[ ᭓᭓ 33B ]
᭓᭓᭞
ᬓᬶᬧᬫ᭄ᬭᬕᬢ᭄᭞ᬭᬧᬸᬄᬤᬤᭀᬲ᭄ᬳᬩᬸᬲᬫᬶ᭞ᬫᬭᬸᬧᬧᬫᬸᬳᬦ᭄᭞ᬲᬓᬜ᭄ᬘᬦ᭄ᬕᭂᬭᬶᬗᬾᬩᬸᬯᬢ᭄᭞ᬢᬍᬃᬮᬸᬫᬄᬫᬮᬶᬄᬓᬜᬶᬄ᭞ᬓᬭᬡᬏᬮᬄᬕᬕᭀᬤᬦᬾᬫᬜᬸᬲᬸᬧᬶᬦ᭄᭟ᬲᬫ
ᬮᬶᬳᬳᬗ᭄ᬕᬦᬾᬚᬕᬧᬓᬕ᭄ᬓᬕ᭄᭞ᬩᭂᬋᬓ᭄ᬗᭂᬫ᭄ᬩᭂᬢᬶᬦ᭄ᬢᬸᬃᬧᭂᬗᬶᬢ᭄᭞ᬤᭂᬓ᭄ᬤᭂᬓ᭄ᬜᬕ᭄ᬧᬫ᭄ᬭᬕᬢ᭄᭞ᬫᬓᬲᬫᬶᬫᬩ᭄ᬭᬭᬓᬦ᭄᭞ᬲᬸᬚᬢᬶᬢᬶᬳᬸᬭᬶᬧ᭄ᬧᬸᬦᬶᬓᬶ᭞ᬲᬫ᭄ᬧᬸᬦ᭄ᬲᬶᬦᬄᬓᬧᬸᬧᬸᬢᬂᬳ
ᬓ᭄ᬢᬸᬓ᭄ᬧᬢᬶ᭟ᬓᬸᬫ᭄ᬧᬫᬬᬂᬓᬤᬶᬯᬸᬮᬳᬾᬢᬦ᭄ᬩᬶᬦ᭞ᬭᬶᬂᬫᬲᬦ᭄ᬧᬦᭂᬲᬾᬗᬧᬶ᭞ᬩᬸ᭠ᬯᬄᬦᬾ ᬢᬶᬩ᭞ᬲᬦᬾᬮᬬᬸᬫᬓᬘᬓᬦ᭄᭞ᬫᬳᬶᬍᬳᬦ᭄ᬧᬕᭂᬮᬶᬮᬶᬓ᭄᭞ᬲᬧᬸᬦᬶᬓ
ᬳᬶᬧᬭᬚᬦᬲᬸᬚᬢᬶ᭟ᬫᬩ᭄ᬭᬭᬓᭂᬦ᭄ᬧᬕ᭄ᬮᬦ᭄ᬢᭂᬲ᭄ᬲᬫ᭄ᬩᭂᬄᬫᬲᬄᬲᬄ᭞ᬢᬸᬮᬂᬳᬶᬧᬸᬦᬾᬫᬫᬸᬢᬶᬄ᭞ᬫᬶᬍᬄᬫᬓᬾᬚᬾᬕᬦ᭄᭞ᬭᬶᬓᬮᬳᬲᬧᬸᬦᬶᬓ᭞ᬓᬍᬕᬦ᭄ᬦᬧᬶᬓᬧᬗ᭄ᬕᬄ
[ ᭓᭔ 34A]
᭞ᬓᬮᬜᬶᬗᬓ᭄ᬕᬕᬫ᭄ᬩᬭᬦ᭄ᬗᬋᬲ᭄ᬋᬱᬶᬦ᭄᭟ᬳᬦ᭄ᬢᬸᬓ᭄ᬳᬸᬮᬂᬓᬸᬢᬧᬸᬦᬶᬓᬶᬓᬤᬓᬂ᭞ᬓᬓᬧᬸᬢ᭄ᬳᬦ᭄ᬢᬸᬓ᭄ᬭᬄᬤᬕᬶᬂ᭞ᬭᬶᬂᬢᭂᬗᬳᬶᬂᬓᬸᬢ᭞ᬫᬳᬸᬫᬄᬧᬢᬶᬩᬩᬺᬓᬦ᭄᭞ᬩᬗ᭄ᬕᬩᭂᬮᭀᬕ᭄ᬳᬚᬸ
ᬫ᭄ᬗᭂᬫ᭄ᬧᬶ᭞ᬢᬍᬃᬩᭀᬩᬩ᭄᭞ᬧᬶᬸᬧᬶᬸᬄᬭᬧᬸᬄᬓᬭᬸᬲᬓᬦ᭄ᬫᬮᬶᬄ᭟ᬲ᭄ᬬᬦ᭄ᬤᬦᬫᬵᬲ᭄ᬲᬦᬾᬓᬘᬬᬗᬮᬾᬫ᭄ᬮᬫ᭄᭞ᬧᬮᬶᬗ᭄ᬕᬶᬳᬦ᭄ᬲᬂᬪᬸᬧᬢᬶ᭞ᬢᬍᬃᬚᬕᬭᬸᬲᬓ᭄᭞ᬳᬧᬸᬄᬢᬸᬃᬳᬸᬘᭂ
ᬫ᭄ᬧᬫ᭄ᬭᬕᬢ᭄᭞ᬓᬤᬶᬲᬧᬸᬦᬶᬓᬳᬸᬕᬶ᭞ᬤᬤᭀᬲ᭄ᬢᬸᬳ᭞ᬧᬫᬸᬧᬸᬢ᭄ᬳᬗ᭄ᬕᬧᬸᬦᬶᬓᬶ᭟ᬦᬵᬗᬶᬂᬲᬶᬦᬄᬬᬦ᭄ᬥᬃᬫ᭄ᬫᬦᬶᬂᬓᬧᬢᬸᬢᬦ᭄᭞ᬧᬶᬢᬸᬯᬶᬲᬮᬫᬶᬮᬫᬶ᭞ᬢᬦ᭄ᬚᬕᬗ᭄ᬮᬶᬗ᭄ᬲᬶᬭᬂ᭞ᬯᬦ᭄ᬢᬄᬓ
ᬤᬶᬲᬧᬸᬦᬶᬓ᭞ᬓᬩᭂᬘᬶᬓᬦᬾᬢᬦ᭄ᬫᬭᬶ᭞ᬗᬮᬶᬫ᭄ᬩᬓᬂ᭞ᬚ᭄ᬭᭀᬦᬶᬂᬓᬩᭂᬘᬶᬓᬦ᭄ᬗ᭄ᬭᬭᬶᬲ᭄᭟ᬓᬩᬯᭀᬲᬂᬬᬦ᭄ᬫᬦᬸᬱᬦᬾᬭᬶᬂᬚᬕᬢ᭄᭞ᬫᬮᬚᬄᬯᬦ᭄ᬢᬄᬳᬓᬶᬤᬶᬓ᭄᭞ᬳᬶ
Kaca:Bali-lontar-paparikan-dammapada-500ppi.pdf/34
Kaca puniki sampun kauji-wacén
