[᭔ 4B]
᭔
ᬦ᭄᭟ᬗ᭄ᬳᬭᬶᬓᬵᬕᬸᬦᬸᬗᬾᬫᭀᬮᬄ᭞ᬫᬸᬫ᭄ᬩᬸᬮᬳᬧ᭄ᬯᬶᬦᬾᬫᬗᭂᬦ᭄ᬤᬶᬄ᭞ᬲᬓᬶᬂᬳ᭄ᬬᬂᬧ᭠ᬜ᭄ᬘᬧ᭄ᬭᬫᬡ᭞ᬫᬶᬚᬶᬮ᭄ᬧᬸᬢ᭄ᬭᬮᬶᬫᬂᬤᬶᬭᬶ᭞ᬓᬧᬜ᭄ᬘᬲᬫᬶᬮᬓᬶ᭞ᬯᬃᬡ᭄ᬦᬦ᭄ᬳᬶᬤᬮᬶᬦ᭄ᬢᬂᬩᬕᬸ᭠
ᬲ᭄᭞ᬧᬤᬉᬢ᭄ᬢᬫᬾᬂᬳᬚ᭄ᬜᬡ᭞ᬳᬲᬶᬂᬓᬬᬸᬦ᭄ᬲᬶᬤ᭄ᬟᬶᬫᬦ᭄ᬤᬶ᭞ᬚᬢᬶᬧᬸᬢᬸᬲ᭄᭞ᬫᬭᬕᬤᬾᬯᬲᬓᬮᬵ᭟ᬓᬣᬳᬶᬓᬂᬧᬮᬶᬂᬚ᭄ᬬᬾᬱ᭄ᬝ᭞ᬧᬧᬰᬶᬄᬳᬶᬤᬲᬸᬚᬢᬶ᭞ᬳᬶᬤᬳᬳᭂᬫ᭄ᬧᬸ᭠
ᬕ᭄ᬦᬶᬚᬬ᭞ᬢᬸᬗ᭄ᬕᬮ᭄ᬭᬶᬂᬦᬵᬫᬲᬗᬚᬶ᭞ᬓᬂᬧᬗᬳᬸᬮᬸᬓᬯᬃᬡ᭄ᬦᬶ᭞ᬳᬲᬵᬚ᭄ᬜᬫ᭄ᬧᬸᬲᬸᬫᬾᬭᬸ᭞ᬲᬦᬾᬭᬶᬂᬓᬧᬶᬂᬢᬶᬕ᭞ᬫ᭄ᬧᬸᬕᬡᬓᬧᬭᬩᬶᬦ᭄᭞ᬦᬾᬓᬘᬢᬹᬃ᭞ᬧᬸᬱ᭄ᬧᬶᬣᬫ᭄ᬧᬸᬓᬸᬢᬸᬭ᭠
ᬦ᭄᭟ᬦᬾᬧᬸᬫᬸᬗ᭄ᬰᬸᬘᬭᬶᬢᬬᬂ᭞ᬧᬸᬱ᭄ᬧᬶᬣᬦ᭄ᬳᬶᬤᬲᬂᬋᬱᬶ᭞ᬫ᭄ᬧᬸᬩ᭄ᬭᬥᬄᬓᬮᬸᬫ᭄ᬩ᭄ᬭᬳᬂ᭞ᬤᬤᭀᬲ᭄ᬧᬜ᭄ᬘᬢᬶᬃᬢ᭄ᬣᬵᬳᭂᬦᬶᬂ᭞ᬫᬲᬵᬤᬓ᭄ᬲᬫᬶᬳᬲᬶᬄ᭞ᬧᬸᬦᬶᬓᬵᬦᬾᬧᬮᬶᬂᬤᬸᬳᬸᬃ᭞ᬳᬶ᭠
[᭕ 5A]
ᬤᬫ᭄ᬧᬸᬖ᭄ᬦᬶᬚᬬ᭞ᬫᬗᬶᬭᬶᬂᬓᬬᬸᬦ᭄ᬲᬂᬗᬚᬶ᭞ᬗᬸᬗ᭄ᬰᬶᬮᬸᬗ᭄ᬕᬸᬄ᭞ᬧᬸᬘᬓᬶᬂᬕᬸᬦᬸᬂᬮᬫ᭄ᬧᬸᬬᬂ᭟ᬳᬶᬤᬲᬗ᭄ᬳ᭄ᬬᬂᬧᬸᬢ᭄ᬭᬚᬬ᭞ᬘᬾᬢᬦᬫᬭᬶᬂᬩᬲᬓᬶᬄ᭞ᬫᬭᬕᬰᬹᬡ᭄ᬬᬦᬶᬃᬫ᭄ᬫᬮ᭞ᬧᭂ
ᬦᭂᬢ᭄ᬢᬦ᭄ᬓᬢᭀᬦ᭄ᬭᬶᬂᬩᬸᬫᬶ᭞ᬭᬶᬂᬧᬤ᭄ᬫᬢᬶᬕᬵᬮᬶᬗ᭄ᬕᬶᬄ᭞ᬯᬸᬯᬸᬲᭂᬦ᭄ᬪᬝᬭᬶᬤᬦᬸᬄ᭞ᬳᬓᬳ᭄ᬬᬗᬦ᭄ᬭᬶᬂᬍᬩᬄ᭞ᬳᬶᬭᬶᬓᬵᬳᬶᬤᬗᬰ᭄ᬭᬫᬶ᭞ᬕᬸᬦᬸᬂᬩᬢᬹᬃ᭞ᬳᬸᬮᬸᬦ᭄ᬤᬦᬸᬓᬳᬸᬘᬧᬂ᭟
ᬫᬮᬶᬄᬧᬹᬃᬯ᭄ᬯᬳᬂᬓᬂᬓᬣ᭞ᬳᬶᬤᬲᬂᬘᬢᬹᬃᬫᬵᬬᬢᬶ᭞ᬳᬶᬓᬂᬧᬗ᭄ᬳᬸᬮᬸᬳᬸᬘᬧᬂ᭞ᬫ᭄ᬧᬸᬲᬸᬫᬾᬭᬸᬫᬗ᭄ᬭᬭᬶᬲ᭄᭞ᬭᬶᬂᬩᬲᬓᬶᬄᬫᬮᬶᬗ᭄ᬕᬶᬄ᭞ᬗᬶᬭᬶᬂᬤᬵᬲᬂᬧ᭄ᬭᬫᬕᬸᬭᬸᬓᬂᬳᬭᬶᬫ᭄ᬧᬸᬕ
ᬡ᭞ᬓᬤᬲᬃᬕᬾᬮ᭄ᬕᬾᬦ᭄ᬫᬗ᭄ᬭᬭᬶᬲ᭄᭞ᬫᬗᬶᬭᬶᬂᬳ᭄ᬬᬸᬦ᭄᭞ᬧᬺᬡᬄᬳᬶᬤᬳᬫᬶᬲ᭠ᬦᬦ᭄᭟ᬧᬸᬦᬶᬓᬵᬫ᭄ᬧᬸᬓᬸᬢᬸᬭᬦ᭞ᬘᬾᬢ᭄ᬢᬦᬭᬶᬂᬰᬾᬮᬬᬸᬓ᭄ᬢᬶ᭞ᬳᬶᬭᬶᬓᬵᬦᬗᬸᬦ᭄ᬧ
Kaca:Bali-lontar-paparikan-babad-brahmana-350ppi.pdf/5
Kaca puniki sampun kauji-wacén
