[᭓᭕ 35B]
᭓᭕
ᬢᭀᬬᬲᭂᬓᬃ᭞ᬧᬓ᭄ᬯᬦ᭄ᬤᬦᬾᬦᬾᬭᬶᬳᬶᬦ᭄᭞ᬭᬩᬶᬦᬾᬲᬦᬳᬮᬶᬢᬦ᭄᭞ᬲᬂᬩ᭄ᬭᬳ᭄ᬫᬵᬡᬶᬦᬭᬾᬰ᭄ᬯᬭᬶ᭞ᬲᬓᬶᬂᬫᬗ᭄ᬕᬶᬲ᭄ᬦᬵᬕᬭᬶ᭞ᬕ᭄ᬭᬶᬬᬘᬭᬶᬓ᭄ᬦᬾᬓᬯᬸᬯᬸᬲ᭄᭞ᬮᬘᬸᬃᬢᬦ᭄ᬧᬕᬦ᭄ᬢᬸᬮᬦ᭄
᭞ᬭᬩᬶᬦ᭄ᬳᬶᬤᬫᬓᬓᬮᬶᬄ᭞ᬲᬫᬶᬩᭂᬓᬸᬂ᭞ᬢᬦ᭄ᬳᬦᬦᬶᬂᬯᭂᬃᬤ᭄ᬟᬶᬯᬗ᭄ᬰ᭟ᬳᬭᬶᬦ᭄ᬳᬶᬤᬩᬕᬸᬲ᭄᭠ᬩᬹᬃᬯ᭄ᬯᬦ᭄᭞ᬲᬦᬾᬫᬦᭂᬗᬄᬫᬹᬃᬯ᭄ᬯᬦᬶᬦ᭄᭞ᬧᬧᬰᬶᬄᬳᬶᬤᬓᬶᬦᬸᬘᬧ᭄᭞ᬧᬤᬡ᭄ᬟᬫᬥᬾᬧᬶ᭠
ᬦᬢᬶᬄ᭞ᬤ᭄ᬯᬶᬢ᭄ᬬᬭᬭᬩᬶᬦᬾᬯ᭄ᬬᬓ᭄ᬢᬶ᭞ᬧᭂᬲᬾᬗᬦ᭄ᬳᬶᬤᬓᬯᬸᬯᬸᬲ᭄᭞ᬧᬡ᭄ᬟ᭄ᬬᬳᬶᬲ᭄ᬢ᭄ᬭᬶᬳᬶ᭠ᬦ᭄ᬢᬭᬦ᭄᭞ᬡᬭᬦᬾᬭᬶᬂᬓᬧᬶᬂᬓᬮᬶᬄ᭞ᬳᬚᬸᬚᬸᬮᬸᬦ᭄᭞ᬤᬦᬾᬚ᭄ᬭᭀᬧᬸᬢᬸᬳᬜᬭᬦ᭄᭟᭠
ᬭᬩᬶᬦᬾᬲᬦᬾᬤᬸᬳᬸᬭᬦ᭄᭞ᬫᬓᬵᬳᬃᬤ᭄ᬟᬭᬾᬰ᭄ᬯᬭᬷ᭞ᬳᬓ᭄ᬯᬾᬄᬧᬸᬢ᭄ᬭᬦᬾᬓᬶᬦᬸᬘᬧ᭄᭞ᬲᬫᭀᬥᬬᬮᬦᬂᬳᬶᬲ᭄ᬢ᭄ᬭᬶ᭞ᬦᬗ᭄ᬳᬶᬂᬢ᭄ᬮᬲ᭄ᬢ᭄ᬯᬭᬓᬭᬶ᭞ᬓᬩᬯᭀᬲ᭄ᬳᬶᬤᬯᬸᬲ᭄ᬘᬫ᭄ᬧᬸᬢ᭄᭞ᬓ
[᭓᭖ 36A]
ᬭᬶᬧᬸᬢ᭄ᬭᬲᬦᬸᬗ᭄ᬕᬮ᭄᭞ᬳᬶᬲ᭄ᬢ᭄ᬭᬶᬲᬵᬫ᭄ᬧᬸᬦ᭄ᬓᬵᬮᬧ᭄ᬭᬩᬶ᭞ᬯᬸᬲ᭄ᬫᬯᬶᬓᬸ᭞ᬳᬰ᭄ᬭᬫᬾᬂᬤᬾᬰᬲᬸᬩᬕᬦ᭄᭟ᬫᭂᬜᬦᬾᬳᬮᬶᬢᬦ᭄᭞ᬚ᭄ᬭᭀᬧᬸᬢᬸᬫᬗ᭄ᬓᬶᬦ᭄ᬫᬹᬃᬯ᭄ᬯᬦᬶᬦ᭄᭞ᬢᬹᬲ᭄ᬦᬶᬂᬧᬲᭂ
ᬓ᭄ᬧ᭄ᬭᬪᬵᬗ᭄ᬓᬭ᭞ᬲᬓᬾᬂᬯᬦ᭄ᬯᬾᬂᬩᬗ᭄ᬓᬓ᭄ᬗᬹᬦᬶ᭞ᬳᬦᬯᬗ᭄ᬰᬦ᭄ᬬᬯᬺᬤ᭄ᬟᬶ᭞ᬲᬧᬸᬮᬸᬄᬯᬶᬚᬷ᭠ᬲ᭄ᬢ᭄ᬭᬶᬓᬓᬸᬂ᭞ᬦᬾᬗ᭄ᬳᬶᬂᬲᬦᬾᬗᬯᬺᬤ᭄ᬟᬶᬬᬂ᭞ᬢ᭄ᬯᬄᬳᬶᬤᬲᬂᬘᬢᬹᬃᬤᬶᬭᬶ᭞ᬧᬮᬶᬂᬤᬸᬳᬸᬃ᭞ᬳᬶᬤᬩᬕᬸᬲ᭄ᬯᬬ
ᬦ᭄ᬢᭂᬮᬩᬄ᭟ᬲᬶᬗ᭄ᬕᬶᬄᬭᬢᬸᬳᬫ᭄ᬧᬸᬭᬬᬂ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬦᬗᬸᬦ᭄ᬕᬸᬭᬶᬢ᭄᭞ᬢᬦ᭄ᬲᬶᬤ᭄ᬟᬧᬘᬂᬗ᭄ᬮᬦ᭄ᬢᬸᬭᬂ᭞ᬧᬸᬗ᭄ᬓᬸᬭᬦ᭄ᬫᬮᬶᬄᬯᬮᬶᬦᬶᬦ᭄᭞ᬓᬶᬭᬂᬭᬗ᭄ᬓᬸᬂᬢᬸᬦᬍᬯᬶᬄ᭞ᬲ᭄ᬯᬾᬘᬗᬫ᭄ᬧᬸᬭᬬᬂᬭᬢᬸ᭞
ᬭᬾᬄᬢᬶᬢ᭄ᬬᬂᬓᬢᬸᬦᬦ᭄ᬰᬲ᭄ᬢ᭄ᬭ᭞ᬢᬸᬦᬫᬦᬄᬢᬸᬦᬵᬓᬶᬃᬢ᭄ᬢᬶ᭞ᬩᬲ᭄ᬓᬤᬸᬭᬸᬲ᭄᭞ᬫᭀᬫᭀᬫᬶᬸᬦ᭄ᬫᬦᬳᬾᬢᬸᬳᬸᬓᬂ᭚᭜᭚ᬧᬸᬦᬶᬓᬶᬧᬧᬭᬶᬓᬦ᭄ᬧᬮᬮᬶᬦ᭄ᬢᬶᬄᬩ᭄ᬭᬵᬳ᭄ᬫᬡᬳ
Kaca:Bali-lontar-paparikan-babad-brahmana-350ppi.pdf/36
Kaca puniki sampun kauji-wacén
