[᭑ 1B]
᭑
᭚᭜᭚ᬮᬸᬩᬓ᭄ᬚᬾᬗ᭄ᬕᭀᬢ᭄᭚᭜᭚ᬓᬘ᭄ᬭᬶᬢᬤᬶᬤᬾᬰᬳᬦᬸᬳᬤᬓᭀᬦᬾᬳ(ᬦ)ᬓ᭄ᬫᬓᬸᬋᬦᬦ᭄᭞ᬳᬦᬾᬫ᭄ᬯᬦᬶᬩᬕᬸᬲ᭄᭞ᬳᬦᬾᬮᬸᬄᬚᭂᬕᬾᬕ᭄ᬧᭂᬲᬗᭀᬩᬦ᭄ᬕᭀᬩᬦ᭄ᬦᬾ᭟ᬳᬦᬾᬮᬸᬄᬲᬳᬶᬲᬳᬶᬓᭀᬦᬾᬫᬤᬕᬂᬚᬚᬚᬚᬳᬦ᭄ᬤᬶᬧᬤᬶᬯᬗᬦ᭄ᬳᬸᬫᬄᬦᬾ᭟ᬯᬶᬭᬾᬄ
ᬬᬳᬦᬓ᭄ᬮᬸᬄᬚᭂᬕᬾᬕ᭄ᬩ᭄ᬯᬶᬦ᭄ᬢᬸᬯᬸᬄᬦᬾᬦᬸᬩᬚᬂ᭞ᬲᬳᬶᬲᬳᬶᬮ᭄ᬬᬸᬮ᭄ᬬᬸᬧᭂᬲᬦ᭄ᬳᬦᬓᬾᬗᬗ᭄ᬕᬸᬭᬶᬦ᭄᭟ᬤᬕᬗᬦ᭄ᬦᬾᬮᬳᬶᬲ᭄ᬫᬕᬾᬢ᭄ᬦ᭄᭞ᬚᬚᬦ᭄ᬦᬾᬢᬦ᭄ᬧᬕᬸᬮᬓᬢᭀᬦᬗᬦ᭄ᬫᬦᬶᬲ᭄᭟ᬧᭂᬢᭂᬗᬾᬫᬲᬶᬄᬩᭂᬓ᭄ᬩᭂᬓᭀᬕᬾᬦ᭄ᬳᬦᬓᬾᬫᬮᬮᬶᬓᬸᬫᬄᬦᬾ᭞ᬢᬸᬢᬶᬂᬓᬜ
᭞ᬚᬓ᭄ᬱ᭞ᬫ᭄ᬯᬄᬧᬤᬦ᭄ᬤᬓᬺᬢ᭄ᬢᬫᬲᬶᬄᬲᬳᬶᬲᬳᬶᬓᭂᬫᬢ᭄ᬯᬭᬳᭂᬜ᭄ᬘᬾᬢ᭟ᬗᬦ᭄ᬢᬶᬲᬺᬢ᭄ᬓᭀᬦᬾᬘᬶᬘᬶᬂᬦᬾᬗᭀᬗ᭄ᬓᭀᬂ᭞ᬩᬦ᭄ᬢ᭄ᬯᬭᬧᭂᬕᬢ᭄ᬧᭂᬕᬢᬢᬫ᭄ᬬᬸᬦᬾᬓᭂᬫ᭟ᬳ᭄ᬦᬾᬓᭂᬫ᭟ᬳᬦᬾᬫ᭄ᬯᬦᬶᬲᬸᬩᬮᬾᬯᭂᬄᬧᭂᬲᬦ᭄ᬲᬳᬶᬲᬳᬶᬗᭂᬦᭂᬫᬶᬦ᭄ᬢᬫ᭄ᬬᬸ᭟ᬬᬶᬢᬸᬲᬶᬧᬢᬶᬲᭂᬓᭂᬦ᭄ᬫᬳᬦ᭄ᬦᭂᬕᬦ᭄
᭞ᬓᬢᬸᬗ᭄ᬓᬸᬮ᭄ᬩᬸᬲᬦ᭄ᬗᬸᬲᬦ᭄ᬗᭂᬲᬾᬓᬂᬘᬶᬘᬶᬂᬤᭀᬕᬾᬦ᭄᭟ᬫᬭᬫᬳ᭄ᬦ᭄ᬦᭂᬕᬓ᭄ᬳᬓᭂᬚᭂᬧ᭄ᬩ᭄ᬯᬶᬦ᭄ᬳᬓᭂᬚᭂᬧ᭄ᬦᬾᬳᬤᬩ᭄ᬯᬶᬦ᭄ᬢᬫ᭄ᬬᬸ᭠ᬢᭂᬓ᭞ᬗᭀᬗ᭄ᬓᭀᬂᬘᬶᬘᬶᬂᬦᬾ᭟ᬗᭂᬲᬾᬓᬂᬮᬦ᭄ᬢᬲ᭄ᬬᬘᬶᬘᬶᬂ᭟ᬓᬾᬢᭀᬤᭀᬕᬾᬦ᭄ᬕᬕᬳᬾᬦ᭄ᬦᬾᬧ᭄ᬢᭂᬂᬍᬫᬄtᬯᬭᬮᬾᬦᬦ᭄᭟ᬩ᭄ᬯᬶᬦᬬ᭠
[᭒ 2A]
ᬲᬸᬩᬲᭂᬮᬫᭂᬲᬦ᭄ᬢᭂᬓᬾᬦ᭄ᬧᬥᬢᬫ᭄ᬬᬸᬦᬾᬫᬓᭂᬚᬂ᭟ᬬᬦ᭄ᬧᬤᬾᬳᬶᬤᬾᬯᬾᬓ᭄ᬢ᭄ᬯᬭᬚᬸᬫᬄ᭞ᬢᭀᬂᬢᬭᬓᬸᬋᬦᬦ᭄ᬕᭂᬮᬭᬾᬓᬾᬧᬾᬢᬗᬢᬓᬾᬦ᭄ᬢᬫ᭄ᬬᬸᬦᬾ᭟ᬫᬓ᭄ᬭᬦᬲᬳᬶᬲᬳᬶᬬᬫᬳᬶ᭞ᬢ᭄ᬯᬭᬮᬾᬦᬦ᭄ᬩᬦ᭄ᬤᭂᬫᭂᬦ᭄ᬢᭂᬓᬾᬦ᭄ᬓᬸᬋᬦᬦᭂᬮᬳᬾ᭟ᬓᬾ᭠
ᬢᭀᬓᭀᬦᬾᬜᭂᬢ᭄ᬳᬦᬾᬫ᭄ᬯᬦᬶ᭟ᬲᭂᬤᭂᬓ᭄ᬤᬶᬦᬳᬦᬸᬫᬧᬳᬶᬢᬸᬗᬦ᭄ᬓᭀᬦᬾᬬᬭᬚᬓᬦᬾᬮᬸᬄ᭟ᬮᬸᬄᬮᬸᬄ᭞ᬩᭂᬮᬶᬳᬧᬲᬸᬩᬓᬾᬯᭂᬄᬧᭂᬲᬦ᭄ᬲᬳᬶᬲᬳᬶᬗᭂᬦᭂᬫᬶᬦ᭄ᬢᬫ᭄ᬬᬸ᭟ᬓᬾᬦᬾᬚᬲᬸᬩᬩᬳᬦ᭄᭟ᬫᬦᬶᬤᬲᬸᬩᬜᬳᬶᬫᬤᬕᬂ᭟ᬫᭂᬮᬶᬜᭂᬦ᭄ᬜᬳᬶᬳᬭ᭠
ᬓ᭄ᬜᬂᬳᬕᬸᬘᬶ᭞ᬧᭂᬗᬳᬦᬶᬦ᭄ᬢᬫ᭄ᬬᬸᬦᬾ᭟ᬩᭂᬮᬶᬩᬓᬍᬤ᭄ᬬᬂᬳᬶᬩᬦᬾᬳᬸᬮᬶᬚᬸᬫᬄ᭟ᬜᬭᬸᬜᬭᬸᬓᬮᬲᬾ᭟ᬜᬦᬦ᭄ᬩᭂ᭠ᬩᭂᬮᬶᬤᭀᬂᬫᭀᬭᬳᬦ᭄ᬢᭂᬓᬾᬦ᭄ᬜᬳᬶ᭞ᬤᬶᬳᬋᬧᬦ᭄ᬢᬫ᭄ᬬᬸᬦᬾ᭟ᬳᬧᬂᬢᬯᬗᬫᬦᬶᬩᭂᬮᬶᬢ᭄ᬯᬭᬚᬸᬫᬄ᭟ᬤᭀᬂᬧᬲ᭄ᬭᬦᬩ᭄ᬬᬧᬥᬫᬦᬶᬲᭂ
ᬫᭂᬗᬦ᭄ᬫᬳᬶᬗᬕᭂᬦ᭄ᬮᬓᬃᬜᭂᬮᬾᬓᬂᬜᬳᬶ᭟ᬳᬲᬶᬂᬢᭂᬓᬫᬳᬶ᭞ᬩᬳᬂᬲᬸᬩᬳᬭᬓ᭄ᬧᬓᬦ᭄ᬢᬶᬧᬸᬜᬄ᭟ᬬᬦ᭄ᬲᬸᬩᬫᬓᭂᬚᬂᬢᬫ᭄ᬬᬸᬦᬾᬧᬸᬜᬄ᭞ᬩᭂᬮᬶᬤᭀᬂᬢᭂᬓᬬ᭟ᬦᬄ᭞ᬓᬾᬢᭀᬚᬓᬾᬢᭀ᭟ᬓᬘ᭄ᬭᬶᬢᬚᬦᬶᬲᬸᬩᬜᬮᬸᬦ᭄ᬧᭂᬢᭂᬂ᭞ᬢᭂᬓᬓᭀᬦᬾᬧ᭠
Kaca:Bali-lontar-lubak-jenggot-250ppi.pdf/2
Kaca puniki sampun kauji-wacén
