Kaca:Bali-lontar-paparikan-bagus-umbara-01-250ppi.pdf/97

Kaca puniki sampun kauji-wacén

[᭙᭖ 96B]
᭙᭖
ᬢᭀᬮᬦᬾᬢᭀᬓᬶᬭᬶᬫᬂ᭞ᬳᬧᬂᬲᬶᬮᬶᬩ᭄᭞ᬢᭂᬓᬾᬦ᭄ᬚᬸᬭᬕᬦ᭄ᬓᬶᬭᬶᬫᬂ᭟ᬚᬸᬭᬕᬦ᭄ᬗᬗ᭄ᬕᭀᬓᬯᭀᬢᬦ᭄᭞ᬫᬩᬚᬸᬲ᭄ᬮᭂᬫ᭄ᬫᬮᬸᬗᬶᬤ᭄᭞ᬢᬹᬃᬫᬓᭀᬧ᭄ᬬᬄᬩ᭄ᬭᬶᬲ᭄‌‌ᬚᬾᬗ᭄ᬕᭀᬢ᭄᭞ᬭᬳᬤ᭄ᬬᬦ᭄ᬕᭂᬮᬶᬲ᭄ᬮᬸᬫᬓᬸ᭞ᬧᬢᬶᬄᬓᬮᬯᬦ᭄ᬧᬸᬦ᭄ᬲ᭄ᬫᬃ
᭞ᬧ᭄ᬭᬧ᭄ᬢᬾᬂᬫᬵᬃᬕ᭄ᬕᬶ᭞ᬧᬫᬵᬃᬕ᭄ᬕᬶᬦᬾᬕᬕ᭄ᬮᬶᬲᬦ᭄᭟ᬢᬦ᭄ᬓᭀᬘᬧᬜᬭᬶᬂᬫᬵᬃᬕ᭄ᬕᬶ᭞ᬧ᭄ᬭᬧ᭄ᬢᬵᬭᬶᬂᬧᬲᬃᬫᬗᬶᬦ᭄ᬢᬶᬧ᭄᭞ᬳᬤᬭᬶᬂᬧᬢ᭄ᬮᬸᬯᬦ᭄ᬜᭀᬗ᭄ᬓᭀᬓ᭄᭞ᬳᬤᬭᬶᬂᬲᭀᬃᬯ᭄ᬭᬶᬗᬶᬦᬵᬕᬸᬂ᭞ᬲᬵᬫ᭄ᬧᬸᬦ᭄ᬧ᭄ᬢᭂᬂᬲ᭄ᬧᬶᬧᬶᬲᬦ᭄᭞ᬯᭀᬂᬭᬶᬂᬫᬵᬃᬕ᭄ᬕᬶ᭞ᬢᬦ᭄ᬯᬾᬦ᭄ᬢᭂᬦ᭄ᬳ
ᬦᬓ᭄ᬭᬶᬂᬫᬵᬃᬕ᭄ᬕᬵ᭟ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬓᭀᬘᬧ᭞ᬲᬵᬫ᭄ᬧᬸᬦ᭄ᬭᬶᬂᬧᬢᬸᬭᭀᬦᬕᬸᬮᬶᬂ᭞ᬫᬶᬯᬄᬲᬂᬯᭀᬗᬶᬂᬤᬶᬚ᭄ᬭᭀ᭞ᬢᬸᬫᬸᬮᬶᬄᬲᬵᬫᬶᬳᬢᬸᬭᬸ᭞ᬲ᭄ᬧᬶᬲᬦ᭄ᬚᬦᬶᬤᬶᬧᬸᬭᬵ᭞ᬲᬵᬫ᭄ᬧᬸᬦ᭄ᬯᭂᬗᬶ᭞ᬲ᭄ᬯᬭᬦ᭄ᬧ᭄ᬦᬮᬶᬓᬦ᭄ᬧᬶᬂᬳᭂᬫ᭄ᬧᬢ᭄᭟ᬭᬳᬤᬾᬦ᭄ᬕᬮᬸᬄ
ᬓᭀᬘᬧ᭞ᬭᬶᬂᬧᬢᬸᬭᭀᬦᬦ᭄ᬳᬕᬸᬮᬶᬂ᭞ᬳᬾᬮᬶᬂᬭᬶᬂᬳᬸᬪᬬᬵᬫᬗ᭄ᬓᭀ᭞ᬳᬮᬶᬗ᭄ᬕᬶᬄᬢᬦᬵᬦᬢᬸᬭᬸ᭞ᬧᬦᬮᬶᬓᬦᬾᬫᬲ᭄ᬯᬭᬵ᭞ᬢ᭄ᬗᬄᬯ᭄ᬗᬶ᭞ᬗᬦ᭄ᬤᬶᬓᬵᬢ᭄ᬓᬾᬦ᭄ᬳᬶᬩᬬᬦ᭄᭟ᬓᬓᬵᬩᬬᬦ᭄ᬚᬮᬦ᭄ᬮᬸᬯᬲ᭄᭞ᬦᬶᬭᬗᬮᬶᬄᬩ᭄ᬮᬶᬫᬦ᭄ᬢ᭄ᬭᬶ᭞ᬢᬸᬫᬸᬮᬶᬄ

[᭙᭗ 97A]
᭙᭗
ᬧᭂᬲᬸᬫᬦᬾᬫ᭄ᬧᭀᬂ᭞ᬯᭀᬂᬚᭂᬭᭀᬗᬶᬭᬶᬂᬧᬧᬶᬢᬸ᭞ᬲᬸᬳᬸᬂᬲ᭄ᬧᬶᬢᬸᬯᬶᬯᬶᬓᬦ᭄᭞ᬩᬬᬦ᭄ᬲᬗ᭄ᬕᬶᬢ᭄᭞ᬘᭀᬦ᭄ᬤᭀᬂᬫᬗᬶᬭᬶᬂᬲᬕᬺᬳᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧ᭞ᬤᬶᬲᬫ᭄ᬧᬶᬂᬧᬲᬃᬫᬗᬶᬦ᭄ᬢᬶᬧ᭄᭞ᬓᬥᬾᬳᬦ᭄ᬲ᭄ᬫᬃᬢᬦᬤᭀᬄ᭞ᬭᬤᬾ᭠
ᬦ᭄ᬕᬮᬸᬄᬲᬕᬾᬢ᭄ᬭᬯᬸᬄ᭞ᬫᬲ᭄ᬓᬃᬫᬶᬳᬶᬓ᭄ᬫᬧᬬᬲ᭄᭞ᬮ᭄ᬯᬶᬃᬤᬤᬭᬶ᭞ᬫᬓᭂᬲ᭄ᬬᬸᬄᬳᬫ᭄ᬩᬸᬫ᭄ᬭᬶᬓ᭄ᬲᬸᬫᬵᬃ᭟ᬧᬫᬸᬮᬸᬦᬾᬮᬸᬫ᭄ᬮᬸᬫ᭄‌‌ᬚ᭄ᬦᬃ᭞ᬫᬮᬸᬕ᭄ᬧᬸᬕ᭄‌‌ᬫ᭄ᬭᬶᬓ᭄ᬲᬸᬫᬶᬭᬶᬢ᭄᭞ᬲᬗᬩᬕᬸᬲ᭄‌‌ᬢ᭄ᬯᬭᬓᬢᭀᬦ᭄᭞ᬤᬶᬢᬸᬤᬦᬾᬗ᭄ᬭᬱᬳᬶᬩᬸᬓ᭄᭞ᬫ᭄ᬭᬱᬬᬾᬦ᭄ᬓ
ᬢᬶᬗ᭄ᬕᬮᬦ᭄᭞ᬩᬦ᭄ᬲᬂᬧ᭄ᬓᬶᬓ᭄᭞ᬭᬭᬶᬲ᭄ᬫᬦᬗᬶᬲ᭄ᬳᬮᬭᬵ᭟ᬓᬾᬦ᭄ᬓᬾᬦ᭄ᬚᬦᬶᬓᬓᬵᬩᬬᬦ᭄᭞ᬳᬸᬮᬢ᭄ᬗᬸᬲᬧ᭄ᬘᬳᬶᬚᬦᬶ᭞ᬤᬶᬚᬳᬩ᭄ᬮᬶᬫᬦᭀᬗᭀᬲ᭄᭞ᬲᭂᬗ᭄ᬓᬾᬢᬦᬾᬲᬸᬩᬧᬸᬧᬸᬢ᭄᭞ᬤᬤᬶᬤᬦᬾᬗ᭄ᬮᭀᬂᬳᬸᬩᬬ᭞ᬬᬾᬦ᭄ᬲᬶᬫᬸᬮᬶᬄ᭞
ᬫᬰᬦᬶᬭᬗ᭄ᬮᬄᬕ᭄ᬦᬄ᭟ᬢᬦᬸᬭᬸᬂᬳᬫᬄᬕᬕᬸᬬᭀᬦ᭄᭞ᬮᬸᬫ᭄ᬯᬦᬶᬜᬸᬭᬓᬶᬦ᭄ᬓᬳᬶ᭞ᬍᬳᭂᬂᬫᬢᬶᬤᬶᬦ᭄ᬢᭀᬤᬶᬦ᭄ᬢᭀ᭞ᬳᬧᬚᬵᬧ᭄ᬯᬭᬦᬾᬳᬶᬤᬸᬧ᭄᭞ᬳᬯᬓ᭄ᬲᬸᬩᬦᬶᬗ᭄ᬕᬮ᭄ᬤᬾᬰ᭞ᬚᬮᬦ᭄ᬳᬮᬶᬄ᭞ᬩᬶᬮᬶᬄᬓᬧᬗ᭄ᬕᬶᬄᬤᬶᬚᬮᬦ᭄᭟ᬭᬳᬤᬾ