[᭘᭒ 82B]
᭘᭒
ᬲᬹᬃᬬ᭄ᬬᬘᬦ᭄ᬤ᭄ᬭᬵᬢᬶᬦᭀᬦ᭄᭞ᬕᭂᬋᬳᬾᬰᬰᬶᬄᬓᬘᬢᬹᬂ᭞ᬧᬶᬦᬄᬲᬵᬫ᭄ᬧᬸᬦ᭄ᬤᬯᬸᬄᬲᬧ᭄ᬢᬵ᭞ᬫᬥ᭄ᬬᬮᬢ᭄ᬭᬶ᭞ᬫᬶᬚᬶᬮ᭄ᬲᬗ᭄ᬳ᭄ᬬᬂᬤᬶᬯᬗ᭄ᬓᬭᬵ᭟ᬭᬳᬤᬾᬦ᭄ᬕᬮᬸᬄᬭᬶᬂᬚᬯᬵ᭞ᬫᬳᬢᬹᬃᬲᬳᬵᬯᭀᬢ᭄ᬲᬭᬷ᭞ᬦᬶᬓᬶᬓ᭄ᬫᬶᬢᬦᬾᬳᬗ᭄ᬕᭀᬦ᭄᭞ᬫᬓᬵᬘᬶᬭᬶᬦ᭄ᬢᬶᬢ᭄ᬬᬂᬢᬸᬳᬸ
᭞ᬦᬶᬓᬶᬲᬩᬸᬓᬾᬦᬾᬧ᭄ᬢᬓ᭄᭞ᬫ᭄ᬤᬕᬶᬂᬫᬡᬶᬓ᭄᭞ᬧᬕᬸᬭ᭄ᬯᬦᬶᬂᬲᬵᬃᬯ᭄ᬯᬬᬸᬤ᭄ᬥᬵ᭟ᬫᬮᬶᬄᬦᬶᬓᬶᬫᬡᬶᬓ᭄ᬤᬤ᭄ᬯ᭞ᬧᬘᬂᬲᬶᬓᭂᬧᬂᬤᬶᬧᬰᬶᬄ᭞ᬬᬤ᭄ᬬᬦ᭄ᬳ᭄ᬬᬾᬄᬧᬰᬶᬳᬾᬓᬯᭀᬦ᭄᭞ᬲᬵᬫ᭄ᬧᬸᬦᬂᬚ᭄ᬯᬩ᭄ᬮᬶᬓᬾᬗ᭄ᬕᬸᬄ᭞ᬓᬢᬢ᭄ᬯᬦ᭄ᬫᬡᬶᬓ᭄ᬲᬕᬭᬵ᭞ᬢᬶᬕᬂᬯ᭄ᬗᬶ᭞ᬩ᭄ᬮᬶᬫ᭄ᬮᬬᬃ᭠
ᬭᬯᬸᬄᬭᬶᬂᬚᬯ᭄ᬯ᭟ᬲᬩᬸᬓ᭄ᬧ᭄ᬝᬓᬾᬫᬡᬶᬓ᭄ᬤᬢ᭄ᬣ᭞ᬦᬯᬶᬩ᭄ᬮᬶᬫᬗ᭄ᬕᬶᬳᬶᬦ᭄ᬓᬮᬶ᭞ᬧᬶᬦᬲᬂᬫᬡᬶᬓᬾᬋᬓᭀ᭞ᬲᬢ᭄ᬭᬸᬲᬫᬶᬢᬦ᭄ᬧᬩᬮᬸᬂ᭞ᬩᭀᬬᬩ᭄ᬮᬶᬓᬲᭀᬃᬬᬸᬥ᭞ᬲᭀᬭᬶᬂᬮᬗᬶᬢ᭄᭞ᬩ᭄ᬮᬶᬲᬫᬶᬓᬸᬘᬶᬯᬬᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᬭᬶᬫᬵ᭞ᬓ᭄ᬫᬶᬢᬦ᭄ᬧ᭠
ᬗᬗ᭄ᬕᭀᬲᬫᬶ᭞ᬢᬸᬫᬸᬮᬶᬄᬳᬗ᭄ᬭᬲᬸᬓ᭄ᬋᬓᭀ᭞ᬫᬲᭂᬭᭀᬤ᭄ᬢᬸᬫᬸᬮᬶᬄᬫ᭄ᬢᬸ᭞ᬭᬳᬤᬾᬦ᭄ᬕᬮᬸᬄᬫᬘᬶᬗᬓ᭄᭞ᬫᬓᬓᬮᬶᬄ᭞ᬢᬸᬫᬸᬮᬶᬄᬫᬧᭂᬦ᭄ᬤᬓ᭄ᬢᬶᬗ᭄ᬳᬦᬶᬸᬮ᭄᭟ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬲᭀᬭᬶᬂᬩᬜ᭄ᬘᬶᬗᬄ᭞ᬓᭀᬘᬧᭂᬦ᭄ᬭᬯᬸᬄᬭᬶᬂᬫᬵᬃᬕ᭄ᬕᬶ᭞ᬳ᭄ᬦᭂᬗᬓ᭄ᬦᬵᬭᬶᬂᬚ᭄ᬭᭀ
[᭘᭓ 83A]
᭘᭓
᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬯᬸᬯᬸᬲ᭄᭞ᬧ᭄ᬭᬕᬶᬡ᭄ᬦᬕᬫ᭄ᬩᬸᬄᬘᬸᬫᬥᬂ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬓᬵᬃᬬ᭄ᬬᬦᬶᬂᬯᭀᬂᬗᬫᭀᬂᬧᬮ᭄ᬯᬵ᭟ᬭᬭᬶᬲ᭄ᬳᬶᬤᬵᬦᬸᬗ᭄ᬕᬂᬓᬸᬤᬵ᭞ᬓᬮᬯᬦ᭄ᬳᬶᬧᬢᬶᬄᬫᬦ᭄ᬢ᭄ᬭᬶ᭞ᬫᬩᬸᬱᬡᬲᬫᬶᬓᬯᭀᬢ᭄᭞ᬫᬲᬲᭀᬘᬦ᭄ᬭᬢ᭄ᬦᬵᬫᬸᬭᬸᬩ᭄᭞ᬲᬵ᭠
ᬫ᭄ᬧᬸᬦ᭄ᬮᬶᬦ᭄ᬢᬂᬭᬶᬂᬦᬵᬕᬭᬵ᭞ᬦᬾᬫᬗᬶᬭᬶᬂ᭞ᬫᭂᬗᬗ᭄ᬕᭀᬲᬫᬶᬓᬯᭀᬢᬦ᭄᭟ᬢᬦ᭄ᬓᭀᬘᬧᭂᬦ᭄ᬭᬶᬂᬤᬤᬮᬦ᭄᭞ᬲᬵᬫ᭄ᬧᬸᬦ᭄ᬦᬵᬫ᭄ᬧᭂᬓ᭄ᬭᬶᬂᬧᬲᬶᬲᬶ᭞ᬧᬸᬦ᭄ᬲ᭄ᬫᬃᬫᬗ᭄ᬓᬾᬢᬦᬤᭀᬄ᭞ᬧᬸᬦᬶᬓᬵᬢᬢ᭄ᬓᭂᬦ᭄ᬳᬕᬸᬂ᭞ᬲᬗ᭄ᬳ᭄ᬬᬂᬲᬹᬃᬬ᭄ᬬᬤᬯᬸᬄᬧᬶᬲᬦ᭄᭞ᬦᬸᬮ᭄ᬬᬧ᭄ᬭᬧ᭄ᬢᬶ᭞ᬫᬭᬶᬂᬮ᭠
ᬗ᭄ᬯᬦ᭄ᬕᬕ᭄ᬮᬶᬲᬦ᭄᭟ᬳᬓᬾᬄᬯᭀᬂᬧᬲᬶᬲᬶᬧ᭄ᬭᬧ᭄ᬢᬵ᭞ᬧᬋᬓ᭄ᬭᬶᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲᬫᬶᬬᬫᬳᬢᬹᬃᬳᬮᭀᬦ᭄᭞ᬧᬸᬦᬧᬶ᭠ᬓᬵᬃᬬ᭄ᬬᬦᬾᬭᬢᬸ᭞ᬫᬗ᭄ᬓᬶᬦ᭄ᬫᬸᬗ᭄ᬕᬄᬓᬩᬳᬶᬢ᭄ᬣ᭞ᬬᬾᬦ᭄ᬢᬦ᭄ᬲᬶᬲᬶᬧ᭄᭞ᬢᬶᬢ᭄ᬬᬂᬭᬢᬸᬗᬶᬭᬶᬂᬮᬸᬗ᭄ᬳᬵ᭟ᬲᬸᬩᬮᬶᬬᬸᬳᬚᬓ᭄ᬮᬸᬯᬲ᭄
᭞ᬦᬶᬭᬵᬜᬯᬗᬶᬦ᭄ᬤᬾᬦ᭄ᬚᬸᬭᬶᬢ᭄᭞ᬓᭀᬘᬧ᭄ᬳᬦᬵᬰᬢ᭄ᬭᬸᬓᬯᭀᬢ᭄᭞ᬦᬾᬫᬳᬢᬹᬃᬲᬤᬵᬓ᭄ᬜᬸᬂ᭞ᬳᬧᬦ᭄ᬤᬦᬾᬲᬵᬫ᭄ᬧᬸᬦ᭄ᬢᬢᬲ᭄᭞ᬲᬧ᭄ᬭᬢᬾᬓᬶ᭞ᬤᬸᬓ᭄ᬤᬦᬾᬤᬸᬫᬸᬦ᭄ᬓᬚᬯᬵ᭟ᬭᬤᬾᬦ᭄ᬫᬦ᭄ᬢ᭄ᬭᬶᬲᬵᬫ᭄ᬧᬸᬦ᭄ᬫᬸᬗ᭄ᬕᬄ᭞ᬲᬫᬶᬕᬺᬳᬦᬶᬂᬧᬗᬶᬭᬶᬂ᭞ᬧᬢᬶᬄ
