Kaca:Bali-lontar-ken-angrok-300ppi.pdf/40

[᭓᭙39B]
ᬤᬳ᭞ᬤᬾᬦᬶᬂᬢᬾᬗᬶᬭᬭᬤᬾᬦ᭄ᬯᬶᬚᬬ᭞ᬢᬦ᭄ᬳᬦᬦᬶᬂᬗᬧᬸᬮᬶᬄ᭞ᬳᬦᬸᬮᬶᬕᬯᬸᬲᬦ᭄᭟ᬲᬗ᭄ᬓᬭᬤᬾᬦ᭄ᬯᬶᬚᬬᬲᬓ᭄ᬱᬬᬦ᭄ᬓᬲᭀᬦ᭄ᬢ᭄ᬭᬶᬤᬳᬤᬾᬦᬶᬂ᭞ᬢᬗᬶᬭ᭞ᬢᬸᬫᬸᬮᬶᬳᬓᬶᬭᬶᬫ᭄ᬳᬦ᭄ᬤᬶᬓᬭᬶᬂᬲᬶᬭᬯᬷᬭᬭᬵᬚ᭞ᬳᬯᭂᬓ
ᬲᬢᬹᬭᬓᭀᬦᬦ᭄ᬤᬳᬳᬮᬶᬲᬶᬂᬯᭀᬂᬢ᭄ᬭᬶᬓ᭄᭞ᬲᬸᬓᬲᬶᬗᬚᬶᬓᬢᭀᬂᬬᬢᬫᬹᬮᬦᬶᬗᬦᬭᬸᬓᬳᬮᬲᬶᬂᬯᭀᬂᬢ᭄ᬭᬶᬓ᭄᭞ᬤᬸᬓ᭄ᬫᬳᬸᬢᬶᬦᬭᬸᬓᬤᬾᬦᬶᬂᬯᭀᬂᬫᬥᬹᬭ᭞ᬳᬦᬯᭀᬂᬳᬮᬯᬵᬓᬸᬭᬂᬦᬶᬧᬸᬦᬩᬩᬤ᭄᭞ᬳ
ᬫᬗᬦ᭄ᬫᬚ᭞ᬓᬧᬳᬶᬢᭂᬦ᭄᭞ᬲᬫᬤᬾᬧᬸᬦ᭄ᬩᬸᬜ᭄ᬘᬮᬦ᭄ᬢᬸᬓᬶᬧᬸᬦᬭᬸᬭᬹᬫᬚᬧᬸᬦᬶᬓ᭟ᬓᬲᬸᬩ᭄ᬬᬦ᭄ᬯᭀᬦ᭄ᬢᭂᬦ᭄ᬯᭀᬳᬶᬂᬫᬚᬤᬳᬢᬧᬳᬶᬢ᭄ᬭᬱᬦᬶᬧᬸᬦ᭄᭞ᬲᬶᬗ᭄ᬕᬶᬄᬢᬳᬶᬗᬭᬦᬶᬂᬫᬚᬧᬳᬶᬢ᭄᭟ᬲᬫ᭄ᬧᬸᬦ᭄ᬓᬯᬶᬮᬂᬲᬢᬶᬗ᭄ᬓᬄᬧᭀ
ᬮᬳᬶᬂᬤᬳᬤᬾᬦᬶᬭᬭᬤᬾᬦ᭄᭞ᬭᬶᬂᬫᬚᬧᬳᬶᬢ᭄ᬲᬫ᭄ᬧᬸᬦᬭᬹᬧᬤᬾᬰ᭞ᬯᭀᬗᬶᬭᬯᬷᬭᬭᬵᬚᬳᬲᬭᬯᬬᬦ᭄ᬫᬭᬶᬂᬤᬳ᭞ᬳᬧᬭᬦ᭄ᬢᬸᬦᬦᬶᬂᬫᬚᬧᬳᬶᬢ᭄᭞ᬲᬶᬭᬯᬷᬭᬗᬚᬳᬯᭂᬓᬲᬢᬸᬭᬶᬂᬭᬤᬾᬦ᭄᭞ᬧᬾᬮᬳᬶ
[40A]
ᬭᬵᬫᬶᬢᬭᬶᬂᬲᬶᬭᬵᬕᬚᬶᬓᬢᬾᬂ᭞ᬲᬫᬗ᭄ᬓᬭᬤᬾᬦ᭄ᬯᬶᬚᬬᬵᬫᬢᬗ᭄ᬳᬃᬭᬶᬂᬫᬳᬷᬧᬳᬶᬢ᭄᭟ᬲᬸᬓᬲᬶᬭᬵᬓᬢᬾᬂ᭞ᬓᬢᬸᬗ᭄ᬓᬸᬮ᭄ᬤᬾᬦᬶᬂᬲᬶᬄ᭞ᬮᬯᬦ᭄ᬩᬶᬸᬲᬦᬶᬭᬭᬤᬾᬦᬲᬾᬯᬓ᭞ᬓᬤᬶᬢᬸᬳᬸ᭞ᬲᬫ᭄ᬧᬸᬦᬶᬭᬭ
ᬤᬾᬦ᭄ᬯᬶᬚᬬᬳᬗ᭄ᬳᬾᬭᬶᬂᬫᬚᬧᬳᬶᬢ᭄᭞ᬳᬲᬸᬂᬲᬧᬾᬓ᭄ᬱᬭᬶᬂᬲᬶᬭᬯᬷᬭᬭᬵᬚ᭟ᬬᬦ᭄ᬲᬫ᭄ᬧᬸᬦ᭄ᬓᬓᬯᬯᬲᬂᬫᬦ᭄ᬢ᭄ᬭᬶᬤᬳᬤᬾᬦᬶᬭ᭞ᬤᬾᬦᬶᬂᬲᬓᬯᬸᬮᬦᬶᬭ᭞ᬭᬤᬾᬦ᭄ᬯᬶᬚᬬᬲᬶᬭᬵᬗᬚᬓᬶᬂᬲᬶᬭᬯᬷᬭᬭᬵᬚᬳᬫᬺ
ᬧᬾᬤᬳ᭞ᬲᬶᬭᬯᬷᬭᬭᬵᬚᬳᬦᬓᬹᬰᬶᬳᬗᬸᬘᬧᬶᬂᬳᬸᬢᬸᬲᬦ᭄ᬳᬚᬕᭂᬭᬸ᭞ᬳᬦᬳᬸᬧᬬᬦᬶᬲᬸᬦ᭄ᬫᬦᬶᬄ᭞ᬫᬢᬸᬭᬲᬶᬭᬓᬶᬧᬗᬮᬲᬦᬶᬭ᭞ᬭᬶᬂᬲᬶᬭᬧᬗᬾᬭᬦᬶᬲᬸᬦᬫᬶᬢ᭄ᬭᬮᬯᬦ᭄ᬲᬂᬭᬢᬸᬭᬶᬂᬢᬢᬃ᭞ᬳᬶᬲᬸᬦ᭄ᬢᬯᬦ
ᬦᬾᬭᬵᬚᬧᬸᬢ᭄ᬭᬶ᭞ᬲᬶᬭᬢᬓᬓᬶᬧᬗᬮᬲᬦ᭄ᬦᬶᬭ᭞ᬫᬸᬮᬶᬳᬫᬗ᭄ᬓᬾᬓᬶᬫᬭᬶᬂᬫᬳᬷᬧᬳᬶᬢ᭄᭞ᬲᬓᬧᬸᬗ᭄ᬓᬸᬭᬶᬲᬸᬦᬓᬶᬭᬶᬫ᭄ᬲᬸᬭᬢ᭄ᬫᬭᬶᬂᬢᬢᬃᬳᬧᬦ᭄ᬧᬭᬳᬸᬲᬓᬶᬂᬢᬢᬃᬦᬗ᭄ᬓᭀᬳᬦᬳᬤᬕᬂᬫᬾᬭᬾᬦᬾ᭞