[᭓᭑ 31B]
᭓᭑
ᬳᬶᬲᬸᬧ᭄ᬭᬪᬵᬳᬚᬓ᭄ᬬᬵᬤᬵᬗᬮᬳᬶᬦ᭄᭞ᬮᬲᬸᬢᬂᬢᬢᬲᬂᬤᬶᬢᬸ᭞ᬳᬭᬄᬳᬭᬄᬜᬧᬥ᭞ᬧᬓᬾᬯᭂᬳᬾᬤᬶᬦᬵᬕᬭᬦ᭄ᬜᬦᬾᬤᬶᬢᬸ᭞ᬬᬦ᭄ᬤᬶᬚᬧᬘᬂᬫᬕ᭄ᬮᬃ᭞ᬲ᭄ᬥᭂᬂᬢᭀᬢᬢᬲᬂᬘᬳᬶ᭟
ᬦᬾᬲᬮᬸᬓ᭄ᬓᬸᬮᬫ᭄ᬩᬶᬩᬭᬓ᭄᭞ᬬᬫᬫᭀᬤ᭄ᬭᬾᬯᬶᬦ᭄ᬢᭂᬦ᭄ᬤᬳᬢᬶᬂᬍᬯᬶᬄ᭞ᬢ᭄ᬓᬾᬦᬶᬂᬩᬸᬗ᭄ᬓᬸᬂᬳᬯᬸᬓᬸᬤ᭄᭞ᬤᬾᬦᬶᬂᬬᬧᬗᬶᬮᬶᬤᬦ᭄᭞ᬩᬧᬵᬓᭂᬡ᭄ᬥᭂᬮ᭄ᬚᬦᬶᬢ᭄ᬓᬾᬦ᭄ᬘᬳᬶᬩᬕᬸᬲ᭄᭞ᬢᭀᬂᬦᬸᬕᬵ
ᬘᬳᬶᬓᬸᬘᬶᬯᬵ᭞ᬩᬳᬦ᭄ᬳᬶᬭᬓ᭄ᬱᬵᬲᬧᬢᬶ᭟ᬓᬮᬶᬄᬦᬾᬚᬦᬶᬳᬦ᭄ᬢᭀᬲᬂ᭞ᬧᬳᬶ᭠ᬘ᭄ᬙᬦᬾᬪᬝᬵᬭᬲᬸᬭᬧᬢᬶ᭞ᬳᬤᬵᬲᬫᬵᬢ᭄ᬯᬭᬩᬕᬸᬲ᭄᭞ᬫᬲᬶᬄᬮ᭄ᬬᬗᬂᬤᬾᬯ᭞ᬤᬵᬚᬵ
ᬳ᭄ᬦᬸᬯᬮᬂᬳᬢᬶ᭞ᬩᬧᬵᬦᬯᬸᬃ᭞ᬫ᭄ᬯᬄᬯᬢᭂᬓ᭄ᬭᬱᬶᬫᬓ᭄ᬚᬂ᭞ᬫᬗ᭄ᬯᬍᬲ᭄ᬲᬶᬦᭀᬫ᭄ᬳᬗᬶᬭᬶᬂ᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬭᬭᬶᬲ᭄ᬓᬢᬫ᭄ᬬᬸᬲᬂᬧᬵᬃᬣ᭞ᬳᬦ᭄ᬢᬸᬓ᭄ᬱᬤ᭄ᬭᬱᬦᬾ
[᭓᭒ 32A]
᭓᭒
ᬫᬸᬮᬶᬄᬍᬯᬶᬄ᭞ᬮ᭄ᬯᬶᬭᬶᬂᬭᬱᬳᬸᬢ᭄ᬢᬫᬵ᭞ᬲᬸᬩᬓᬳᬚᭂᬗᬂᬲᬫᬶ᭞ᬓᬾᬯᬮᬦᬾᬳᬩ᭄ᬲᬶᬓ᭄᭞ᬢᭀᬡ᭄ᬥᬾᬦ᭄ᬓᬘᬶᬸᬳᬶᬘ᭄ᬙᬦ᭄ᬲᬮᬸᬮᬸᬢ᭄᭞ᬤᬸᬭᬶᬬᬦ᭄ᬓᬧᬳᬶᬘ᭄ᬙ᭞ᬲᬸᬩᬫᬵᬢᬶᬳᬶᬭ
ᬓ᭄ᬱᬵᬲ᭞ᬤᬶᬢᬸᬲᬗ᭄ᬳ᭄ᬬᬂᬳᬦ᭄ᬤ᭄ᬭᬧᬘᬫᬳᬶᬘ᭄ᬙᬬᬂ᭟ᬦ᭄ᬢᭀᬚᬦᬶᬘᬭᬶᬢᬬᬂ᭞ᬲᬂᬧᬵᬃ᭠ᬣᬭᬭᬶᬲ᭄ᬗᬩᬓ᭄ᬢᬶ᭞ᬩᬋᬂᬢ᭄ᬓᬾᬦ᭄ᬳᬶᬲᬸᬧ᭄ᬭᬪᬵ᭞ᬚᬦᬶᬮᬯᬸᬢ᭄ᬓᬥᬯᬸᬳᬶᬦ᭄᭞ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬲᬸ
ᬭᬧᬵᬢᬶ᭞ᬤᬸᬫᬥᬓ᭄ᬳᬧᬂᬭᬳᬬᬸ᭞ᬳᬶᬤᬾᬯᬫᬓᬤᬤ᭄ᬯ᭞ᬜᬶᬤ᭄ᬥᬬᬂᬕᬯᬾᬦᬾᬍᬯᬶᬄ᭞ᬓᬾᬢᭀᬧᬗᬦᬶᬸᬡ᭄ᬥᬶᬓᬦ᭄ᬳᬶᬤᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭟ᬫᬧᬫᬶᬢ᭄ᬲᬶᬸᬢ᭄ᬭᬭᬶᬲ᭄ᬲᬂᬧᬵᬃᬣ
᭞ᬫᬩ᭄ᬭᬶᬬᬸᬓ᭄ᬮᬦ᭄ᬢᬲ᭄ᬫᬫᬵᬃᬕ᭄ᬕᬶ᭞ᬲᬸᬩᬢ᭄ᬓᭂᬤ᭄ᬤᬶᬚᬩᬬᬦ᭄᭞ᬳᬶᬲᬸᬧ᭄ᬭᬪᬵᬓᭀᬘᬧ᭄ᬫᬮᬶᬄ᭞ᬢ᭄ᬯᬭᬚᬧᭂᬲᬸᬫᬸᬜᬶ᭞ᬓᬾᬯᬮᬵᬲ᭄ᬩᭂᬄᬗᬋᬗᬹ᭞ᬳᬵᬂᬗᬶᬂᬳᬤᬭᬱᬦ᭄ᬜ᭞ᬤᬶᬓᭂᬦᭂᬳᬾ᭠
