[᭑᭐ 10B]
᭑᭐
ᬤᬸᬳᬸᬃᬧᬹᬃᬯ᭄ᬯᬦᬶᬦ᭄᭞ᬧᬸᬱ᭄ᬧᬶᬣᬦ᭄ᬳᬶᬤ᭞ᬅᬗ᭄ᬰᭀᬓᬦᬵᬣᬤ᭄ᬯᬶᬚᬢᬶ᭟ᬳᬭᬶᬦᬶᬭᬳ᭠ᬲᬵᬚ᭄ᬜᬫ᭄ᬧᬸᬦᬶᬭᬵᬃᬣ᭞ᬳᬶᬤᬤ᭄ᬯᬶᬚᬾᬦ᭄ᬤ᭄ᬭᬵᬚᬶᬸᬢᬶᬸᬰᬓ᭄ᬢᬶ᭞ᬦᬵᬫᬦᬶᬂᬓᬧᬶᬂᬭ᭄ᬯᬵ᭞ᬲᬵᬦᬓ᭄ᬭᬶᬂᬓᬧᬶᬂᬢᬶ
ᬕ᭞ᬳᭂᬫ᭄ᬧᬸᬲᬶᬤ᭄ᬟᬶᬫᬦ᭄ᬢ᭄ᬭᬧᬧᬰᬶᬄ᭞ᬲᬫᬶᬯᬶᬤᬕ᭄ᬟ᭞ᬘᬾᬱ᭄ᬝᬓᬵᬭᬭᬶᬂᬳᬚᬶ᭟ᬫᬗ᭄ᬓᬶ᭠ᬦ᭄ᬧᬹᬃᬯ᭄ᬯᬘᬭᬶᬢᬳᭂᬫ᭄ᬧᬸᬦᬶᬭᬵᬃᬣ᭞ᬲᬵᬫ᭄ᬧᬸᬦᬗᬫᬾᬢ᭄ᬲ᭄ᬢ᭄ᬭᬶ᭞ᬭᬶᬤᭂᬳᬵᬦᬵᬕᬵ᭞ᬧᬸᬢ᭄ᬭᬦ᭄ᬲᬂ
ᬫᬳᬵᬤ᭄ᬯᬶᬚ᭞ᬧᬡ᭄ᬟᬯᬰᬶᬓᬦ᭄ᬧᬧᬰᬶᬄ᭞ᬧᬺᬡᬄᬳᬫᬶᬲᬦ᭄᭞ᬲᬓᬶᬂᬧᬸᬭᬸᬱᬚ᭠ᬢᬶ᭟ᬤᬾᬯᬶᬧᬢ᭄ᬦᬶᬳᬬᬸᬦᬾᬮ᭄ᬯᬶᬃᬲᬗ᭄ᬳ᭄ᬬᬂᬯᬸᬮᬦ᭄᭞ᬫᬓᬵᬃᬤ᭄ᬟᬦᬭᬾᬰ᭄ᬯᬭᬶ᭞ᬫᬭᬕᬤᬫ᭄ᬧ
ᬢ᭄ᬬ᭞ᬲᬵᬫ᭄ᬧᬸᬦ᭄ᬳᬶᬤᬫᬧᬸᬢ᭄ᬭ᭞ᬩᬤ᭄ᬭᬯᬥᬮᬦᬂᬳᬶᬲ᭄ᬢ᭄ᬭᬶ᭞ᬲᬦᬾᬤᬸᬳᬸᬭᬦ᭄᭞᭠ᬮᬦᬂᬳᬦᭀᬫ᭄ᬳᬧᭂᬓᬶᬓ᭄᭟ᬧᬭᬩ᭄ᬳᬶᬤᬓᬶᬦᬸᬘᬧ᭄ᬧᬥᬡ᭄ᬟᬗᬸᬭᬄ᭞ᬲᬵᬚ᭄ᬜᬳᬶᬤᬲᬂᬳᬭᬶ
[᭑᭑ 11A]
ᬧᬥᬡ᭄ᬟᬲ᭄ᬯᬪᬯ᭞ᬧᭂᬲᬾᬗᬦ᭄ᬭᬶᬂᬓᬧᬶᬂᬭ᭄ᬯ᭞ᬳᬶᬤᬧᬡ᭄ᬟ᭄ᬬᬳᬶᬲ᭄ᬢ᭄ᬭᬶᬭᬳᬶ᭞ᬚ᭄ᬜᬡᬾᬂᬯᬶᬰᬾᬱ᭞ᬯᬶᬤᬕ᭄ᬟᬗᬸᬓᬶᬃᬮᬗᬶᬢ᭄᭟ᬫᬮᬶᬄᬳᬶᬤᬲᬂᬤ᭄ᬯᬶᬚᬰᬓ᭄ᬢᬶᬳᬶᬭᬵᬃᬣ᭞ᬳᬗᬮᬧ᭄ᬳᬶᬲ᭄ᬢ᭄ᬭᬶ᭠
ᬍᬯᬶᬄ᭞ᬲᬓᬶᬂᬧᬲᬸᬭ᭄ᬯᬦ᭄᭞ᬳᬦᬓᬶᬭᬲᬂᬤ᭄ᬯᬶᬚ᭞ᬫ᭄ᬧᬸᬧᬦᬢᬭᬦ᭄ᬰᬓ᭄ᬢᬶ᭞ᬧᬺᬡᬄᬳ᭠ᬫᬶᬲᬦ᭄᭞ᬚᬸᬫᭂᬦᭂᬂᬭᬶᬂᬫᬤᬾᬯᬶ᭟ᬫᬗ᭄ᬓᬾᬦ᭄ᬢᭂᬦ᭄ᬧᬸᬢ᭄ᬭᬦᬾᬲᬓᬶᬂᬫᬤᬾᬯ᭄ᬬ᭞ᬮᬓᬶᬮᬓᬶ
ᬘᬢᬸᬃᬯᬶᬚᬶ᭞ᬯᬃᬡ᭄ᬦᬲᬫᬶᬳᬳ᭄ᬬᬲ᭄᭞ᬧᭂᬓᬶᬓ᭄ᬢᬦ᭄ᬓᬲᬲᬫᬦ᭄᭞ᬧ᭄ᬭᬚ᭄ᬜᬾᬂᬢᬢ᭄ᬯᬵᬓ᭄ᬱᬭᬚᬢᬶ᭞ᬭᬶᬂᬓᬥ᭄ᬬᬢ᭄ᬫᬶᬓᬦ᭄᭞ᬧᬸᬧᬸᬢᬶᬂᬚ᭄ᬜᬡᬲᬦ᭄ᬤᬶ᭟ᬧᬸᬱ᭄ᬧᬶᬣᬦᬾᬲᬂᬧᬮᬶᬂᬤᬸᬳᬸᬃᬳᬸᬘᬧᬂ᭞
ᬧᬤᬡ᭄ᬟᬮᬾᬃᬭᬶᬫᬶᬳᬶᬦ᭄᭞ᬲᬵᬦᬓᬾᬓᬧᬶᬂᬭ᭄ᬯᬵ᭞ᬳᬶᬤᬧᬤᬡ᭄ᬟᬯᬾᬢᬦ᭄᭞ᬲᬫᭂᬢᭀᬦᬾᬧᬮᬶᬂᬢ᭄ᬭᬶᬡᬶ᭞ᬧᬤᬡ᭄ᬟᬓᬸᬮ᭄ᬯᬦ᭄᭞ᬧᬡ᭄ᬟ᭄ᬬᬮᭀᬃᬓᬘᬢᬸᬃᬭᬾᬓᬶ᭟ᬘᬢᬹᬃᬯᬶ
Kaca:Bali-lontar-paparikan-babad-brahmana-350ppi.pdf/11
Kaca puniki sampun kauji-wacén
