[᭑᭖ 16B]
᭑᭖
ᬤᭂᬕᬶᬦ᭄᭞ᬫᬾᬭᬸᬦᬾᬳᬸᬫᬥᭂᬕ᭄ᬫᬸᬯᬄ᭟ᬭᬭᬶᬲ᭄ᬳᬶᬤᬫ᭄ᬧᬸᬤ᭄ᬯᬶᬚᬾᬦ᭄ᬤ᭄ᬭᬵᬰᬓ᭄ᬢᬶ᭞ᬗᬦ᭄ᬤᬶᬓᬬᬂ᭞ᬳᭂᬦᬾᬭᭀᬫᬦᬶᬭ᭞ᬲᬸᬂᬲᬸᬂᬫᬓᬧ᭄ᬭᬮᬶᬗ᭄ᬕᬦᬾ᭞ᬳᬧᬂᬳᬤᬳᬗ᭄ᬕᬾ᭠
ᬦ᭄ᬢᬸᬂᬢᬸᬂ᭞ᬓᬳᬸᬘᬧᬂᬤᬶᬭᬫ᭄ᬩᬸᬢ᭄ᬲᬶᬯᬶ᭞ᬳᬓᬾᬢᭀᬘᬳᬶᬍᬕᬬᬂ᭞ᬚᬢᬶᬮᬸᬕ᭄ᬭᬳᬶᬗ᭄ᬲᬸᬦ᭄᭞ᬳᬧᬂᬫᭂᬮᬄᬘᬳᬶᬜᬶᬯ᭄ᬬ᭞ᬢᬸᬃᬳᬸᬘᬧᬂ᭞ᬫᬳᬤᬦ᭄ᬤᬶᬭᬫ᭄ᬩᬸᬢ᭄ᬲᬶᬯᬶ᭞ᬲᬶ᭠
ᬦᬸᬗ᭄ᬲᬸᬂᬓᬬᬾᬂᬓᬯᭂᬓᬲ᭄᭟ᬦᬄᬳᬓᬢᭀᬩᬧᬚᬦᬶᬗᬮᬳᬶᬦ᭄᭞ᬳᬶᬯᭀᬂᬤᬾᬰ᭞ᬢᬦ᭄ᬤ᭄ᬯᬲᬂᬧᬯᬶᬤ᭄ᬯᬦ᭄᭞ᬮᬯᬦ᭄ᬭᬩ᭄ᬬᬫ᭄ᬯᬂᬭᬶᬸᬩᬶᬸᬦᬶᬸᬧᬸᬢ᭄ᬭᬦᬾ᭞ᬢᬸᬫᬸᬮᬶ
ᬳᬶᬤᬮᬸᬫᬓᬸ᭞ᬯᬸᬲ᭄ᬟᬢᬂᬭᬶᬂᬪᬹᬫᬶᬲᬓ᭄ᬯᬢᬶ᭞ᬳᬶᬭᬶᬓᬵᬫᬳᬶᬍᬳᬦ᭄᭞ᬭᬶᬂᬳᬸᬥ᭄ᬬᬦᬲᬫᬸᬦ᭄᭞ᬳᬃᬱᬦ᭄ᬬᬸᬦ᭄ᬳᬶᬤᬳᬭᬵᬃᬬ᭄ᬬᬦ᭄᭞ᬦᬾᬂᬧᬢᬮ᭞ᬓᬕᬾᬢ᭄ᬳᬦᬯᭀᬂᬧ᭄ᬭ᭠
[᭑᭗ 17A]
ᬧ᭄ᬢᬶ᭞ᬳᬦᬵᬫᬤᬾᬩᬦ᭄ᬤᬾᬰᬳ᭄ᬫᬵᬲ᭄᭟ᬳᬾᬕᬃᬲᬶᬭᬓᬶᬩᬡ᭄ᬟᬾᬰᬜᬕ᭄ᬚᬕᬶᬦ᭄ᬲᬂᬫᬸᬦᬷᬦ᭄ᬤ᭄ᬭᬵ᭞ᬘᬸᬫᬡ᭄ᬟᬸᬓᬾᬂᬢᬶᬗ᭄ᬕᬮ᭄᭞ᬳᬸᬫᬲᭂᬄᬚᭃᬂᬫᬸᬦᬷᬦ᭄ᬤ᭄ᬭᬦᬾ᭞ᬲᬥᬭᬳᬗ᭄ᬮᬸᬂᬳᬸ
ᬫᬢᬹᬃ᭞ᬭᬢᬸᬧᬘᬂᬓᬶᬚᬦᬾᬫᬗ᭄ᬓᬶᬦ᭄᭞ᬦᬸᬦᬲ᭄ᬳᬶᬭᬶᬓᬫᬭᬵᬃᬬ᭄ᬬᬦ᭄᭞ᬭᬶᬂᬳᬸᬫᬳᬾᬂ᭠ᬗ᭄ᬳᬸᬮᬸᬦ᭄᭞ᬤᬾᬯᬲᬲᬸᬳᬸᬦᬦ᭄ᬢᬶᬢ᭄ᬬᬂ᭞ᬫᬲᬗ᭄ᬕ᭄ᬭᬳᬦ᭄᭞ᬳᬸᬮᬸᬦ᭄ᬤᬺᬥᬭᬶᬂᬲᬂᬫᬸᬦᬶ᭞ᬳ
ᬲᬸᬂᬳᬸᬥ᭄ᬬᬵᬦᬾᬂᬧᬰ᭄ᬭᬫᬦ᭄᭟ᬳᬃᬱᬳᬶᬤᬫ᭄ᬧᬸᬦᬶᬭᬵᬃᬣᬰᬓ᭄ᬢᬶ᭞ᬳᬲᬗ᭄ᬕ᭄ᬭᬳᬦ᭄᭞ᬲᬯᬾᬕᬮᬸᬫᬫ᭄ᬧᬄ᭞ᬭᬶᬳᬸᬫᬄᬤᬾᬩᬡ᭄ᬟᬾᬰᬦᬾ᭞ᬯᬸᬲ᭄ᬟᬢᬂᬳᬶᬤᬫᬳᬵᬫ᭄ᬧᬸ᭞ᬭᬶᬂᬧᬲ
ᬗ᭄ᬭᬳᬦ᭄ᬫᬮᬶᬗ᭄ᬕᬶᬄ᭞ᬲᬶᬭᬓ᭄ᬬᬬᬶᬩᬡ᭄ᬟᬾᬰ᭞ᬗᬢᬸᬭᬂᬧᬲᬸᬕᬸᬄ᭞ᬭᬬᬸᬦᬦ᭄ᬫ᭄ᬯᬂ᭠ᬲᬲᬗᬦᬦ᭄᭞ᬲᬢᭂᬕᭂᬧᬦ᭄᭞ᬢᬶᬮᬫ᭄ᬧᬧ᭄ᬤᭂᬓ᭄ᬘᬸᬫᬯᬶᬲ᭄᭞ᬳᬢᬸᬭᬦ᭄ᬤᬾᬩᬡ᭄ᬟᬾᬰ᭟
Kaca:Bali-lontar-paparikan-babad-brahmana-350ppi.pdf/17
Kaca puniki sampun kauji-wacén
