[᭒᭐ 20B]
᭒᭐
ᬳᬦᬓ᭄ᬚᬮᬸᬲᬦᬸᬗ᭄ᬕᬮ᭄᭟ᬕᬸᬲ᭄ᬢᬶᬤᬯᬸᬄᬩᬮ᭄ᬬᬵᬕᬸᬂᬧᬦᬸᬮᬶᬲᬦ᭄᭞ᬓᬮᬸᬫ᭄ᬩ᭄ᬭᬳᬂ᭞ᬢᬸᬲ᭄ᬦᬶᬂᬓᬧᬢᬶᬳᬦ᭄᭞ᬫᬦ᭄ᬢᬸᬓ᭄ᬭᬶᬂᬓᬬᬸᬦ᭄ᬟᬍᬫᬾ᭞ᬢᬍᬃᬯᬶᬯᬶᬤᬕ᭄ᬟᬾᬂᬧᬗᬯ᭄ᬭᬸᬄ᭞ᬯᬶᬘ
ᬓ᭄ᬱᬡᬭᬶᬂᬓᬓᭂᬘᬧ᭄ᬳᬚᬶ᭞ᬳᬗᬦ᭄ᬢ᭄ᬬᬦᬶᬂᬲᬂᬩᬧ᭞ᬧᬗᬫᭀᬂᬯᬮ᭄ᬬᬵᬕᬸᬂ᭞ᬢᬸᬲ᭄ᬦᬶᬂ᭠ᬤᬯᬸᬄᬧᬦᬸᬮᬶᬲᬦ᭄᭞ᬦᬓᬶᬂᬳᬓᬄ᭞ᬲᬵᬫ᭄ᬧᬸᬦ᭄ᬫᬳᬦᬓ᭄ᬚᬮᬸᬲ᭄ᬢ᭄ᬭ᭞ᬓᬃᬣᬶᬓᬲᬫ᭄ᬯᬦᬶᬯ
ᬗ᭄ᬰ᭟ᬮᬶᬦ᭄ᬢᬂᬩᬓ᭄ᬢᬶᬳᬶᬕᬸᬲ᭄ᬢᬶᬤᬯᬸᬄᬚᬢᬶ᭞ᬫᬲᬯᬶᬢ᭄ᬭᬦ᭄᭞ᬤᬺᬤ᭄ᬟᬭᬶᬂᬫᬸᬦᬶᬦ᭄ᬤ᭄ᬭᬵ᭞ᬧᬸᬢ᭄ᬭᬶᬮᬸᬯᬶᬄᬧᬗᬹᬃᬬᬕᬦᬾ᭞ᬮᬶᬲ᭄ᬢ᭄ᬯᬬᬸᬳᬦᭀᬫ᭄ᬳᬦᬸᬮᬸᬲ᭄᭞ᬤᬳᬢ᭄ᬮᬾᬤᬂᬫᬳᬵᬫ᭄ᬧᬸ
ᬗᬃᬱᬦᬶᬦ᭄᭞ᬯᬃᬡ᭄ᬦᬦᬾᬮ᭄ᬯᬷᬃᬳ᭄ᬬᬂᬯᬸᬮᬦ᭄᭞ᬢᬹᬲ᭄ᬦᬶᬂᬳᬃᬬ᭄ᬬᬤᬯᬸᬄ᭞ᬕᬸᬲ᭄ᬢᬶᬳᬬᬸᬚ᭄ᬮᬡ᭄ᬝᬶᬓ᭄ᬧᬭᬩ᭄ᬓᬳᬢᬸᬭᬂ᭞ᬗ᭄ᬳᬶᬂᬳᬶᬤᬲᬂᬫᬳᬵᬬᬢᬶ᭞ᬭᬶᬧᬸᬢ᭄ᬭᬦᬾᬓᬢ᭄ᬭᬶᬫᬾᬦᬂ᭟᭜᭟
[᭒᭑ 21A]
ᬧᬸᬧᬸᬄᬲ᭄ᬓᬃ᭚ᬲᬶᬦᭀᬫ᭄ᬳᬗ᭄ᬕᬾᬦ᭄ᬜᬭᬶᬢ᭄ᬣᬬᬂ᭞ᬧᬤᬡ᭄ᬟᬮᬾᬃᬯᬸᬲ᭄ᬳᬰ᭄ᬯᬫᬶ᭞ᬭᬶᬤᬦᬾᬲᬂᬫᬧᭂᬲᬾᬗᬦ᭄᭞ᬕᬸᬲ᭄ᬢᬶᬳᬬᬸᬗ᭄ᬭᬄᬚ᭄ᬮᬡ᭄ᬝᬶᬓ᭄᭞ᬲᬵᬫ᭄ᬧᬸᬦ᭄ᬳᬧᬸᬢ᭄ᬭᬓᬮᬶᬄ᭞ᬮᬦᬂᬮ
ᬦᬂᬲᬫᬶᬩᬕᬸᬲ᭄᭞ᬧᬥᬮ᭄ᬯᬶᬳᬶᬂᬳᬚ᭄ᬜᬡ᭞ᬢᭂᬗᭂᬭᬦ᭄ᬳᬶᬤᬦᬾᬓᬮᬶᬄ᭞ᬧᬮᬶᬂᬤᬸᬯᬸᬃᬧᬤᬡ᭄ᬟᬯᬬᬦ᭄ᬩᬹᬃᬯ᭄ᬯᬦ᭄᭟ᬳᬶᬤᬲᬂᬫ᭄ᬭᬕᬳᬮᬶᬢᬦ᭄᭞ᬧᬤᬡ᭄ᬟᬫᬦ᭄ᬯᬪᬰᬓ᭄ᬢᬶ᭞ᬯᬮ᭄ᬬ
ᬦᬶᬦ᭄ᬲᬦᬾᬤᬸᬳᬸᬭᬦ᭄᭞ᬲᬵᬫ᭄ᬧᬸᬦ᭄ᬳᬶᬤᬦᬭᬾᬰ᭄ᬯᬭᬷ᭞ᬗᬫ᭄ᬩᬶᬮ᭄ᬧᬸᬢ᭄ᬭᬶᬲᬂᬫᬸᬦᬶ᭞ᬬᬢᬶᬮᭀᬃᬲᬦᬾᬓᬯᬸᬯᬸᬲ᭄᭞ᬲᬵᬫ᭄ᬧᬸᬦ᭄ᬳᬶᬤᬳᬢ᭄ᬫᬚ᭞ᬩᬤ᭄ᬭᬯᬤᬮᬓᬶᬮᬓᬶ᭞ᬓᬂᬚᬸᬚᬸ
ᬮᬸᬓ᭄᭞ᬲᬂᬧᬾᬮᬶᬂᬚ᭄ᬬᬾᬱ᭄ᬝᬳᬸᬘᬧᬂ᭟ᬧᬤᬡ᭄ᬟᬯᬬᬳᬦ᭄ᬩᬹᬃᬭ᭄ᬯᬦ᭄᭞ᬦᬵᬫ᭠ᬦᬾᬓᬤᬶᬲᬗᬚᬶ᭞ᬳᬭᬶᬦᬾᬫᬗ᭄ᬓᬶᬦ᭄ᬘ᭄ᬭᬶᬢ᭄ᬣᬬᬂ᭞ᬤ᭄ᬯᬶᬚᬫᬥᬾᬩᬹᬃᬯ᭄ᬯᬦ᭄ᬧᬰᬶᬄ᭞ᬳᬸᬫᬶ
Kaca:Bali-lontar-paparikan-babad-brahmana-350ppi.pdf/21
Kaca puniki sampun kauji-wacén
