[᭑᭓ 13B]
᭑᭓
ᬲ᭄ᬚᬯᬄ᭞ᬳᬯᬦᬦ᭄ᬧᬸᬢ᭄ᬭᬦᬾᬳᬚ᭄ᬭᬶᬄ᭟ᬢᬸᬫᬸᬮᬶᬳᬶᬤᬤ᭄ᬯᬶᬚᬾᬦ᭄ᬤ᭄ᬭᬵ᭞ᬕ᭄ᬮᬶᬲ᭄ᬩ᭄ᬭᬜ᭄ᬚᬶᬂᬭᬶᬂᬢᬸᬢᬸᬓ᭄ᬳᬸᬮᬵᬫᬮᬶᬄ᭞ᬢ᭄ᬓᬾᬂᬕᬃᬩ᭄ᬪᬳᬸᬮᬵᬳᬕᬸᬂ᭞ᬢᬸᬜ᭄ᬚᬸᬗᬾᬓᬕ᭄ᬦᬳᬂ᭞ᬫᬮᬶᬄᬫᬶᬚᬶᬮ᭄ᬳᬶᬤᬲᬂᬫ
ᬭᬕᬧᬸᬢᬸᬲ᭄᭞ᬯᬮ᭄ᬯᬶᬯᬃᬡ᭄ᬦᬦᬾᬓᬵᬜ᭄ᬘᬡ᭞ᬓᬤᬶᬳᬾᬫᬦᬾᬲᬶᬦᬗ᭄ᬮᬶᬂ᭟ᬦᬦᭂᬂᬳ᭄ᬬᬸᬦ᭄ᬲᬂᬬᬢᬢᬷᬯᬭ᭞ᬓᬳᬓ᭄ᬱᬶᬦᬶᬦ᭄ᬧᬸᬢ᭄ᬭᬦᬾᬓ᭄ᬯᬾᬄᬫᬮᬳᬶᬩ᭄᭞ᬳᬶᬭᬶᬓᬵᬳᬶᬤᬲᬂᬪᬶᬓ᭄ᬱᬸ᭞ᬫᬗᬺ
ᬋᬳᬶᬦ᭄ᬜᬮᬓ᭄ᬱᬓ᭄᭞ᬲᬵᬫ᭄ᬧᬸᬦ᭄ᬧᬗ᭄ᬕᬶᬄ᭞ᬧᬸᬢ᭄ᬭᬦᬾᬫᬮᬶᬄᬫᬓᬸᬫ᭄ᬧᬸᬮ᭄᭞ᬓᬳᬓ᭄ᬱᬶ᭠ᬲᬫ᭄ᬯᬦᬶᬂᬯᬗ᭄ᬰ᭞ᬓᬦ᭄ᬢᬸᬦ᭄ᬯᬦ᭄ᬢᬄᬳᬱ᭄ᬝᬶᬲᬯᬶᬚᬶ᭟ᬫᬸᬂᬳᬶᬤᬳᬡ᭄ᬟ᭄ᬬᬲ᭄ᬯᬪᬵᬯ᭞ᬯᬢ᭄ᬯᬭᬓᬭᬶᬳᭀᬮᬶᬄ
ᬲᬂᬋᬱᬶᬓᬳᬓ᭄ᬱᬶ᭞ᬮᬸᬗ᭄ᬳᬳᬶᬤᬫᬮᬶᬄᬗ᭄ᬭᬸᬭᬸᬄ᭞ᬫᬜᬸᬲᬸᬧᬶᬂᬓᬤᬵᬦ᭞ᬚᬸᬭᬂᬲ᭄ᬭᬶᬧᬶᬢ᭄ᬧᬫᬃᬕ᭄ᬕᬶᬦᬾᬲᬶᬮᬓ᭄ᬲᬶᬮᬸᬓ᭄᭞ᬯᬸᬲ᭄ᬟᬢᬂᬭᬶᬂᬯᬮᬦ᭄ᬢᬕ᭞ᬭᬶᬂᬤᬧᭀᬮᬓᬶᬧᬶᬦᬗ᭄ᬕᬶᬄ᭟ᬳᬃᬱᬵ
[᭑᭔ 14A]
ᬳ᭄ᬬᬸᬦ᭄ᬳᬶᬤᬫᬸᬦᬷᬦ᭄ᬤ᭄ᬭᬵ᭞ᬓᬵᬡ᭄ᬟᬶᬓᬳᬶᬦ᭄ᬧᬸᬢ᭄ᬭᬦᬾᬓᬧᬰᬶᬳᬶᬦ᭄᭞ᬧᬥᬡ᭄ᬟᬳᬶᬲ᭄ᬢ᭄ᬭᬶᬢᬦ᭄ᬓᬬᬸᬦ᭄᭞ᬢᬸᬫᬹᬢ᭄ᬭᬶᬂᬳ᭄ᬬᬸᬦ᭄ᬫᬸᬦᬷᬦ᭄ᬤ᭄ᬭ᭞ᬳ᭄ᬬᬸᬦ᭄ᬫᬮᬶᬗ᭄ᬕᬶᬄᬳᬰ᭄ᬭᬫᬭᬶᬂᬳᬮᬲ᭄ᬳᬕᬸᬂ᭞ᬘᬾᬢ᭄ᬢᬦᬫ᭄ᬭᬕ
ᬦᬶᬃᬫ᭄ᬫᬮ᭞ᬫᬮᬦ᭄ᬢᬶᬗᬾᬂᬓᬧᭀᬮᬓᬶ᭟ᬮᬾᬤᬂᬓᬳ᭄ᬬᬸᬦ᭄ᬲᬂᬤ᭄ᬯᬶᬚᬾᬦ᭄ᬤ᭄ᬭᬵ᭞ᬫᬫᬶᬋ᭠ᬗᬂᬳᬢᬸᬭᬾᬧᬡ᭄ᬟ᭄ᬬᬳᬶᬲ᭄ᬢ᭄ᬭᬶ᭞ᬬᬢᬶᬯᬭᬗᬦ᭄ᬤᬶᬓᬳᬮᬸᬲ᭄᭞ᬦᬄᬳᬬᬸᬤᬶᬦᬶᬫᭂᬮᬄ᭞ᬧᬂᬓ
ᬰᬶᬯᬶᬩᬳᬦ᭄ᬯᭀᬂᬢᬦ᭄ᬳᬦᬵᬦ᭄ᬤᬸᬮᬸ᭞ᬇᬭᬶᬓᬳᬶᬤᬫᬸᬦᬶᬦ᭄ᬤ᭄ᬭᬵ᭞ᬳᬗ᭄ᬮᬭᬂᬬᭀᬕᬲᬫᬵᬥᬶ᭟ᬯᬸᬲ᭄ᬧᬸᬯᬸᬢᬶᬂᬓᬧ᭄ᬭᬮᬶᬡ᭞ᬤᬳᬢ᭄ᬮᬸᬯᬶᬄᬬᭀᬕ᭄ᬕᬦᬾᬫᬳᬵᬲᬶᬤ᭄ᬟᬶ᭞ᬳᬦᬳ᭠
ᬜ᭄ᬚᬸᬮᬢ᭄ᬬᬵᬓᬮᬸᬂ᭞ᬫᬦᬶᬗᭂᬄᬬᭀᬕ᭄ᬕᬦ᭄ᬳᬶᬤ᭞ᬳᬚᬳᬦ᭄ᬕ᭄ᬮᬶᬲ᭄ᬫᬦ᭄ᬤᬤᬶᬯᭀᬂᬳᬶᬲ᭄ᬢ᭄ᬭᬶᬳᬬᬸ᭞ᬓᬳᬓ᭄ᬱᬶᬢᭀᬮᬶᬄᬲᬂᬤ᭄ᬯᬶᬚ᭞ᬓᬲ᭄ᬯᬂᬬᭀᬕ᭄ᬕᬦᬾᬕᭂᬮᬶᬲ᭄᭟ᬳᬾᬦᬾᬳᬶ
Kaca:Bali-lontar-paparikan-babad-brahmana-350ppi.pdf/14
Kaca puniki sampun kauji-wacén
