶᬢ᭄ᬩᬸᬤᬮ᭄ᬳᬚᭂᬜᬾᬲ᭄ᬗᬫ᭄ᬩᬶᬮ᭄ᬲ
ᬧᬸᬦᬶᬓ᭟ᬫᬸᬮᬶᬄᬮᬦ᭄ᬢᬲ᭄ᬳᬦᬓᬾᬳᭂᬦ᭄ᬢᭀ᭞ᬜᬦᬦ᭄ᬦᬾᬢᭂᬓᬮᬦ᭄ᬢᬲ᭄ᬗᬩᬩᬸᬓᬧᬗᬶᬤᬶᬄᬳᬶᬮᬧᬭᬾ᭟ᬤᬶᬢᬸᬮᬦ᭄ᬢᬲ᭄ᬳᬶᬮᬧᬃᬜᬭᬸᬜᬭᬸᬫᬫᬦ᭄ᬢ᭄ᬭ᭞ᬕ᭄ᬭᬶᬬᭂᬂᬕ᭄ᬭᬶᬬᭂᬂ᭞ᬜᬦ᭄ᬦᬸᬮᬾᬗᬾᬦ᭄᭞ᬜᬦ᭄ᬗᬸᬦ᭄ᬢᬸᬮ᭄᭞ᬳᬤᬚᭂᬦᭂᬗᬳᬫᬢ᭄ᬬᬦ᭄ᬳᬤᭂᬫ᭄ᬬᬓᬾᬢᭀ᭞ᬫᬭᬓᬦ᭄ᬢᬲ᭄ᬬᬦᭂᬭᬗᬂᬢᭀ᭠
ᬗᭀᬲ᭄ᬚᬭᬦ᭄ᬦᬾ᭟ᬚ᭄ᬭᭀ᭞ᬚᬭᬦ᭄ᬚ᭄ᬭᭀᬦᬾᬤ᭄ᬭᬶᬓᬩᭂᬤᬚᬤᬶᬩᭂᬄᬢᬦ᭄ᬧᬸᬮᬾᬦᬾᬫᬢᭂᬕᬸᬮ᭄᭞ᬩᬸᬮᬸᬦ᭄ᬦᬾᬤᬯᬸᬦ᭄᭞ᬳᬤᬳᬫᭀᬦ᭄ᬢᭀ᭟ᬤᬶᬦᬶᬮᬓᬸᬩᭂᬦᭂᬄᬓᬚᬦᬂᬤᭀᬕᬾᬦ᭄᭞ᬮᬫᬸᬦ᭄ᬦᭂᬧᬸᬓᬶᬦ᭄ᬧᬸᬃᬜᬦ᭄ᬧᬸᬮᬾ᭞ᬩᭂᬢᬾᬦ᭄ᬦᬾᬩᭂᬢ᭄᭞ᬤᬶᬢᬸᬲᬸᬩᬫᬢᭂᬕᬸᬮ᭄᭟ᬓᭂᬫᬮᬦ᭄ᬢᬲ᭄ᬳ᭠
[᭖ 6A]
ᬦᬓᬾᬳᭂᬦ᭄ᬢᭀ᭞ᬲᬚᬳᬦ᭄ᬤᬶᬢᬸᬩᬓᬢᬗᬜ᭄ᬚᬭᬦ᭄ᬦᬾ᭟ᬳᬶᬩᬢᬸᬳᬚᬓᬳᬶᬮᬧᬃᬳᬾᬧᭀᬢ᭄ᬮᬦ᭄ᬢᬲ᭄ᬜᬓᬦ᭄᭞ᬗᬳᬾᬚᬸᬓᬸᬢ᭄᭞ᬲᬸᬩᬧᬥᬍᬩᭂᬂ᭞ᬫᬤᬳᬃᬮᬦ᭄ᬢᬲ᭄ᬳᬚᬓᬤᬤ᭄ᬯ᭞ᬜᬾᬮᭀᬜᬾᬮᭀᬲᭀᬧᬦ᭄ᬦᬾ᭞ᬲᬯᬶᬭᬾᬄᬳᬸᬮᬶᬳᬶᬩ᭄ᬬᬦ᭄ᬢ᭄ᬯᬭᬓ᭄ᬦᬦᬲᬶ᭟ᬓᬘ᭄ᬭᬶᬢᬚ
ᬦᬶᬳᬶᬤᬳᬦᬓᬾᬳᬕᬸᬂᬤᬶᬦᬕᬭᬓᬳᬶᬘᬮᬦ᭄ᬚᬭᬦ᭄᭞ᬳᬦᬾᬫᬫᬮᬶᬂᬧᬋᬓᬦ᭄ᬳᬶᬤᬦᬾᬳᬚᬓᬤᬤ᭄ᬯ᭞ᬫᬤᬦ᭄ᬳᬶᬕᬦ᭄ᬢᬶᬢᭂᬓᬾᬦ᭄ᬳᬶᬮᬘᬸᬃ᭞ᬳᭂᬗ᭄ᬓᭂᬩᬗᬤᬶᬧᬗ᭄ᬓᬸᬗᬦᬾ᭟ᬫᬲᭂᬮᬶᬯᭂᬭᬦ᭄ᬧᬜ᭄ᬚᬓ᭄ᬳᬶᬤᬦᬾᬗᬮᬶᬳᬮᬶᬳᬶᬦ᭄᭞ᬫᬲᬶᬄᬢ᭄ᬯᬭᬩᬓᬢᬗ᭟ᬚᬦᬶᬓᬘ᭄ᬭᬶᬢᬳᬦᬓᬾ
ᬫᬳᬦ᭄ᬓᬾᬮᬗᬦ᭄ᬚᬭᬦ᭄ᬤᬶᬳᬮᬲᬾ᭞ᬳᬶᬗᭂᬢ᭄ᬢᭂᬓᬾᬦ᭄ᬚ᭄ᬭᭀᬩᬮ᭄ᬬᬦ᭄ᬮᬧᬃᬭᬶᬭᬶᬄᬫᬢᭂᬳᬸᬂ᭞ᬳᭂᬦ᭄ᬢᭀᬮᬦ᭄ᬢᬲ᭄ᬳᬸᬦᬶᬗᬗᬢᭂᬓᬾᬦ᭄ᬳᬶᬤᬳᬦᬓᬾᬳᬕᬸᬂ᭟ᬧ᭄ᬭᬚᬦᬶᬬᬦ᭄ᬮᬦ᭄ᬢᬲ᭄ᬳᬶᬤᬳᬦᬓᬾᬳᬕᬸᬂᬗᬦ᭄ᬤᬶᬓᬬᬂᬗᬮᬶᬄᬳᬶᬮᬧᬃᬓᬮᬲᬾ᭞ᬮᬓᬃᬓᬦ᭄ᬤᬶᬓᬬᬂᬦᭂᬦᬸᬗᬶᬦ᭄ᬚᬭᬦ᭄ᬳᬶᬤᬦᬾ᭟
ᬲᬸᬩᬫᬢᭂᬫᬸᬳᬸᬢᬸᬲᬦ᭄ᬳᬶᬤᬦᬾᬢᭂᬓᬾᬦ᭄ᬳᬶᬮᬧᬃ᭞ᬗᭀᬫᭀᬳᬶᬬᬸᬢᬸᬲᬦ᭄᭟ᬚ᭄ᬭᭀᬩᬮ᭄ᬬᬦ᭄᭞ᬢ᭄ᬬᬂᬗᬭᬢᬸᬳᬂᬧᬗᬦ᭄ᬤᬶᬓᬦ᭄ᬳᬶᬤᬳᬦᬓᬾᬳᬕᬸᬂ᭞ᬚ᭄ᬭᭀᬦᬾᬫᬗ᭄ᬤᬢᬗ᭄ᬓᬶᬮ᭄ᬳᬸᬕᬶᬭᬳᬶᬦᬦᬾᬫᬗ᭄ᬓᬶᬦ᭄ᬓᬧᬸᬭᬶ᭞ᬚ᭄ᬭᭀᬦᬾᬧᬘᬂᬓᬧᬗᬦ᭄ᬤᬶᬓᬬᬂᬦᭂᬦᬸᬗᬶᬦ᭄ᬓᬸᬤᬤ᭄ᬭᬸᬯᬾᬦᬾᬲᬦᬾᬳᬶ
Kaca:Bali-lontar-i-ganti-teken-i-lacur.pdf/6
Kaca puniki sampun kauji-wacén
