[᭙ 9B]
᭙
ᬤ᭄ᬥ᭄ᬬᬂᬧ᭄ᬭᬩᬸᬢᬶᬦ᭄᭞ᬮᬫ᭄ᬧᬳᬶᬦ᭄ᬳᬸᬬᬸᬢ᭄᭞ᬳᭂᬗ᭄ᬲᬧ᭄ᬓᬾᬦ᭄ᬭᬕ᭄ᬭᬕᬦ᭄ᬕᭂᬮᬄ᭛ᬢᭀᬬᬸᬓ᭄ᬢᬶᬜᬡ᭄ᬥᬂᬩᬸᬓ᭄ᬢ᭄ᬬᬂ᭞ᬲᬸᬲᬸᬧ᭄ᬳᬮᬶᬄᬲᬫᬥᬶᬦᬶᬦ᭄᭞ᬦᬾᬓᬾᬦ᭄ᬫᬤᬜ᭄ᬚᬮᬾᬫᭂᬮᬄ᭞
ᬳᬧᬓᬾᬳᬤᬕᬸᬫᬦ᭄ᬢᬶ᭞ᬬᬾᬦᬶᬂᬲᬸᬩᬕᬦ᭄ᬢᬶᬧᬗ᭄ᬕᬶᬄ᭞ᬢᬦ᭄ᬳᬤᬬᬸᬓ᭄ᬢᬶᬦᬢᭂᬧᬸᬓ᭄᭞ᬢ᭄ᬯᬄᬚᬢ᭄ᬯᬶᬓᬮᬯᬦ᭄ᬢ᭄ᬯᬭ᭞ᬦᬾᬲᬶᬦᬄᬫᬓᭂᬜᬶᬢ᭄ᬧᬗ᭄ᬕᬶᬄ᭞ᬢᭀᬚ᭄ᬯᬵ
ᬤᬸᬮᬸᬄ᭞ᬦᬾᬚᬢᬶᬧᬲᬚᬳᬂ᭛ᬢ᭄ᬯᬄᬚᬢᬶᬮᬦᭀᬭᬳᬮ᭞ᬳᭂᬦ᭄ᬢᭀᬢ᭄ᬯᬄᬦᬾᬧᬢᬸᬢ᭄ᬕᬶᬲᬶ᭞ᬦᬾᬚᬢᬶᬦ᭄ᬢᭀᬚ᭄ᬯᬵᬧᬸᬧᬸᬳᬂ᭞ᬦᬾᬦᭀᬭᬤᭂᬫᭂᬦᬶᬦ᭄ᬤᬶᬳᬶᬦ᭄
᭞ᬗᬶᬮᬶᬲᬂᬓᬬᬸᬦᬾᬘᭂᬦᬶᬂ᭞ᬚᭂᬚᭂᬭᬂᬫᬗ᭄ᬤᬾᬦ᭄ᬢᬦ᭄ᬩᬶᬗᬸᬂ᭞ᬤᬵᬜᭂᬦ᭄ᬳᬫ᭄ᬧᬄᬫᬫᭀᬬ᭞ᬲᬮ᭄ᬯᬶᬭᬾᬮᬯᬸᬢ᭄ᬲᭂᬍᬳᬶᬦ᭄᭞ᬤᬵᬚᬕ᭄ᬩᬸᬕᬸ᭞ᬬᬾᬦ᭄ᬢᭀᬦ᭄ᬤᬾᬦ᭄ᬩᬓᬢ᭄ᬓᬾᬘ
[᭑᭐ 10A]
ᬧᬂ᭛ᬳᬧᬦ᭄ᬢ᭄ᬯᬄᬲᬫᬥᬶᬳᬶᬓᬶ᭞ᬚᬮᬜ᭄ᬘᭂᬦᬶᬗᬾᬗᭂᬘᬧᬶᬦ᭄᭞ᬤᬵᬗᬤᬾᬦ᭄ᬢᬸᬬᬸᬄᬫᬓᬸᬢᬂ᭞ᬮᬕᬸᬢ᭄ᬘᭂᬦᬶᬂᬤᭂᬕᭂᬂᬦᭂᬗᬶᬮ᭄᭞ᬢᭂᬭᬗᬾᬦᬾᬦᬾᬦᬧᬗ᭄ᬕᬶᬄ᭞ᬧᬸᬦᬶᬓ
ᬲᬶᬦᬭᬶᬂᬲᬸᬮᬸᬄ᭞ᬦᬾᬲᬭᬸᬕᬶᬩᬦ᭄ᬢᬶᬩᬦᬦ᭄᭞ᬫᬓᭂᬲ᭄ᬬᬃᬕᬮᬂᬧᬺᬫᬗ᭄ᬓᬶᬦ᭄᭞ᬗ᭄ᬳᬶᬂᬧᬂᬢᬸᬳᬸ᭞ᬲᬸᬚᬢᬶᬫᬓᬶᬢᬵᬦᬯᬂ᭛ᬤᬵᬧᬢᬶᬫᭂᬝᬾᬓ᭄ᬧᭂᬮᬶᬄᬢᬶᬫ᭄ᬧᬮ᭄᭞
ᬧᭂᬮᬶᬄᬤᬾᬯᬾᬓᬾᬚ᭄ᬯᬳᬶᬦ᭄ᬢᬶᬧ᭄᭞ᬫᬭᬵᬫᬼᬚᬶᬢ᭄ᬓᬢᬭᬳᬂ᭞ᬤᬵᬦᬧᬶᬦᬵᬓᬦ᭄ᬢᬶᬫᭂᬦ᭄ᬢᬶᬓ᭄᭞ᬚᬦᬶᬧᬶᬲᭂᬓ᭄ᬧᬂᬲᬶᬂᬲᬓᬶᬢ᭄᭞ᬲᬢᭀᬦ᭄ᬤᬾᬦᬾᬬᬫᬜᬸᬲᬸᬧ᭄᭞ᬬᬾ
ᬦ᭄ᬮᬶᬧ᭄ᬬᬩᬓᬢ᭄ᬥᭂᬧᬗᬂ᭞ᬗᬦ᭄ᬢᬶᬩᬓ᭄ᬭᭀᬬᬫᬩᬗ᭄ᬲᬶᬂ᭞ᬫᬭᬸᬳᬩᬸᬢ᭄᭞ᬫᬾᬄᬧᬤᬍᬫ᭄ᬩᬦ᭄ᬢᬳᬦᬂ᭛ᬤᬵᬘᭂᬦᬶᬂᬫᭀᬩᬤᬶᬦ᭄ᬳᬯᬓ᭄᭞ᬤᬧᬶᬲᬦ᭄ᬢᬶ
Kaca:Bali-lontar-paparikan-darmapada-350ppi.pdf/10
Kaca puniki sampun kauji-wacén
