[᭑ 1B]
᭑᭚᭜᭚ᬅᬯᬶᬖ᭄ᬦᬫᬵᬲ᭄ᬢᬸ᭚ᬧᬸᬧᬸᬄᬲᭂᬓᬃ᭚ᬤᬸᬄᬤᬾᬯᬲᬂᬓᬘᬭᬶᬢ᭞ᬧᬗᬯᬓᬶᬂᬲᬭᬰ᭄ᬯᬢᬶ᭞ᬯᬶᬪᬸᬳᬶᬂᬳᬚ᭄ᬜᬡᬲᬢ᭄ᬯ᭞ᬳᬶᬤᬯᬦ᭄ᬢᬄᬲ᭄ᬯᬭᬬᭀᬕ᭄ᬕᬶ᭞ᬧᬲᭀᬫ᭄ᬩᭀᬓᬦᬶᬂᬓᬯᬶ᭞᭠
ᬳᬦᬦᬶᬂᬧ᭄ᬭᬮᬫ᭄ᬩᬂᬓᬶᬤᬸᬂ᭞ᬫᬦ᭄ᬤᬤᬶᬕᬕᬸᬭᬶᬢᬦ᭄᭞ᬮᬶᬂᬲᬗ᭄ᬳ᭄ᬬᬂᬫᬦᭀᬦ᭄ᬲᬸᬚᬢᬶ᭞ᬫ᭄ᬭᬕᬵ᭠ᬢᬸᬢᬸᬃ᭞ᬭᬶᬂᬯ᭄ᬯᬂᬳᬦᬦᬶᬂᬓᬥᬃᬫ᭄ᬫᬦ᭄᭟ᬢᬩᬾᬳᬸᬮᬸᬦ᭄ᬭᬶᬂᬪᬝᬭ᭞ᬢᬦ᭄ᬲᬓᬾᬂᬢᬮ᭄ᬨᬦᬾᬂᬳᬚᬶ᭠
ᬫᬗ᭄ᬤᬢᬦ᭄ᬓᬩᬤ᭄ᬭᬯᬶᬱᬦ᭄᭞ᬳᬲᬸᬂᬪᬝᬭᬗ᭄ᬮᬶᬗ᭄ᬩᬦᬶᬦ᭄᭞ᬲᬫ᭄ᬩᬾᬕᬦᬶᬂᬦᬰ᭄ᬬᬲᬶᬄ᭞ᬳᬸᬮᬸᬦ᭄ᬧ᭄ᬭᬲᬗ᭄ᬖᬫᬳᬢᬸᬃ᭞ᬧᬶᬮᬶᬄᬬᬦ᭄ᬓᬮᬶᬗ᭄ᬕ᭄ᬬᬦ᭄᭞ᬤᬸᬫᬤᬓ᭄ᬲᬶᬳᬶᬂᬳ᭄ᬬᬂᬯᬶᬤᬶ᭞ᬫᬗᬸᬘᬧᬂ᭞᭠
ᬢᬶᬗ᭄ᬓᬄᬧᬚᬮᬦᬾᬲᬸᬢᬵ᭟ᬒᬁᬰ᭄ᬯᬲ᭄ᬢ᭄ᬬᬵᬲ᭄ᬢᬸᬳᬲ᭄ᬣᬶᬢ᭄ᬬ᭞ᬮᬶᬂᬲᬗ᭄ᬳ᭄ᬬᬂᬳᬕᬫᬗᬸᬦᬶ᭞ᬫᭂᬢᬸᬲᬓᬶᬂᬧ᭄ᬭᬫᬰᬹᬦ᭄ᬬᬳᬡ᭄ᬝᬵᬦᬭᬡᬓᬤᬤᬶᬦ᭄᭞ᬳᬦᬘᬶᬢ᭄ᬢᬯᭂᬢᬸᬩᬸᬤ᭄ᬟᬶ᭞ᬲᬓᬶᬂᬩᬸᬤ᭄ᬟᬶᬫ᭠
[᭒ 2A]
ᬦᬄᬢᬸᬳᬸ᭞ᬬᬸᬓ᭄ᬢᬶᬯᭂᬢᬸᬳᬗ᭄ᬓᬭ᭞ᬰᬶᬯᬦᬶᬃᬫ᭄ᬫᬮᬗ᭄ᬭᬕᬦᬶᬦ᭄᭞ᬤᬤᬶᬢᬸᬂᬢᬸᬂ᭞ᬦᬹᬮᬵᬯᬗ᭄ᬰᬦᬶᬂᬩ᭄ᬭᬵᬳ᭄ᬫᬡ᭟ᬧᬸᬦᬶᬓᬶᬮᬶᬂᬦᬶᬂᬳᬓ᭄ᬱᬭ᭞ᬧᬹᬃᬯ᭄ᬯᬳ᭄ᬬᬂᬳᬢ᭄ᬢᬫᬚᬢᬶ᭞ᬫᬧᬸᬢ᭄ᬭᬳᬶᬤᬲᬦᬸ
ᬗ᭄ᬕᬮ᭄᭞ᬧᭂᬲᬾᬗᬦ᭄ᬳᬶᬤᬤᬾᬍᬯᬶᬄ᭞ᬳ᭄ᬬᬂᬘᬶᬢ᭄ᬣᬤᬾᬯᬦᬭᬶᬳᬶᬦ᭄᭞ᬯᬦ᭄ᬢᬄᬲᬯᬶᬚᬶᬳᬲᬸᬦᬸ᭞ᬧᬢ᭄ᬭᬳ᭄ᬬᬂᬦᬭᬤᬾᬯ᭞ᬫᬮᬃᬧᬸᬢ᭄ᬭᬦᬾᬲᬯᬶᬚᬶ᭞ᬦᬾᬓᬯᬸᬯᬸᬲ᭄᭞ᬫᬧᬲᬾ᭠
ᬗᬦ᭄ᬳ᭄ᬬᬂᬤᬸᬭᬰᬵ᭟ᬲᬗ᭄ᬳ᭄ᬬᬂᬦᬸᬭᬱᬵᬓᬶᬦᬸᬘᬧ᭄᭞ᬳᬢ᭄ᬫᬚᬳᬶᬤᬲᬯᬶᬚᬶ᭞ᬳ᭠ᬧᬸᬱ᭄ᬧᬶᬢ᭄ᬣᬲᬗ᭄ᬳ᭄ᬬᬂᬢᬸᬗ᭄ᬕᬮ᭄᭞ᬳᬤᬶᬭᬶᬲᬸᬢᬦᬾᬯ᭄ᬬᬓ᭄ᬢᬶ᭞ᬧᬧᬰᬶᬳᬾᬮ᭄ᬯᬶᬄᬳᬤᬶ᭞ᬳ᭄ᬬᬂᬭᬵ᭠
ᬢ᭄ᬦᬫᬵᬬᬫᬦᬸᬭᬸᬦ᭄᭞ᬳᬓ᭄ᬯᬾᬄᬲᬫ᭄ᬯᬦᬶᬂᬯᬗ᭄ᬰ᭞ᬲᬵᬚ᭄ᬜᬦᬾᬳ᭄ᬬᬂᬧᬰᬸᬧᬢᬶ᭞ᬭᬶᬂᬲᬸᬫᬾᬭᬸᬧᬸᬘᬓᬶᬂᬕᬶᬭᬶᬳᬲᬺᬦᬵ᭟ᬭᬶᬂᬧᬤ᭄ᬫᬰᬵᬡᬧᬮᬸᬗ᭄ᬕ᭄ᬯᬦ᭄᭞ᬤᬤᭀᬲ᭄ᬧᬜᬸᬗ᭄ᬲᬸᬗᬦ᭄ᬕᬸᬫᬶ᭞ᬢ
Kaca:Bali-lontar-paparikan-babad-brahmana-350ppi.pdf/2
Kaca puniki sampun kauji-wacén
