[᭒ 2B]
᭒
ᬦ᭄ᬮ᭄ᬬᬦ᭄ᬲᬦᬾᬓᬮᬶᬗ᭄ᬕᬬᬂ᭞ᬳᬶᬤᬲᬗ᭄ᬳ᭄ᬬᬂᬧᬰᬸᬧᬢᬶ᭞ᬯᬺᬤ᭄ᬟᬶᬯᬗ᭄ᬰᬳᬰᬸᬘᬶᬸᬚᬶ᭞ᬮᬦᬂᬳᬶᬲ᭄ᬢ᭄ᬭᬶᬮᬶᬦ᭄ᬢᬂᬳᬬᬸ᭞ᬓᬲᬶᬦᬗ᭄ᬕᬄᬳ᭄ᬬᬂᬢᬶᬕ᭞ᬧᬭᬕᬬᬦ᭄ᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬲᬫᬶᬳᬦᬹᬢ᭄᭞ᬓᬬᬸ᭠
ᬦ᭄ᬳᬶᬤᬫᬲᬦᬓᬦ᭄᭟ᬧᬲᬾᬗᬦᬾᬓᬮᬸᬫ᭄ᬩ᭄ᬭᬳᬂ᭞ᬦᬾᬧᬮᬶᬂᬚ᭄ᬬᬾᬱ᭄ᬝᬵᬫᬹᬃᬯ᭄ᬯᬦᬶᬦ᭄᭞ᬳᬶᬤᬲᬗ᭄ᬳ᭄ᬬᬂᬧᬸᬢ᭄ᬭᬚᬬ᭞ᬳ᭄ᬬᬂᬕ᭄ᬦᬶᬚᬬᬓᬂᬳᬭᬶ᭞ᬧᬸᬦᬂᬚᬶᬱ᭄ᬡᬸᬧᬧᬰᬶᬄ᭞ᬓᬳᬸᬘᬧ᭄ᬦᬵᬣ
ᬭᬶᬂᬤᬦᬸᬄ᭞ᬓᬲᬶᬦᬗ᭄ᬕᬄᬳ᭄ᬬᬂᬢᬶᬕ᭞ᬲᬫᬶᬳᬢ᭄ᬯᬂᬓᬳᬢ᭄ᬯᬗᬶᬦ᭄᭞ᬉᬢ᭄ᬢᬫᬾᬂᬳ᭄ᬬᬸᬦ᭄᭞ᬫᬓᬳᬸᬭᬶᬧᬶᬂᬲᬚᬕᬢ᭄᭟ᬯᬮ᭄ᬬᬦᬶᬦ᭄ᬫᬮᬶᬄᬳᬸᬘᬧᬂ᭞ᬳᬶᬤᬲᬗ᭄ᬳ᭄ᬬᬂᬧᬰᬸᬧᬢᬶ᭞ᬫᬮᬶᬄᬯᬺ
ᬤ᭄ᬟᬶᬯᬗ᭄ᬰᬦᬶᬭ᭞ᬚᬮᬸᬚᬮᬸᬘᬢᬹᬃᬯᬶᬚᬶ᭞ᬧᬸᬱ᭄ᬧᬶᬣᬦᬾᬜᬸᬦ᭄ᬤᬭᬶᬦ᭄᭞ᬳ᭄ᬬᬂᬫᬡᬶᬓ᭄ᬕ᭠ᬮᬂᬓᬲᬸᬂᬲᬸᬂ᭞ᬭᬶᬂᬧᬾᬚᬾᬂᬓᬮᬶᬗ᭄ᬕᬬᬂ᭞ᬳ᭄ᬬᬂᬫᬡᬶᬓ᭄ᬓᬸᬫᬬᬂᬫᬮᬶᬄ᭞ᬳᬶᬤᬫᬸᬗ᭄ᬕᬸᬄ᭞ᬫᬧᬸᬭᬶᬭᬶᬂ᭠
[᭓ 3A]
ᬕᬶᬭᬶᬩ᭄ᬭᬢᬦ᭄᭟ᬲᬗ᭄ᬳ᭄ᬬᬂᬢᬸᬫᬸᬯᬸᬄᬳᬸᬘᬧᬂ᭞ᬭᬶᬂᬯᬢᬸᬓᬭᬸᬫᬮᬶᬗ᭄ᬕᬶᬄ᭞ᬲᬗ᭄ᬳ᭄ᬬᬂᬢᬸᬕᬸᬓᬭᬯᭀᬲᬂ᭞ᬭᬶᬂᬳᬦ᭄ᬟᬓᬰᬫᬮᬶᬗ᭄ᬕᬶᬄ᭞ᬲᬗ᭄ᬳ᭄ᬬᬂᬢᬶᬕᬧᬹᬃᬯ᭄ᬯᬦᬶᬦ᭄᭞ᬳ᭄ᬬᬂᬧᬸᬢ᭄ᬭᬚᬬᬓᬲᬸᬳᬸᬃ᭞ᬳᬶ
ᬤᬤᬾᬯᬦᬶᬂᬳᬘᬵᬮ᭞ᬫᬸᬗ᭄ᬕᬸᬄᬭᬶᬂᬕᬶᬭᬶᬢᭀᬓ᭄ᬮᬗ᭄ᬓᬶᬃ᭞ᬲᬫᬶᬗᬸᬬᬸ᭞ᬫᬓᬧᬦᭂᬫ᭄ᬩᬳᬦ᭄ᬚᬕᬢ᭄᭟ᬧᬸᬦᬶᬓᬶᬫᬮᬶᬄᬢᬸᬢᬸᬭᬂ᭞ᬳ᭄ᬬᬂᬕ᭄ᬦᬶᬚᬬᬧᬹᬃᬯ᭄ᬯᬦᬶᬦ᭄᭞ᬳᬓᬦ᭄ᬬᬗᬦ᭄ᬭᬶᬂᬍᬫ᭄ᬧᬸᬬᬂ᭞
ᬢᬍᬃᬧᬜᬶᬯ᭄ᬬᬦ᭄ᬪᬸᬫᬶ᭞ᬳᬸᬕᭂᬭᬶᬂᬳᬶᬦ᭄ᬤᬸᬩᬮᬶ᭞ᬭᬯᬸᬳᬶᬂᬪᬝᬭᬶᬤᬦᬸᬄ᭞ᬳᬶᬤᬦᬾᬓᬳᬸᬘᬧᬂ᭞ᬭᬶᬂᬩᬢᬹᬃᬍᬩᬄᬯᬦᬵᬤ᭄ᬭᬶ᭞ᬲᬫᬶᬜᬸᬳᬸᬦ᭄᭞ᬲᬳᬶᬦ᭄ᬤᬸᬩᬮᬶᬳᬕᬫ᭟ᬦᬾᬫᬗ᭄ᬓᬶ
ᬦ᭄ᬫᬮᬶᬄᬮᬦ᭄ᬢᬸᬭᬂ᭞ᬧᬫᬸᬕᭂᬭᬶᬂᬳᬶᬦ᭄ᬤᬸᬩᬮᬶ᭞ᬭᬶᬂᬩᬰᬓᬂᬓᬳᬸᬘᬧᬂ᭞ᬮᬶᬗ᭄ᬕᬶᬄᬳᬶᬤᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬓᬬᬗᬦᬾᬲᬸᬚᬢᬶ᭞ᬧᬸᬭᬵᬧᬦᬢᬭᬦ᭄ᬳᬕᬸᬂ᭞ᬭᬶᬂᬧᬤ᭄ᬫᬵᬰᬡᬢᬶᬕ᭞ᬯᬶᬰᬾᬱ
Kaca:Bali-lontar-paparikan-babad-brahmana-350ppi.pdf/3
Kaca puniki sampun kauji-wacén
