[᭖᭐ 60B]
᭖᭐
ᬢᬶᬄᬳᬮᭀᬦ᭄ᬳᬸᬫᬵᬢᬹᬃ᭞ᬲᬦ᭄ᬤᬶᬓᬦ᭄ᬳᬶᬤᬲᬂᬦᬵᬣ᭞ᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬧᬗ᭄ᬭᬯᭀᬲᬾᬤᬶᬩᬜ᭄ᬘᬶᬗᬄ᭟ᬦᬾᬫᬦᬶᬮᬯᬸᬢ᭄ᬧᬸᬧᬸᬢᬂ᭞ᬓᬵᬃᬬ᭄ᬬᬦᬾᬮᬯᬸᬢ᭄ᬫᬩᬸᬜ᭄ᬘᬶᬂ᭞ᬧᬗᬭᬄᬦ᭄ᬤᬸᬦᬂᬳᭂᬕᭀᬂ᭞ᬦᭂᬫ᭄ᬩᬭᬸᬂᬓᬮᬯᬵᬦᬗ᭄ᬓ᭄ᬮᬸᬂ᭞ᬲᬵᬫ᭄ᬧᬸᬦ᭄ᬫᬰ᭄ᬯᬭᬤᬶᬚᬩᬵ᭞ᬕᬫ᭄ᬩᬸᬄ
ᬫᬶᬚᬶᬮ᭄᭞ᬚᭀᬕᬾᬤ᭄ᬮᬾᬕᭀᬂᬲᬫᬶᬫ᭄ᬤᬮ᭄᭟ᬲᬶᬬᭀᬲ᭄ᬕᭂᬦ᭄ᬤᬶᬂᬢᬢᬩᬸᬳᬦ᭄᭞ᬕᭂᬦ᭄ᬤᬶᬂᬮᬸᬯᬂᬗᬮᬶᬓᬮᬶᬓ᭄᭞ᬫᬳᭀᬬᭀᬭᬦ᭄ᬮᬦ᭄ᬯᬬᬂᬯᭀᬂ᭞ᬲᬗᬦᭀᬦ᭄ᬢᭀᬦ᭄ᬲᭂᬲᭂᬓ᭄ᬧᭂᬦᬸᬄ᭞ᬲᭀᬮᬄᬩ᭄ᬤᬶᬮ᭄ᬩᬭᬶᬲ᭄ᬥᬤᬧ᭄᭞ᬬᬾᬦᬶᬂᬯ᭄ᬗᬶ᭞ᬯᬬᬂᬕᭂᬦ᭄ᬤᬾᬭᬾ᭠
ᬫᬰ᭄ᬯᬭᬵ᭟ᬦᬩᬸᬄᬕᭂᬦ᭄ᬤᬶᬗᬾᬳᬗ᭄ᬭᬭᬲ᭄᭞ᬓᬗᭂᬦ᭄ᬲᬂᬗᬦᬶᬜ᭄ᬚᭀᬳᬶᬲ᭄ᬢ᭄ᬭᬶ᭞ᬳᬬᬸᬳᬬᬸᬳᬦᭀᬫᬦᭀᬫ᭄᭞ᬲᬸᬓᬵᬯᭀᬂᬧᬥᬳᬦ᭄ᬤᬸᬮᬸ᭞ᬧ᭄ᬭᬳᬶᬲ᭄ᬢ᭄ᬭᬶᬭᬶᬂᬚ᭄ᬭᭀᬧᬸᬭᬵ᭞ᬫᬦᬸᬓᬗᬶᬦ᭄᭞ᬲᬕᬯᬾᬲᬮ᭄ᬯᬶᬭᬶᬂᬓᬵᬃᬬ᭄ᬬ᭟ᬳᬸᬦ᭄ᬤᬂᬳᬸᬦ᭄ᬤᬗᬦᬾᬢ᭄ᬓ᭞ᬫᬗᬾᬩ᭠
ᬢ᭄ᬮᬯᬵᬦ᭄ᬫᬗᬸᬮᬶᬂ᭞ᬢᬢᬩᬸᬳᬦ᭄ᬲᬫᬶᬳᬸᬫᭀᬃ᭞ᬮᬦ᭄ᬩᭂᬤᬶᬮᬾᬳᬸᬫᬭᬸᬤᬕ᭄᭞ᬚᬚᬫ᭄ᬧ᭄ᬭᬗᬦᬾᬫᬰ᭄ᬯᬭᬵ᭞ᬫᬗᬺᬋᬗᬶᬄ᭞ᬳᬶᬮᬾᬦᬶᬮᬾᬦᬾᬫᬾᬦ᭄ᬤᬳᬦ᭄᭟ᬯᬳᬸᬫᬶᬗ᭄ᬕᭂᬓ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬲᬵᬫ᭄ᬧᬸᬦ᭄ᬫᬮᬸᬯᬭᬦ᭄ᬫᬗ᭄ᬓᬶᬦ᭄᭞ᬕᬫ᭄ᬩᬸᬄ᭠
[᭖᭑ 61A]
᭖᭑
ᬥᬥᬧ᭄ᬚᭀᬚᭀᬋᬓᭀ᭞ᬓᬯᬸᬯᬸᬲ᭄ᬳᬶᬤᬲᬂᬧ᭄ᬭᬪᬹ᭞ᬓᬸᬤᬦᬾᬲᬵᬫ᭄ᬧᬸᬦ᭄ᬫᬧᬬᬲ᭄᭞ᬰ᭄ᬭᬷᬪᬸᬧᬢᬶ᭞ᬲᬵᬫ᭄ᬧᬸ᭠ᬦ᭄ᬫᬗ᭄ᬭᬗ᭄ᬲᬸᬓ᭄ᬪᬸᬱᬡᬵ᭟ᬫᬯᬵᬲ᭄ᬢ᭄ᬭᬘᬦ᭄ᬤ᭄ᬭᬵᬩᬶᬯᬳᬵ᭞ᬫᬓᬵᬫ᭄ᬧᬸᬄᬲᬸᬢ᭄ᬭᬦᬾᬯᬶᬮᬶᬲ᭄᭞ᬫᬘᭀᬢᬵᬲᭀ
ᬗ᭄ᬓᬾᬢᬾᬓᬯᭀᬢ᭄᭞ᬧᬧᭂᬓᭂᬓᬾᬲᬵᬃᬯ᭄ᬯᬫᬸᬭᬸᬩ᭄᭞ᬫᬧᬶᬗ᭄ᬕᭂᬮ᭄ᬫᬵᬲ᭄ᬓᬱ᭄ᬡᬧᬸᬱ᭄ᬧ᭞ᬜᬸᬗ᭄ᬓ᭄ᬮᬶᬢ᭄ᬓ᭄ᬭᬶᬲ᭄᭞ᬮᬡ᭄ᬥᬾᬬᬦ᭄ᬫᬰᭀᬘᬵᬫᬶᬭᬄ᭟ᬳᬮᬶᬳᬮᬶᬦᬾᬫᬗ᭄ᬭᬜᬩ᭄᭞ᬫᬲ᭄ᬓᬃᬧᬸᬘᬸᬓ᭄ᬫᬧᬶᬮ᭄ᬧᬶᬮ᭄᭞ᬫᬸᬗ᭄ᬕᬄᬭᬶᬂᬓᬸᬤᬦᬾᬫᬗ᭄ᬓᭀ᭞ᬫᬳᬶᬭᬶᬗ
ᬦ᭄ᬧᬶᬢᬸᬗᬢᬸᬲ᭄᭞ᬩᬕᬸᬲᬸᬫ᭄ᬩᬭᬫᬫᬵᬃᬕ᭄ᬕᬵ᭞ᬲᬥᬵᬜᬫ᭄ᬧᬶᬂ᭞ᬲᬃᬯ᭄ᬯᬫᬫ᭄ᬩᬓ᭄ᬢᬵᬮᬮᬬ᭄ᬘᬂ᭟ᬢᬫ᭄ᬧᭂᬓ᭄ᬭᬶᬂᬦᬵᬕᬭᬾᬂᬥᭂᬳᬵ᭞ᬧ᭄ᬭᬩ᭄ᬓᭂᬮ᭄ᬧᬥᬫᬓᬶᬲᬶ᭞ᬳᭂᬦ᭄ᬢᭀᬦᬾᬦᬾᬗᬩᬧᬩ᭄ᬯᬦ᭄᭞ᬧᬦ᭄ᬢᭂᬲ᭄ᬦᬸᬗ᭄ᬕᬂᬓᬸᬤᬵᬮᬸᬳᬸᬂ᭞ᬲᬂᬧ᭄ᬭᬪᬹᬗᬩᬬᬂᬧᬩ᭄ᬯ᭠
ᬦ᭄᭞ᬧᬦ᭄ᬢᭂᬲ᭄ᬕᬢᬶ᭞ᬓᬾᬦ᭄ᬢᭀᬲᬂᬧ᭄ᬭᬪᬸᬫᬶᬋᬗᬂ᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓᬵ᭞ᬩᬕᬸᬲᬸᬫ᭄ᬩᬭᬳᭂᬲᬾᬗᬶᬦ᭄᭞ᬘ᭠ᬳᬶᬦᬸᬗ᭄ᬕᬂᬓᬸᬤᬫᬗ᭄ᬓᭀ᭞ᬤ᭄ᬧᬂᬩ᭄ᬮᬶᬚᬦᬶᬢᬸᬳᬸᬦ᭄᭞ᬩᬕᬸᬲᬸᬫ᭄ᬩᬭᬫᬫᬶᬦ᭄ᬤᬄ᭞ᬢᬶᬢ᭄ᬬᬂᬧᬫᬶᬢ᭄᭞ᬗᬶᬭᬶᬂᬳᬶᬤᬵᬦᬸᬗ᭄ᬕᬂ᭠
